வந்துட்டாரையா_வந்துட்டாரு

#வந்துட்டாரையா_வந்துட்டாரு..

சுப்ரபாதம் சொல்லாமலே..
சுறுசுறுப்பா வந்துட்டாரு..
சுட்டெரிக்கப் போறேன்னு
சூளுரைச்சு வந்துட்டாரு..

சத்தமிடும் குளிர்ப்பெட்டி
சன்னமாக்குது குயிலோசையுமே
சட்டுனு எழுந்திடவே
சுருங்குது மனமிங்கே..

ஓவர்டைம் செய்ய..
ஓடோடி வந்தவரே..
ஓடி வரும் மேகத்துக்கு
ஓரமாய் ஓர்  இடம் கொடப்பா..

ஈரம் காணா நிலமிங்கு.
ஈனஸ்வரத்தில் தவிக்கிறதே
வர மொன்று தாருமையா..
வான் மழையும் பொழிந்திடவே..

மின்னலும்் விளக்கேந்த்
இடியும் மத்தளம் முழங்க
கொட்டும் மழை சத்தம் கேட்டு
நாட்கள் ஆச்சு எத்தனையோ

கூட்டுப் பிரார்த்தனை செய்வோம்..
கூடட்டும் மேகங்கள்
கொட்டட்டும் மழை..
கொண்டாட்டம் துவங்கட்டும்..

#மழை_வேண்டி_பிரார்த்திப்போம்

நான்_அட்மின்_ஆனால்

#ஸண்டே_ஸ்பெஷல்

#நான்_அட்மின்_ஆனால்

1.முதல்ல் ஒரு #chitty_robot பக்கத்துல வெச்சுக்கணும்னு நினைக்கிறேன்.
இருபதாயிரம் மெம்பர் பதிவுகள் போட்டாலும் ஒரே செகண்டல படிச்சு முடிச்சுடும்.

படிச்ச போஸ்ட் எல்லாம் எனக்கு prioritize பண்ணி அனுப்பும்.

யார் பதிவு மிக கம்மியான லைக்கும் கமெண்ட்டும் பெறுகிறதோ அது முதல்ல அப்ரூவ் ஆகனும்னு லிஸ்ட் மாடரேட்டர்க்கு போக வைப்பேன் ( அப்புறம்..நீ எதுக்கு?)

  V.n. Meenakshi Yoga Yogambal ஆஸ்தான tag queens.
they will takeover.

2. #madhyamar_membership_form எல்லாரும் ஃபில் பண்ணணும்.
 basic details இருக்கும்.
அதை வைத்து ஒரு data base உருவாக்குவேன்.
region age profession wise excel sheet ரெடியாக வைத்திருப்பேன்.

முதல் பதிவு போடுமுன் இந்த ஃபார்ம் பூர்த்தி ஆகவில்லை என்றால் பதிவருக்கு மெசேஜ் போகும்.

3.ஒவ்வொரு region க்கும் ஒன்று அல்லது இரண்டு பேர்கள் நியமித்து அந்த ஊர்களில் நடக்கும் பள்ளி கல்லூரி நிகழ்ச்சிகள் என்ன..ஆஸ்பத்திரி வசதி என்ன? இது போல பல தகவல்கள் சேகரிக்க சொல்வேன்.

அங்கு நடக்கும் விழாக்கள் ,camp களில் மத்யமரும் தங்கள் பங்கை அளிக்க வகை செய்வேன்.
அங்கிருக்கும்  மாணவ மாணவியருக்கு உபயோகமாக இருக்கும் வகையில் மத்யமர் நூலகம் அமைப்பேன்.

இத்றகு தேவையான புக்ஸ் ,நம் மத்யமர்களே அளிப்பார்கள்.

அந்த region ல் இருக்கும் மத்யமர்கள் கல்வியுடன் கை வேலைகள்,ஆங்கிலம் கற்பித்தல் ,personality development courses நடத்த வழி வகுப்பேன்.

4.கலை நிகழ்ச்சிகள் #exclusively_for_ youth நடத்துவேன் ஒரு குறிப்பிட மாதங்களில்..

அதில் தேர்ந்தெடுக்கப்படும் க்ரூப் ,சென்னையில் நடக்கும் வருடாந்திர மத்யமர் மீட்டில் பங்கேற்பர். சிறப்பு விருதுகளும் உண்டு.

5.nothing happens overnight and touching the lives of the people is more important for any organization to grow.

புயலும் மழையும் வந்தால் உதவ நிறைய சேவை மையங்கள் உண்டு.
மத்யமர் is #just_a_phone_call_away என்று மாறணும்..
அதுக்காக ' சார் எங்க ரோட்டில குழாய்ல தண்ணி வரலை ..சாக்க்டை அடைச்சிண்டிருக்கு' என்பதற்கெல்லாம் நாம் பொறுப்பல்ல..

just dial ல் கிடைக்கிறமாதிரி.
#madhyamar_dial ல் இங்கிருக்கும் தொழில் நுட்ப வல்லுனர்கள், சமூக ஆர்வலர்கள், பெண்கள் சிறு தொழில் ..இன்னும் என்னென்ன சேவைகள் மத்யமர் உறுப்பினர்கள் செய்கிறார்களோ அத்தனையும் கிடைக்கச் செய்வேன்.

கடைசியா..எப்புடியாவது இந்த இளசு கூட்டத்தை உள்ள கொண்டாந்துடணும.

மத்யமர் கூப்பிட்டு ஒரு விழா நடத்தினால் தான் நமக்கு fund raise ஆகும்னு ஒரு நிலமையை கார்ப்பரேட் உலகுக்கு உருவாக்கணும்..(ரொம்ப ஓவரா இருக்கா?

6. #no_post_day.
அன்னிக்கு ஒரு நாள் அந்த வாரம் வந்த பதிவுகள் மட்டும் படித்து லைக் கமெண்ட் செய்யணும்.
அப்போதுதான் justify செய்ய முடியும் POTW என்பதை.

7.பதிவு செய்யும்போதே அது எந்த #category சேர்ந்தது என்று டிக் செய்தால் தான் போஸ்ட் submit செய்ய முடியணும்.

வாட்ஸப் க்ருப் அட்மின் ஆக இருக்கவே..ஆயிரம் அடி பாய்ந்து ஓடற உனக்கு இதெல்லாம் தேவையா..மை.வா...சொல்லுது....😂😂

Holi

holi hai holi..
கத்தலோடும் கலரோடும்
காலை ..புலரும்..
வயதுக்கும் வாலிபம் திரும்பும்
வசந்த நாள்.. இன்று

வண்ணங்கள் வாங்கும் விழா
வாரங்களுக்கு முன்பே தொடங்கும்..
உற்சாகம் உல்லாசம்..
ஊரெல்லாம் கொண்டாட்டம்..

உருளை உருண்டு விளையாடும்..
உருவம் பல எடுக்கும்..
வடாமாய்,சிப்ஸாய்,டிக்கியாய்..
போண்டாவாய்,கட்லட்டாய்....
தோழியுடன் ஒப்பந்தம்..
தோசை சாம்பார் கொண்டு வரேன்..
தோதாய் நீ வேலை செய் என்று..(நமக்கு இதெல்லாம் வராதே..சாம்பாரைப் பார்த்ததும் 'shakthimaan' ஆகிடுவா..!!)
அடுத்து..
'குஜியா'... செய்யனும்..'
தோழி சொல்ல..
நதியா மட்டுமே தெரிந்த நான்
திரு திரு நு முழிக்க...
சிரிப்பு தான்..சந்தோஷந் தான்..
செய்யறதுக்குள்ள.. சீவன் பாதி போகும்..
ஆனா..
சொர்க்கம் தெரியும்..சொட்டு நாக்கில பட்டதும்..
சுவையோ ...சுவை....
ருசியோ ...ருசி..

ஹோலி நாள்....
ஒரு ஜாலி நாள்...

பாலிகை கரைக்கறது மறக்காம இருக்க.
பாக்கெட் கலரெல்லாம் தண்ணீரில் கரைச்சு
பக்கெட் டிலும்..பலூனிலும்..
pichkari யிலும் ...ரொப்பித் தள்ள
வாரி இறைத்த வண்ணங்கள்..
வானவில் ஜாலம் காட்ட..

ஒரு வழியாய் ஆடி முடித்து..
அப்பிய கலர் போக..
அட்டகாச குளியல் போட்டு.
அப்பாடா...தூக்கம் போட்டு..
என்னமா..ஒரு பண்டிகை...

அந்த நாள் ஞாபகம் நெஞ்சிலே வந்ததே..
இன்றோ..
no 'holi'day நு school சொல்ல..
நொந்துமே என் பெண்ணும் சென்றுவிட..
நினைவுகளை அசை போட்டு....
ஜோலி ஒன்றும் இல்லா..
காலி ஹோலி..
happy holi my dear friends
enjoy every minute of life..
moments never come back ..
only the memories stay back..

Holi

Happy holi friends

holi ரொம்ப ஜாலி..வாரி வாரி இரைக்கும் வண்ணம்..வாளி வாளியாய் வீசும் தண்ணீர்.
கலர் ..கலர் ..கலர்..

புடவை ஷாப்பிங் போனதை விட ..இந்த பொடி ஷாப்பிங் நிறைய நேரம் ஆகும்.
pink,yellow, red, green ..buy two one free ..offer இருக்கிற கடையா பார்த்து உள்ளே நுழையணும்.
ஆர்கேனிக் பெளடர் தேடி வாஙகணும்.கெமிக்கல் வாங்கிட்டோமோ.. அப்பறம் கெமிஸ்ட் கிட்ட நடையா நடந்தாகணும்.

 ஊதி ஊதி தண்ணி ரொப்ப பலூனும் வேணும்.'காத்துதான் வரது' நு சொல்பருக்கு இந்த வேலை allot ஆகும்.

எங்க எதிர்த்த  வீட்ல ஒரு மாசத்துக்கு முன்னாடியே ஊறுகாய் பாட்டில்ல tesu flower ஊறியபடி வெய்யிலில் வைக்கப் பட்டிருக்கும். யாரும் தப்பித் தவறி வாயில போட்டுக்கப் போறாளேனு நான் கவலையாய் பார்க்க..அந்த வீட்டு வாண்டு என்னை ஒரு லுக் விட்டு போகும்.உள்ளே இருந்து ஒரு பாட்டி வந்து பாட்டிலை இடம் மாறி வெச்சு என்னை ஒரு முரை விடுவார்.

ஞாபகமா..வெள்ளை வெளேர்னு இருக்கற ட்ரஸ் எடுத்து வைக்கணும்..அப்போதான் கலர் combination நல்லாத் தெரியும்.

சாப்பாடு..ஐயோ என்ன வெரைட்டி..என்ன வெரைட்டி..( சாப்பாடுன்னா..சளைக்காமல் ஆஜர் ஆகிடுவேனே)
உருளை உருண்டு விளையாடும்.
உருவமும் பல எடுக்கும்.
சிப்ஸ் பண்ணலாம் வான்னு என்னை போட்டு வறுத்தெடுப்பாள் தோழி.
'குஜியா' நிறைய செய்யணும் ஒத்தாசைக்கு வா என்றாள். எனக்கு நதியா தானே தெரியும் ..இதென்ன குஜியா ?
இப்படி ஒரு இனிப்பா..tasty bhi healthy bhi..kaam bhi..!
.வாயில் போட்டால் சொர்க்கம் காட்டி குஷியாக்கும் குஜியா...ஆஹா..பேஷ் பேஷ்னு அப்படியே சாப்பிடலாம் குஜியா..

காத்துக் கிடந்த பண்டிகை..
ஹோலி ஹை ஹோலினு
கத்தலோடு காலை புலரும்.

கண் முழிக்கும் போதே கலரோடும் ..கெட்டித் தயிரில் மேல் தூவிய மிளகாய்ப் பொடியில் மூழ்கிக் கிடக்கும் வடையோடும் காத்திருப்பாள் பக்கத்து வீட்டு aunty.
பல் தேய்க்கற பட்சணம் ரெடி.

பாலிகை கரைக்கறது மறக்காம இருக்க.
பாக்கெட் கலரெல்லாம் தண்ணீரில்கரைச்சு
பக்கெட் டிலும்..பலூனிலும்..
pichkari யிலும் ...ரொப்பித் தள்ள..
மிசைல் அட்டாக் தான். பசங்களோடு பசங்களாய் ஆட்டம் பாட்டம் கொண்டாட்டம்.

பக்கத்து வீட்டு சுமன் என்னடா ரொம்ப சுமுகமா கூப்பிடறாளேனு நான் குழம்பிப் போய் நிற்க..வீட்டுக்காரர் warning விடுவார்.
மயங்கிண்டு போகாதே..பக்கோடாவோட bhang ம் கொடுப்பா..ஜாக்கிரதைனு எதிரி முகாம் ரகசியத்தை போட்டு உடைப்பார்.
( அது எப்ப்டித்தான் இருக்கும்னு ட்ரை பண்ண விட்டதே இல்லை..)

அன்னிக்கு மட்டும் எல்லா வீட்லயும் காத்துக்கு பதிலா கொஞ்சம் தண்ணியும் குழாயில் வரும்.

ஆட்டம் முடிச்சு..அழுக்குப் போக ஒரு குளியலடிச்சு..துணியெல்லாம் முக்கி வெச்சு..மூக்கு பிடிக்க ஒரு சாப்பாடு..
மலையே இடிஞ்சு விழுந்தாலும் காதிலே விழாத தூக்கம்..

'ஆடி அடங்கும் வாழ்க்கையடானு' பாட்டு பாடியபடி..அடுத்த நாள் மூட்டை துணி தோய்க்கணும்..
ஆடியபடி என் வலதுகரம் ரஜ்ஜோ வருவாள்..கோணலாய் கொஞ்சம் சிரிப்பாள்.ஏய் என்னாச்சு ..நல்லாத்தானே இருந்தேனு கேட்பேன். சப்ஜியில் something  வைத்து யாரோ பழி வாங்கிட்டா என்று சிரித்தபடி அழ ஆரம்பிப்பாள்.

ஹோலி வந்ததும் தன் ஜோலி பார்க்க ஜ்வலிக்க வந்துடுவார் சூரிய பகவான்.
ஸ்வெட்டருக்கு எல்லாம் ' ஆரீராரோ பாடி தாச்சி தூங்கும்மானு சொல்லி திவானுக்குள் திணிக்கணும்.

வசந்த காலம்..வண்ணம் தூவி..வயது பாராமல்..விளையாடும் விளையாட்டு..
holi..
எல்லாம் ஒரு காலம்னு கடந்த காலத்துக்கு இழுத்துப்போய் ..கலகலப்பாக்கும்..எட்டிப் பார்க்கும்.அந்த நாளும் நினைவுகள்.

Holi

Holi hai holi

Happy holi to all my friends..
Have a color filled day

#doondays
Memories ..they keep our life moving.

கலர் கலர் பண்டிகை
கலகலக்கும் பண்டிகை.
வசந்த்காலப் பண்டிகை.
விளையாடும் பண்டிகை

கலக்கம் வரும் முதலில்
களமிறங்கினால்..
களிப்பு கொள்ளை அங்கே.
கலர் பூசிய முகமே
கிலி கொடுக்குமங்கே

வீசி எறியும் வண்ணம்
வீதியிங்கு மின்னும்
வயது மறந்து இங்கே
வாலிபமும் திரும்பிடுமே

பொரித்த உருளை வறுவலும்
பாதாமும் கோவாவுடன் குஜியாவும்
தயிரில் ஊறிய வடையும்
தாகம் தணிக்க பானமும்.
ஆட்டமது ஓயாதிருக்க
அதி சக்தி தந்திடுமே

ஆடி ஓடி ஓய்ந்த பின்னே
அழுக்கு போக ஓர் குளியல்
அப்பாடானு ஒரு தூக்கம்
அடடே .இதுவோ சொர்க்கம்

கவலை அடுத்து வருமே
கலரில் தோய்ந்த துணியதையே
கசக்கிக் போட வேணுமே
சுவரில் தெளித்த கலருமே
சுவடில்லாமல் அழிக்கணுமே..

வண்ணங்களின் பண்டிகை
எண்ணத்தை தூண்டியதே..
வாழ்ந்த காலங்கள் எல்லாம்
வந்து நினைவில் போகிறதே..

வணங்கிடுவேன் இறை யவனை
வாய்ப்பு ஒன்று தந்ததற்கு
வண்ணத்தின் விளையாட்டு வழி
வாழ்வை நன்கு ரசிப்பதற்கு

Life is so colorful..
Enjoy the moments..

Holi

#சிறுகதை
#ஐயா_மாட்டிக்கிட்டாரு..

" எனக்கு பயமா இருக்கும்மா..அவங்க வந்தால் நான் இல்லைனு சொல்லிடறயா? நடுங்கும் குரலில் ராஜன்.

" இந்தக் குழந்தையை அவன்களிடமிருந்து காப்பாத்துப்பா' தெய்வத்தை துணைக்கழைத்தாள் கெளசல்யா..

' நீ வெளில வராதே..எப்படியும் சமாளிச்சு நீ இல்லனு சொல்லிடறேன்' சொல்லியபடி அடுக்களைக்குள் நுழைந்தாள்.

வாசப் பக்கம் சத்தம் கேட்டபோதெல்லாம் சப்த் நாடியும் ஒடுங்கியது.
திக் திக் என்று டிக் டிக் கடிகாரம் பயத்தை அதிகரித்தது.
செக்யூரிட்டி கிட்ட சொல்லி வைத்தாள் யாரயும் உள்ளே அனுப்பாதே என்று.
சொன்னா சொன்னபடி செய்துடுவாம்மா.ராஜன் அழாத குறையாக ..
படபடனு கதவை தட்டும் சத்தம்.
கீஹோல் வழியாகப் பார்த்தாள்.
'அவங்களே தான் அவங்களே தான். '

 இந்த செக்யூரிட்டி கிட்ட இத்தனை சொல்லியும் இண்டர்காமில் கூட கூப்பிடலையே..பாவி..பாவி..இனிமே இரு உனக்கு எல்லா பண்டிக்கைக்கும் குடுக்கற பட்சணம் கட் பண்ணிடறேன்னு கறுவிண்டே..கதவைத் திறக்காமல் வாயில் வந்த எல்லா ஸ்லோகமும் சொல்லிண்டிருந்தாள்.

' இப்போ திறக்கலைனா..விளைவுகள் ரொம்ப விபரீதமாகிடும் மாமினு ஒரு கட்டைக் குரல்.
கதவை திறந்து விட்டாள்.

' எங்கே உங்க பையன்..எங்கே ஒளிஞ்சிண்டு இருக்கான். டேய் நீ அந்த ரூம்ல போய் தேடுடா.நான் மத்த எடமெல்லாம் தேடறேன்னு ஆளாளுக்கு வந்திருந்த அஞ்சு பேரும் கையில் ஆயுதங்களோட ..

கட்டிலுக்குப் பக்கத்தில போர்வைகள் அடுக்கியிருந்த இடத்தில் போர்வையோடு போர்வையாக போத்திப் படுத்துக் கிடந்தான் ராஜன்.

ரூமுக்குள் வந்தவன் தேடியபடி இருக்க..பெட் மேலே இருந்த லாப்டாப்பில் Facebook messenger காட்டிக் கொடுத்தது 'active now' என்று.
இத்தனூண்டு ரூமில் ராஜனைக் கண்டுபிடிக்க அவ்வளவு கஷ்ட்டமா என்ன?

'மவனே..எங்கிட்டயா தண்ணி காட்டற..
கையில் இருந்த கலர் ரொப்பிய பலூனை போர்வையின் மேல் சரமாரியாக அடிக்க ஆரம்பித்தான் ராஜனின் ஜிகிரி தோஸ்த் ஜோஷி

"டேய் ..மாட்டிக்கிட்டான் டா.
மவனே..ஹோலி அன்னிக்கு கலரோட விளையாடமல் கம்முனு நீ இருப்ப ..நாங்க விட்டுருவோமா..அந்த கலர் பெயிண்ட்டை கொண்டாங்கடா..பூசித் தள்ளிடுவோம்.

பிச்காரிகளில் இருந்த வண்ணங்கள் சந்தோஷ ஆறாக மாற..
holi hai holi..holi hai holi..
வசந்த காலம் வரவேற்பு வீதிகளில் துவங்கியது.

Holi

#rang_barse..
#holi_hai_holi

holiday ல ரொம்ப ஜாலி டே இந்த ஹோலி டே..
கலரைப் பார்த்ததும் கிலி
வயிற்றில் கரையும் புளி

எலியும் ஆவார் புலி
''பா"ங்கும் உருவாக்கும் சிரிப்பொலி

கலரு ரொம்பிய வாளி
தண்ணி ஆகும் காலி..

தயிர் வடையுடன் Thali..யார்
வயிறும் இல்லை காலி..

சந்தோஷத்தில் இல்லை போலி
சிலரு செய்வார் 'பூரண்' போளி

சிரிப்பு கும்மாளம் கேலி
சிரித்தே வரும் வயிறு வலி

மெனுவில் இருக்கும் corn & chilli
உப்பிடும் எல்லார் belly

மகிழ்ச்சிக்கு இல்லை வேலி
எங்கும் holi hai holi ஒலி..
ஆம்..
நிரம்பி வழியும் ஜாலி
வசந்த விழாவாம் ஹோலி

Happy happy holi

கணவன் அமைவதெல்லாம்...

கணவன் அமைவதெல்லாம்...

நிச்சயமாகும் திருமணங்கள்
நடக்கும் எல்லாம் சுபமேயாம்.

நல்ல இடமாய் அமைஞ்சதில் தொடங்கி..
ஆசைப்போல அமைஞ்சார் மாப்பிள்ளை..
அன்பாய் இருக்க அமைஞ்ச குடும்பம்..
அரவணைத்து  வழிகாட்ட அமைஞ்ச மாமியார்..
நானிருக்கேன் அக்காவென அமைஞ்ச நாத்தனார்..
விரதம் முதல் மறுவீடு வரை அமைஞ்சது  அம்சமாய் எல்லாமே.
புது ஊரு புதுசாய்க் குடித்தனம்
பழக நல்ல மனிதர்களோடு
பாங்காய் அமைஞ்சது எல்லாமே.

போட்டதை சாப்பிடும் கணவர் ஒருநாள்..
போட்டாரே ஒரு போடுந்தான்..
'அமைஞ்சிடுத்து இன்னிக்கு என்னமோ..எல்லாமே..
அகத்துக்காரி உன் சமையலில் தான்'
அய்யோ பாவம் அப்பாவி மனுஷா
அப்பவே நீரும் சொல்லப் படாதோ
ஆக்கி வைத்ததில் குறைஞ்சது என்னனு...
அழுத்தக் கார சாமினு நினச்சேனே
அமைதிச் சாமியா இருந்தீரோ..

அன்று புரிந்தது உண்மையொன்று..
அமைஞ்சது என்ற பெரிய பட்டியலில்
ஆளுமை இல்லா இவரும் அமைஞ்சது
அமைஞ்சதில் எல்லாம் ஒருபடி
மேலோ..

வரம் தந்த சாமிக்கு

வரம் தந்த சாமிக்கு..

'நர்ஸ்..நர்ஸ்..மணி என்னாச்சு இப்போ..இன்னிக்கு திங்கட்கிழமை.. ராகுகாலம் ஏழரைக்கு ஆரம்புச்சுடும் அதுக்குள்ள எனக்கு டெலிவரி ஆகணும்..ப்ளீஸ்..ப்ளீஸ்..'
வலி தந்த ஈனச் சுவரத்தில் செவிலியிடம் முறையிட்டபடி அந்த அம்மா ..
ஆங்கிலோ இந்தியனான எமிலியா என்ற நர்ஸ் ..what.. raagu..இன்னா சொல்றே man..ஒண்ணு ம் புரில..அவள் விரட்ட..
தாயைப் பிரிய மனம் வராது அந்த சிசு நழுவி ஓட..நான் இங்கேயே இருக்கேனே..எதுக்கு வெளியே போகணும்னு திமிற..
ஒரு வயதான பாட்டியின் குரல்..' அம்மானு கத்தாதேடி..அப்பறம் குழந்தை உனக்கு மட்டும் உன் அம்மா வேணும்..நான் மட்டும் உன்னை வுட்டு வெளியே வரணுமானு உள்ளயே இருக்கும்..சுவாமியை நினச்சுக்கோ'
அந்த சிசுவின் ஜனனம் நெருங்க ..கடவுள் வந்து அதன் காதில் கிசுகிசுத்தார்..' புது உலகு காணப் புறப்படு குழந்தாய்..உனக்கு எல்லாம் ரெடியா காத்திருக்கு..உயிராய் உனை காக்க அம்மா அப்பா, ஊட்டி வளர்க்க தாத்தா பாட்டி, தங்கத் தட்டில் தாங்க உடன்பிறப்புகள், பாதி சொர்க்கமாய்ப் புகுந்த வீடு, சுற்றம் நட்பு....எல்லாம் எல்லாம் ..

சந்தோஷங்களோடு சவால்கள் பலவும் சரமாரியாகக் காத்திருக்கு. சிந்தையில் எனைக் கொண்டு  சிறப்பாய் எதிர் கொள்வாய். அன்பு எனும் அட்சயப் பாத்திரம் உனது. அகிலத்துக்கும் வழங்கு . அன்பால் உலகை ஆள் நீயும்.
கடைசியாய் ஒன்று.. அள்ளித் தருபவன் நான். அதைத் தா..இதைத்தா எனக் கேட்டு அளவுகோல் இடாதே..நேரம் வந்தாச்சு. வெளியே போ..தள்ளப்பட்ட சிசு வெளியே..வீறிட்டு அழுதபடி.
அரை மயக்கத்திலும் அம்மா..' ராகு காலம் இன்னும் வரலையே ..என்ன குழந்தை எனக்கு பிறந்திருக்கு என்று கேட்க...ஆஸ்பத்திரி வராண்டாவில் ஆரவாரத்துடன் குழந்தையின் தாய் மாமன், சந்தோஷச் செய்தி பரப்பிக் கொண்டிருந்தான்..'அக்காக்கு ரோஜாப்பு மாதிரி ஒரு பொண்ணு பிறந்திருக்கு'.

deep from my heart i am thanking each and everyone who all made my day so special and memorable. Thanks  a ton my dear friends

ஆன்மீகம்

#ஆன்மீகம்
(மிக தாமதமாக பதிகிறேன். ஆனால் மனதில் உள்ளதை மத்யமர் நண்பர்களிடம் சொல்லாமல் எப்படி இருக்க முடியும்?)

பூஜையெல்லாம் உண்டா உன் வீட்ல? நீ Buddhism க்கு மாறிவிட்டயாமே? இப்படி ஒரு சிலர்.Buddhism follow பண்றேன்னு சொல்ற..எங்கே வீட்டில் ஒரு புத்தர் படமும் காணோமே?.

இளக்காரத்தின் உச்சத்தில் பலர்..
இருக்காதா பின்னே? கேட்டவருக்கு சொல்கிறேன்..என்னிடமும் இருக்கு..உன்னிடமும் இருக்கு அந்த்க Buddha nature. அதைத்தான் நான் காண்கிறேன் என்பேன்.

பிள்ளையாரோடு பேச்சு வார்த்தை நடத்தி காரியம் சாதிக்கும் அம்மா..
அருகம்புல் வைத்து அனுதினமும் பூஜை செய்வாள்.
அம்பாளின் பூரண அனுக்கிரஹம் பெற்றவள்..
அப்படிப்பட்டவளின் பெண்ணாகிய நான்..ஜப்பானிய மொழியில் ஒரு மந்திரம் chant செய்ய ஆரம்பித்தபோது அதிர்ந்தாள்.

இது என்ன நம்ம குடும்பத்தில் இல்லாத ஒரு நம்பிக்கை திடீர்னு உனக்கு எப்படி? தெய்வ குத்தம் ஆகிடும்..எனக்கு பயமா இருக்கு என்று புலம்ப ஆரம்பித்தாள்.
நீங்களும் என்னடாநு யோசிக்கறது புரிகிறது.

 நம்ம மதத்தில் இல்லாத எதைத் தேடி ..ஏன் அங்கே போகணும் ..இப்படி பல கேள்விகள் எழலாம்.
என்னைப் பொறுத்தவரை..என்றுமே வந்த வழி, வழிபட்ட தெய்வங்கள் என்றுமே என் துணை..
இந்த Buddhism என்பது எனக்கு philosophy of life புரிய வைத்தது. அதுவும் நான் வணங்கும் எல்லாத் தெய்வங்களின் செயல்தான் என்னை இந்த புத்த மதம் இழுத்ததற்கும் காரணமோ என்று நினைப்பேன்.

எந்த ஒரு பூஜையும் புனஸ்காரமும் நிறுத்தவில்லை. என்னைச் சுற்றி எப்போதும் ஒரு பாதுகாப்பு வளையம் உணர்கிறேன்.

ஒவ்வொரு நாளும் ஒரு புத்துணர்ச்சி யுடன் தொடக்கம்.

what is the purpose of life? வேறென்ன..மகிழ்ச்சியான வாழ்க்கை..
அது எப்போது கிடைக்கும்?

inner transformation is the key to human revolution என்று ஒவ்வொரு நாளும் என் சொல்,செயல்,எண்ணம் fine tune செய்கிறேன்.
கெஞ்சி கூத்தாடி இதைத் தா அதைத் தா என்று கேட்டது போக..win or lose ,i determine to fight till the my last breathe என்ற மன உறுதி தருகிறது இந்த philosophy.

why me ? என்ற எண்ணம் போய்  try me என்ற எனர்ஜி.

குழப்பம்,கோபம் எல்லாம் இருந்தாலும் உடனே வெளியே வரச் செய்யும் என்னுடைய இந்த Nichiren Daishonin Buddhism practice.

lotus sutra வின் சாராம்சங்கள் படிக்க படிக்க மனம் லேசாக..
இப்போது முன்னை விட எல்லாவாற்றிலும் சிரத்தையாக ..பக்தியும் பூஜையும் அதிகமாக ..
வாழ்க்கை ஒட்டம்.

உலகம் பூராவும் ஒரு extended family எனக்கு.

என் பூஜை ஷெல்ஃப்

#ஸண்டே_ஸ்பெஷல்
#எங்கள்_பூஜைஷெல்ஃப்.

விடிகாலைப் பொழுது.
எங்கள் வீட்டு சாமி ஷெல்ஃபின் கண்ணாடியை லேசாக தட்டுவேன்.
 "Good morning gods" என்று மனசுக்குள் மெதுவாக  சொல்லியபடி..சத்தம் வராமல் அந்தக் கதவைத் திறப்பேன். ( அவர்கள் ஆழ்ந்த் நித்திரையை டம் டும்னு சத்தப்படுத்தி கலைக்கக் கூடாது என்று வேளுக்குடி கிருஷ்ணன் அவர்களின் உபன்யாசத்தில் கேட்டேன்)

 இன்றைய பொழுது எல்லார்க்கும் நல்ல பொழுதாக விடியணும்னு என்று குட்டிப் பிரார்த்தனையுடன் விளக்கேற்றி என் நாள் துவங்கும்.

தினம் வாரியாக ஸ்லோகம்..அதுவும்.தமிழில் சொல்லும் ஸ்லோகங்கள் எனக்கு ரொம்ப பிடிக்கும். சமஸ்கிருத ஸ்லோகங்கள் என்றால் பக்கத்திலேயே அதன் அர்த்தமும் எழுதி வைத்துக் கொள்வேன்.

ரெகுலரா பூஜைகள் உண்டு என்றாலும்..
என் சந்தோஷம், துக்கம் ,என் கோபம், என் ஆற்றாமை என் மூட் எல்லாம் என் ஷெல்ஃபில் இருக்கும் சுவாமிகளுக்கு அத்துப்படி.

எதுவென்றாலும் உடனே போய் நின்னு ஷேர் பண்ணிடுவேன்.
இப்படி நீ செய்யலாமா?  நாட்டாமை தீர்ப்பை மாற்றி எழுதுனு.வம்புக்கு நிற்பேன்.

" நான் சொன்னதெல்லாம் ஞாபகம் இருக்கில்ல...' அடிக்கடி reminder கள் கொடுப்பேன்.
அம்மா..எனக்கு கொடுக்கிற reminder போதாதா..சாமியையாவது கொஞ்சம் ஃப்ரீயா விடும்மா என்று என் பெண் செய்யும் நக்கலுக்கு..அசர மாட்டேன்.

அதே மாதிரி..thank you dears நு correct ஆ வந்து நன்றி  சொல்லிடுவேன்.

நைவேத்யம் தினமும் உண்டு.
இன்னிக்கு இதுதான் மெனு ..ஓகேவா என்று ஃபர்ஸ்ட் அப்ரூவல் அங்கே வாங்கிப்பேன்.
இதைத் தா அதைத் தானு கேட்கும் ஒரு சாதாரண பக்தை தான். திடீர்னு ஒரு ஒளி வட்டம் வந்து..' உனக்கு எது சரினு படறதோ அதைச் செய் ஆனா..எதுவானாலும் அதை தாங்கும் சக்தி கொடுனு..' வேண்டிப்பேன்.

மொத்தத்தில் என் பூஜை ஷெல்ஃப் எனக்கு ஒரு vent out.
யார் கிட்டயும் சொல்ல முடியாதையும் நான் பகிர்ந்து கொள்ள.. எனக்காவே..என் பேச்சை கேட்க காத்திருக்கும் என் வீட்டு தெய்வங்கள் குரு அவதாரங்கள்..

நான் போகுமிடமெல்லாம்
அவர்களை நான் இடம் மாற்றி வைத்தாலும்..
இருக்கோம்  நாங்க உனக்கு என்று என் கூடவே வந்து என்னை காப்பவர்கள்.

இன்றைய பொழுதுக்கு நன்றி சொல்லி
குட் நைட் சொல்லி அவங்களுக்கும் கொஞ்சம் ரெஸ்ட் கொடுப்பேன்.

பாவம் இல்ல..அவங்களும்

இதுதாங்க என் சிம்ப்பிள் பூஜையறை

Valentine day

Dedicated to the caring_கணவன்மார்கள்

நாம மட்டும் அவங்களைப் பத்தி போடாட்டி தெய்வக் குத்தம் ஆகிடுமில்ல.

*சாப்பிட்டியா நீ என்று கேட்கும்போது காத்லை விட கரிசனம் இருக்கும்.

*பசங்க ஸ்கூல்லேர்ந்து இன்னும் வரலையானு கேட்கும்போது கண்டிப்போட  கவலை இருக்கும்.

*புடவை கடைக்கு கூட்டிப் போய் ' உனக்கு பிடிச்ச பத்து முதல்ல செலக்ட் பண்ணு..அதிலிருந்து ஒன்று எடுத்துக்கோ என்று வாய் சொல்லிவிட்டு பக்கத்து கவுண்டரில் தனக்கு பிடித்த கலரை நாலு தடவை உற்று பார்த்துவிட்டு..' இதை எடுத்துக்கோயேன்' என்று வாய் விட்டு சொல்லாத வாத்ஸல்யம்.
( பத்து வருஷத்துக்கு அப்பறம் தான் இந்த expression புரிஞ்சது)

*சாப்பாடு வாயில் போடும் முன்னே சூப்பரா இருக்கு என்று சொல்லும் சொக்கத் தங்கம்.
( பின்ன..அடுத்த வேளை half boiled தட்டுல விழுமே)

*நீ போய்ட்டு வா.நான் இருக்கேன் இங்கனு சைக்கிள் கேப்பிலும் சுதந்திரம் தேடும் ஜீவன்.

*மெயில் அடிச்சாலும் சரி ,மெசேஜ் செஞ்சாலும் தன் மனைவி கண்டிப்பாக பார்க்க மாட்டாள்னு தெரிஞ்சும் விடா முயற்சி விக்கிரமாதித்தர்கள்
( எத்தனை group ல இருக்கோம்..எத்தனை போஸ்ட் போடணும் நமக்கு)

*valentine day க்கு gift என்னன்னு கேட்டால் ..என் "wallet "மட்டுமல்ல என் " வாழ்க்கையும்' உன் கையில் தானே இருக்குனு கவி பாடும் கணவர்கள்.

*ஊர் வம்பு சொல்லும்போது தலையை தலையை ஆட்டி கேட்டுபுட்டு நாம கேள்வி கேக்கும்போது 'இப்ப யாரைப் பத்தி சொன்னே' என்று பல்பு கொடுக்கும் (life) partner கள்..

உஸ் ..அப்பா...என்னால் முடிஞ்சதை சொல்லிட்டேன்.

மீதி நீங்க எல்லாரும் சொல்லிடுங்கப்பா.
valentine day..வற்றாத அன்பு வாரி வழங்கும்
நாளாக இருக்கட்டும்

காலம் மாறுமா..நம் வாழ்வு மாறுமா..

காலம் மாறுமா..நம் வாழ்வு மாறுமா..

வேலைக்குப் போன அம்மாக்கள்
விவரம் தெரியாத பிள்ளைகள்
விளையாடிக் கழிக்குமே அடுத்தவீட்டில்
வினையேதும் ஆனதில்லை அப்போது..
தலைகீழ் எல்லாமாச்சு இப்போது..

முகமூடித் திருடர் போல்
மூடர்கள் வெறிக்கு பயந்து
முகத்தை துணியால் மறைத்தும்
மறைத்தே வீசும் அமிலத்தால்
மங்கிய வாழ்விங்கு ஏராளம்.

ஊருக்கு கிளம்புகிறாள் பெண்ணென்றால்
உள்ளூர பயமும் தொற்றிடுதே
உதறல் எடுத்தே உயிர் போய் வருதே
பேருந்து பயணம் இரவிலென்றால்
அருந்துவதில்லையே தண்ணீரும் இங்கே
அரை வயிற்று உண்வோடு
அடக்கியே செல்லணுமே வீடுவரையில்.

ஊருக்குள் இருக்கையிலே
காருக்குள் போகையிலே
பேசத் துவங்கிடுவாள் அம்மா
பிடுங்கிப் பேசிடுவார் அப்பா
வழித்துணையாய் உரையாடல்
வீடு வந்து இறங்கி்யதும்
விடுவாரே நிம்மதிப் பெருமூச்சு

வயிற்றில் ஓர் நெருப்பு
வயதுப் பெண்...
்வீட்டிலிருந்தால்.
வெளியே சென்றால்..

வருமா ஒரு காலம்..
வெறிச்சென்ற தெருவிலும்
வெளிச்ச மில்லா வீதியிலும்
அச்சமின்றி இவள் நடக்க..

2047

#ஸண்டே_ஸ்பெஷல்
#போவோமா_2047

' ஹாய்..பாட்டி..wazzup? ' பேரன் கேட்டதுமே பரவசமடையும் அகிலா பாட்டி.
மூட் அவுட்டில் இன்று.

 உர்ருனு உள்ளங்கையில் attach ஆகி இருக்கும் சோலார் எனர்ஜி ஆபரேடட் மொபைலை முறைத்தபடி இருந்தாள்.

பிள்ளையை திட்டியபடி உள்ளிருந்து வந்தாள் அகிலாவின் பெரிய பெண் மது.

" டேய்..டேய்..எல்லாத்துக்கும் காரணம் நீதாண்டா..இந்த hi tech மொபைல எதுக்குடா வாங்கி குடுத்த பாட்டிக்கு?'

அம்மா..பாட்டி always wants to get connected '
எப்பப்பாரு மொபைலும் கையுமா சுத்தறானு நீ கத்திண்டே இருந்தியா..i got an idea. அதான் பாட்டி palm ல் permanent ஆ அட்டாச் ஆகி இருக்கற மாதிரி வாங்கிக் கொடுத்தேன்.
 இதை பாட்டியோட palm size க்கு key board பண்றதுக்குள்ளே பட்ட பாடு எனக்கில தெரியும்?'

'அது சரி..அதுல ஒரு feature add பண்ணியிருக்கேனு சொன்னியா பாட்டிக்கு?
கடுப்பில் மது.

" yes. பாட்டிக்கு தெரியுமே.careful ஆ யூஸ் பண்ணுனு சொல்லிக் கொடுத்திருக்கேனே.  what's the problem now? '

'அதையேன் கேக்கற .
இன்னிக்கு பாட்டியோட மத்யமர் க்ரூப்ல யாரோ பால் காய்ச்சறது எப்படினு போஸ்ட் போட்டாளாம். 'இது ஒரு போஸ்ட் ..அதுக்கு ஒரு லைக்கு..அந்தக் காலத்துல நாங்கள்ளாம் ..பாட்டியோட மைண்ட் வாய்ஸை அது டைப் அடிச்சுடுத்தாம்'

"அப்புறம் என்னாச்சு?'

" எல்லாரும் பாட்டியை unfriend பண்ணிடப் போறாளோனு பயத்துல இருக்கா. கமெண்ட் டிலீட் பண்ணலாம்னா ..இங்கே இருக்கிற ஸ்னோஃபாலில்  சோலார்  மொபைலும் சார்ஜ் ஆகல..'

"தாத்தா..தாத்தா..why can't you help her. you know her life line is madhyamar'

இளையராஜா சிம்ஃபொனி கேட்டுக்கொண்டே தாத்தா ..ஒண்ணும் பண்ண முடிலனு ..ஒன்றரை மணி DD news கணக்கில் சைகை காட்டிட்டு..தலையாட்டலை continue பண்ண ஆரம்பிச்சுட்டார்.

'  கை வலிக்க ஒரு காலத்தில டைப் அடிச்சசேன்..அப்புறம் கரடியா கூகிள் வாய்ஸ்ல கத்தி கத்தி டைப் அடிச்ச்சேனு அன்னிக்கு கதை கதையா சொன்னா. அதான் செளகரியமா இருக்கட்டுமேனு மைண்ட்ல நினைக்கறதை அப்படியே டைப் ஆகும் புது டெக்னாலஜி இருக்கிறதை வாங்கிக் கொடுத்தேன் . இது இப்படி பிரச்சனை யில் கொண்டு போய் விட்டுடுத்தா?
"ok..I will take care '
என்று சொன்னபடி..
' பாட்டி உன்னோட ப்ராப்ளம் இப்போ சால்வ் பண்ணித் தரேன்..நீ போய்..உன் கையால..சுடச் சுட..

கூல் டவுன் ஆன பாட்டி..கிச்சனுக்குள் போக..

" அனிருத் வந்து சரி பண்ணித் தரேன்னுட்டாண்டி..இனிமே அம்மா நார்மல் ஆகிடுவா'..மது அவள் தங்கைக்கு status update செய்து கொண்டிருக்க..

காலிங் பெல் சத்தம்..

"அம்மா..யார் வந்திருக்கா பாரு..'

ஓடி வந்தவள் ..ஆச்சரியத்தில் திக்கு முக்காடிப் போனாள்..

அங்கே..அவள் மத்யமர் ஃப்ரண்ட்ஸ்..

" are you OK? ரெண்டு நாளா க்ரூப் பக்கமே நீ காணலை..அதான் கிளம்பி வந்துட்டோம்ப்பா உன்னைப் பார்க்க..'

அவர்கள் பேசப் பேச..ஆனந்தக் கண்ணீரில் அகிலா..

' இந்தாங்கோ..உங்க எல்லாரோட favourite .'

#உப்புமா தட்டை நீட்டியபடி அம்மாவின் உற்சாகத்தை ரசித்தபடி ..மகனுக்கு கண் ஜாடையில் நன்றி சொன்னாள் மது.

வருஷம் ஓடினாலும் மாறாதது..
#மணம்_மிகுந்த_மத்யமர்_நட்பும்..
#உப்புமாவும்.தான்..

'

Srirangam

திருமணம் ஒன்று...தீ'மண'த்துடன்
jan 23 rd 2004..
மறக்கமுடியாமல் தவிக்கும் போது மார்க்கு மீண்டும் வந்து வந்து ஞாபகப்படுத்திக் கொண்டே இருக்கார் முகநூலில்..

சீரங்கம்..
சீரங்கம்..
சோகத்தில் தத்தளித்த நாள்..
சீவிச் சிங்காரிச்சு சென்றவரில் சிலர்
சீறிய நெருப்பில்..
செத்து மடிந்த கோர நாள்..
ரங்கா..ரங்கா..ரங்கா..
கங்கும் தீயில் கதறினார் பலர்.
கல்யாணம் ஒன்று காரியத்தில் முடிவு..
பூ சரியா வெச்சிருக்கேனா..
புடவை இந்த கலர் சரியா.
புதுப் பெண்போல புறப்பட்டாள்..
பூகம்பம் காத்திருப்பது அறியாமலே
அலங்கரித்த மேடை..
அழகாய் மணமக்கள்..
அவசரமாய் போட்ட பந்தல்
அதில் வந்தான் எமன்..
வீடியோ பிடிக்க வந்தவனோ
விதியை மாற்ற வந்தவனோ..
சிறுபொறியை புறக்கணிக்க
சீரழிந்தது பலர் வாழ்வு..
சிறு வழி ஒன்றுதான்..
சிக்கிய பெருங்கூட்டம்..
தப்பிக்க வழியில்லை..
தலையில் விழுந்தது நெருப்பு
அமைதியாய் இருப்பவள்
அழுத குரல் கேட்கலையே..
அலறல்கள் வானைப் பிளக்க..
அரங்கனும் கலங்கியிருப்பானோ
புதுசாய் போட்ட மூக்குத்தி
பளிச்சென்று காட்டியது
போர்த்திய அவள் உடலை..

ஆண்டு பதினைன்ந்து ஆனாலும்..
ஆறாத காயம் நெஞ்சில்..
அன்பான என் சித்தி..
அவனடி சேர்ந்து விட்டாள்..

உயிர் பெற்று உற்சாகத்துடன்
உயிர் குடித்த மண்டபம்..
தெருவழியே நடந்த போது..
தாரையாய் கண்ணீர் ..தடுக்க முடியவில்லை..

தீயில் சுட்ட இந்தப் புண் ஆறவே மாட்டேங்கிறதே..
எத்தனை குடும்பங்கள்..இழந்தன சொந்தங்களை..
எந்த ஒரு function என்றாலும்..safety measures சரியாக இருக்கா என்று முதலில் பார்க்க..அரங்கன் கொடுத்த அலாரமோ..

தாய்மொழி தினம்

தாய்மொழி தினம்

டெஹராடூன் விஷால் மெகா மார்ட்டில் வளையங்களை சுற்றி வந்து வாரிப் போட்டு சாமான் வாங்கிந வேளையில்..

' அங்கே போய் அந்த நல்லெண்ணெய் பாட்டில் எடுத்துண்டு வாங்க'னு ஒரு குரல்..
ட்ராலியையும் டெட்ரா பேக்கையும் போட்டுவிட்டு ஓடினேன்..அந்த குரல் வந்த திசை நோக்கி..
' கண்டேன் சீதையை' என்றது போல..கரை புரண்ட ஆனந்தத்தோடு  '

 நானும் தமிழ்னு' ராஜேஸ்வரி ஆண்ட்டியுடன் கைக் குலுக்கிய நாள்..
ஆனந்தம்..அப்படி ஒரு ஆனந்தம்.

garhwali பாஷையும் kumoani பாஷையும் ,pure Hindi ம் கேட்ட காதில் ..தேனாய் தமிழ் வந்து பாய்ந்த நேரம்..
மறக்க முடியாது..
எல்லா மொழியும் அழகு தான்..
ஆனால்..
தாய் மொழி..தாய் மொழிதான்.
சரிதானே.
அன்புடன்
....

ஆன்மிகம்

#ஆன்மீகம்
(மிக தாமதமாக பதிகிறேன். ஆனால் மனதில் உள்ளதை மத்யமர் நண்பர்களிடம் சொல்லாமல் எப்படி இருக்க முடியும்?)

பூஜையெல்லாம் உண்டா உன் வீட்ல? நீ Buddhism க்கு மாறிவிட்டயாமே? இப்படி ஒரு சிலர்.Buddhism follow பண்றேன்னு சொல்ற..எங்கே வீட்டில் ஒரு புத்தர் படமும் காணோமே?.

இளக்காரத்தின் உச்சத்தில் பலர்..
இருக்காதா பின்னே? கேட்டவருக்கு சொல்கிறேன்..என்னிடமும் இருக்கு..உன்னிடமும் இருக்கு அந்த்க Buddha nature. அதைத்தான் நான் காண்கிறேன் என்பேன்.

பிள்ளையாரோடு பேச்சு வார்த்தை நடத்தி காரியம் சாதிக்கும் அம்மா..
அருகம்புல் வைத்து அனுதினமும் பூஜை செய்வாள்.
அம்பாளின் பூரண அனுக்கிரஹம் பெற்றவள்..
அப்படிப்பட்டவளின் பெண்ணாகிய நான்..ஜப்பானிய மொழியில் ஒரு மந்திரம் chant செய்ய ஆரம்பித்தபோது அதிர்ந்தாள்.

இது என்ன நம்ம குடும்பத்தில் இல்லாத ஒரு நம்பிக்கை திடீர்னு உனக்கு எப்படி? தெய்வ குத்தம் ஆகிடும்..எனக்கு பயமா இருக்கு என்று புலம்ப ஆரம்பித்தாள்.
நீங்களும் என்னடாநு யோசிக்கறது புரிகிறது.

 நம்ம மதத்தில் இல்லாத எதைத் தேடி ..ஏன் அங்கே போகணும் ..இப்படி பல கேள்விகள் எழலாம்.
என்னைப் பொறுத்தவரை..என்றுமே வந்த வழி, வழிபட்ட தெய்வங்கள் என்றுமே என் துணை..
இந்த Buddhism என்பது எனக்கு philosophy of life புரிய வைத்தது. அதுவும் நான் வணங்கும் எல்லாத் தெய்வங்களின் செயல்தான் என்னை இந்த புத்த மதம் இழுத்ததற்கும் காரணமோ என்று நினைப்பேன்.

எந்த ஒரு பூஜையும் புனஸ்காரமும் நிறுத்தவில்லை. என்னைச் சுற்றி எப்போதும் ஒரு பாதுகாப்பு வளையம் உணர்கிறேன்.

ஒவ்வொரு நாளும் ஒரு புத்துணர்ச்சி யுடன் தொடக்கம்.

what is the purpose of life? வேறென்ன..மகிழ்ச்சியான வாழ்க்கை..
அது எப்போது கிடைக்கும்?

inner transformation is the key to human revolution என்று ஒவ்வொரு நாளும் என் சொல்,செயல்,எண்ணம் fine tune செய்கிறேன்.
கெஞ்சி கூத்தாடி இதைத் தா அதைத் தா என்று கேட்டது போக..win or lose ,i determine to fight till the my last breathe என்ற மன உறுதி தருகிறது இந்த philosophy.

why me ? என்ற எண்ணம் போய்  try me என்ற எனர்ஜி.

குழப்பம்,கோபம் எல்லாம் இருந்தாலும் உடனே வெளியே வரச் செய்யும் என்னுடைய இந்த Nichiren Daishonin Buddhism practice.

lotus sutra வின் சாராம்சங்கள் படிக்க படிக்க மனம் லேசாக..
இப்போது முன்னை விட எல்லாவாற்றிலும் சிரத்தையாக ..பக்தியும் பூஜையும் அதிகமாக ..
வாழ்க்கை ஒட்டம்.

உலகம் பூராவும் ஒரு extended family எனக்கு.

I quit

#தற்கொலை_வேண்டாமே_கதை

" இங்கேயே வெயிட் பண்ணுமா. நான் ஓடிப் போய் ஸ்கூட்டி கீ எடுத்துண்டு  வரேன்'
சொல்லி விட்டு சிட்டாகப் பறந்தான் கவுதம்.

ரம்யா,அவன் அம்மா.. , அபார்ட்மெண்ட் லானில் உள்ள சிமெண்ட் பெஞ்சில் தன் இரண்டாவது மகனுடன் உட்கார்ந்து அவனோடு விளையாட ஆரம்பித்தாள்.

7 வது மாடியில் தன் வீட்டைத் திறந்தவன்..தன் ரூமுக்குள் போய் ஒரு பேப்பரில வேக வேகமாக  எழுதினான்  அந்த ஐந்தே எழுத்து..
#I_QUIT.

என் மேல் நம்பிக்கை வைத்திருக்கும் என் அப்பா அம்மா.
இன்னிக்கும் எனக்கு இப்படி ஒரு ரிஸல்ட் வந்தும் கூட ..எதுவுமே நடக்காதது போல .." இப்படி தோல்விகள் சகஜம் கண்ணா..அடுத்த முறை ட்ரை பண்ணு..you will succeed' என்று அம்மா..

ஃபோனில் பேசிய அப்பா "டேய் மக்கு நானெல்லாம் இப்படி பரீட்சையெல்லாம் தைரியமா போய் உட்கார்ந்து எழுதினது கூட இல்லடா..இந்த எக்ஸாமுக்கு செஞ்ச preparation உனக்கு வேற ஒரு இடத்தில் கண்டிப்பா உதவும்.
ஜாலியா ஃப்ரண்ட்ஸோட போய் ஒரு நல்ல சினிமா பாரு..ரிலாக்ஸ்' சாயந்தரம் பார்ப்போம்டா ' அப்பா..

ஆனாலும் மனசு ஆறவில்லை..so ..இந்த முடிவு.

அம்மா என்னை ஏன் ஒரு வார்த்தை கூட திட்டலை?
அப்பா..ஒரு அடியாவது கொடுத்திருக்கலாம்.
அவங்க நம்பிக்கையை இப்படி உடைச்சிட்டேனே என்ற குற்ற உணர்வு ..அந்த குற்ற உணர்வுதான் அவனை இந்த முடிவுக்கு கூட்டிச் சென்றது.
டைனிங் டேபிளில் ஒரு டம்ளரை வெய்ட்டாக வைத்து கதவை சார்த்தி விட்டு..காத்திருந்த லிஃப்டை விட்டுவேக வேகமாக படிகள் ஏறத் துவங்கினான்.

11 வது மாடியில் அவனைப் பார்த்த அவன் ஃப்ரண்ட் விஷால்..' டேய் எங்கடா போற..ஓடாதடா .நானும் வரேன்' துரத்தினான்.

16 வது மாடி..மொட்டை மாடி..
அங்குமிங்கும் ஓடினான் கவுதம். வாகாக எந்த இடம் இருக்குனு ஒரு தேடல்.

"என்னடா ஆச்சு' மூச்சிறைக்க வந்த விஷால்..

கெளதமின் கண்களைப் பார்த்தான்.

 அதில் இருந்த ஒரு வெறி, ஒரு துக்கம்..

" வாடா கீழே போகலாம்' அவன் இழுக்க  "விடுறா என்னை' திமிறிக் கொண்டு குதிக்க நினைத்தவனை " " அங்க பாருடா" என்ற விஷாலின் குரல் அவன் காட்டிய  திசையை நோக்க வைத்தது.

அம்மா..அங்கே தம்பியுடன்.
எப்போதும் அடம் செய்து அண்ணனை உட்காரவே விட மாட்டேன் என்று படுத்துபவனை.
.' இந்த சைட் அண்ணா சைட்..இது உன்னோட சைட்' தன் மடியினை பாகப் பிரிவினை செய்யும் அம்மா..இத்தனை தூரத்திலிருந்தும் அம்மாவின் அன்பு முகம் கவுதமுக்கு புரிந்தது.

"இந்த அம்மாவை ஏமாத்திட்டு நீ குதிக்கப்போறியா டா நீ...?"

விஷால் கேட்டுக் கொண்டே இருக்க..மந்திரத்துக்கு கட்டுப்பட்டவன் போல கீழே இறங்கினான்.

ரூமுக்குள் சென்றான். எழுதிய வாசகம் தூள் தூளானது.

கீழே ஓடி வந்து அம்மாவைக் கட்டிக் கொண்டான்.

என்னாச்சு இன்னிக்கு ..are you OK ?
எதுவுமே புரியாத ரம்யா.."கீ எங்கடா?

எப்போதும் எதிர்த்துப் பேசும் அவன் , "sorry ma" என்று மீண்டும் வீட்டை நோக்கி ஓட்டம் பிடிக்க..

டேய் உன் வீடு 7 th floor.
கிண்டலாகச் சொன்ன விஷாலை நன்றியுடன் பார்த்த்தான் கவுதம

பரவாயில்லைனு சொல்லி அப்பாவும் அம்மாவும் ..அவன் குற்ற உணர்வை இன்னும் அதிகமாக்கியதற்கு பதிலாக..அவனோடு உட்கார்ந்து பேசி . அவன் ப்ளஸ்ஸும் மைனஸும் பக்குவமாக எடுத்து சொல்லி ..அவனை ஊக்குவிப்பதும் பெற்றோர் கடமை..
இந்த மாதிரி சமயத்தில்..இந்த கால கட்டத்தில்..பசங்களுடன் கூடவே இருக்கணும்.
விஷால்  எனும் நண்பன் ரோலை  அம்மா அப்பாவும் எடுத்துக் கொண்டால்..?
எல்லா குழந்தைகளின் வாழ்வும் வளம்.தானே?

தற்கொலை என்பது தீர்வல்ல..
இன்று கவுதமுக்கு ஒரு விஷால் கிடைத்தான்.
என்றும் அப்படி கிடைக்குமா?
நம் நம்பிக்கை..போராடி ஜெயிப்பதில் இருக்க வேண்டுமே தவிர ..மாய்வதில்.அல்ல..

thank you Bala Hari for your  inspiring posts

அடையாளம்

அடையாளம்

குட்டி கண்ணா..பாலைக் குடிச்சிடுமா..சங்கர் மாமா..சங்கர் மாமா..சீக்கிரம் வாங்கோ..குழந்தையை டாடா கூட்டிண்டு போங்கோ...சொன்னது தான் தாமசம்..ஒரே உறியில் பால் உள்ளே போகும்..ஆச்சு அடுத்தது கொஞ்ச நேரத்தில நன்னா..குழைய பிசைஞ்சு மணக்க மணக்க நெய் விட்டு பருப்பும் ரசமும் கலந்து ஊட்டல் தொடங்கணும்..கண்ணப்பா..ஆ..அம்.tight lipped...ஆனை வரது..பூனை வரது ...என்ன சொன்னாலும்..திறக்காத வாய்..என் பெரியம்மா அடிக்கடி சொல்வா..இந்த குட்டீஸ் எல்லாத்துக்கும் ஒரு  zip வயத்தில இருந்தா எவ்வளவு நன்னா இருக்கும்பிசைஞ்சமா உள்ள அடைச்சோமா..ஆஹா..என்ன சூப்பர் ஐடியா..உனக்கும் பெப்பே..உங்கப்பனுக்கும் பெப்பேனு ..ஒரு வாய் ஊட்டறதுக்குள்ள உசுரு பாதி போய்டும்..ஒரே ஒரு மந்திரத்துக்கு அடங்கும்..அதோ யாரு பாரு..சங்கர் மாமானு நான் சொல்ல..கங்க்கர் மாமா..கஙக்கர் மாமானு பின்பாட்டு ..
மாமா..கோந்தையை என்ன சொல்லி கொஞ்சுவா..செல்லமே..என் லட்டுவே..என் ஜாங்கிரியே..என் மைசூர் பாகே..இல்லடா..
வாயில் ஜொள் வழிய..கங்க்கர் கங்க்கர்னு ஜபிச்சுண்டே ஆகாரம் இறங்கும்..மாமா எந்த வண்டில வருவானு கேட்டா..புர் புர் புர்னு எச்சல் தெறிக்க சொல்லுவா..
அடுத்து ஒரு ஆளு..அப்பு தாத்தா..
இவா ரெண்டு பேரும் இருந்தாதான் சாப்பாடு இறங்கும்..
டெல்லியிலிருந்து வரும் Bangalore express மெதுவா..station ல நுழைய ஆரம்பிச்சது..second class பயணம்..ஜன்னல் வழியா..நம்ம மனுஷாளைத் தேடல்..நானும் அவரும் பார்வையை ஓட விட.ரயிலின் ஆட்டத்தில் தள்ளாடியபடி நானு..நானுனு வந்த குட்டிச் செல்லம்..திடீர்னு high pitch ல கங்க்கர் மாமா..கங்க்கர் மாமாநு சந்தோஷத்தில் கத்த...
அந்த ஒரு நொடி உலக மகா சந்தோஷமான நொடி..
ஏன்னு கேட்கிறேளா..
ஆறு மாசக் குழந்தையா டெல்லி போனதிலிருந்து..அன்னி வரைக்கும் கங்க்கர் என்ற சங்கர் ஃபோட்டோ பார்த்தே வளர்ந்த குழந்தை..டக்குனு அத்தனை ஜனத்திரள் ல அதுவும் train moving ல இருக்கும்போதே கண்டுபிடிச்சு ..அவள் முகத்தில தெரிஞ்ச சந்தோஷம்.மறக்க முடியாது..
Watsapp,fb, Skype,face time இதெல்லாம் தெரியாத 90s life. Kodak and Konica எங்க குடும்பத்தினால் நிறைய லாபம் சம்பாதிச்சிருப்பான்..அத்தனை photo க்கள்.. அதை செலவுனு நினைச்சதெல்லாம் தூசாக்கினது..
அவள் காட்டிய அடையாளம்.

Result day

RESULT DAY

சில நினைவுகள்..
கணிணியில்லா..
கடந்த காலம்..

செல்லில்லா.
செய்தித்தாள் காலம்..

மாலை இதழ்கள்..
முடிவேந்தி வரும்..

பரீட்சை எண்கள்..
பக்கம் பூராவும்..

மேலிருந்து கீழா..
வடமிருந்து இடமா..

தேடல்..தேடல்..
ஒரு வழியா கண்டுபிடுச்சு..
'ஒ'..அம்மா நான் பாஸ்ஸாகிட்டேன்..

பச்சை கலர்..
மிட்டாய் வழங்கி...
பெரிசா சாதிச்ச
பெருமிதம்..

பள்ளிக்கு போனாதான்..
வண்டவாளந் தெரியும்..
வாங்கின மதிப்பெண்கள்
வெளியில சொல்ல முடியுமானு..

இறுதித் தேர்வு முடிவுகள்..

அன்றும் ..
tension..
இன்றும்..
tension..

இதில என்கதை..
வேற கதை..
அம்மா..
அரசு அதிகாரி..

நான் நீ என போட்டி..
என் மார்க் முதலில் பார்க்க.
அம்மா கொஞ்சம் senti..
செல்வராஜ் கிட்ட கொடுத்தா..
centum கண்டிப்பா வரும்..
சொல்லவா முடியும்..
எப்படிப் பார்த்தாலும்
எண்பதைத் தாண்டாதுனு..

இப்படியாக..
ஊருக்கு முன்னாடி..
மார்க்கும் தெரிந்து..
மன நிம்மதியும் போயி..
இதுக்குத்தான் அப்பவே சொன்னேன்..
இன்னும் கொஞ்சம்..
நன்னா படின்னு...
ஒரு பக்கம்...
அப்பாடா.
மறுபக்கம்..
அப்பப்பா..
போதுண்டா சாமி..
இந்த result ..
படுத்தும் பாடு..

எங்கே செல்லும் இந்தப் பாதை

எங்கே செல்லும் இந்தப் பாதை...

'address ஞாபகமா எடுத்துண்டு போம்மா' ..school கிளம்பும் அவசரத்திலும் என் பெண் சொல்லிட்டு போக..வேலையெல்லாம் முடித்து பையும் பர்சோடயும் முக்கியமா address ம் எடுத்துண்டு என்னோட TN registration Scooty துணை வர..( எந்த எடத்தில நிறுத்தினாலும்..'aap chinnai(சென்னையை இப்படித்தான் சொல்வார் கள்) se  ho kya..udhar ka masala dosa...mmmmm'
இப்படியே எல்லாக் கடையும் ஏறி இறங்கி பையை ரொப்பி..சரி சரி...இப்பொ கிளம்பினா சரியா இருக்கும்....நாற்புறமும் பிரியும் சாலை..எந்த வழியா வந்தேன்..ஒரே குழப்பம்..ஊருக்கு புதுசு வேற..கையில் இருந்த address ஐ வேகமா போய்ண்டிருந்த ஒருத்தரை நிறுத்தி.. bhaiyya..bhaiyya..வழி சொல்லேன் என்று கேட்க..அவரும் दाएं ,बाएं நு என்னை குழப்ப..correct ஆ தப்பான வழியில் என் செல்ல Scooty ஐ செலுத்த..சுத்தி சுத்தி வந்தீக..மாதிரி எத்தனை எட்டு போட்டும் நான் தேடும் address இல்லவே இல்லை..இப்படியே ஊருக்குள் இருக்கும் சந்து பொந்தெல்லாம் வர..ஐயோ இப்படி இருக்காதே.. அகலமான ரோட் ஆச்சே..வீட்டு வாசலில் பெரிய lawn ..அகலமா ஒரு gate..ஒரு வெள்ளை ஊஞ்சல் எல்லாம் இருக்குமே..ஐயோ ..கண்டுபிடிக்க முடியலையே.
ஊர் எல்லைக்கே வந்துட்டோமோனு கவலை வர..எனக்கு வழி சொன்ன ஆள் மீண்டும் என் எதிரில் தென்பட..
behanji..aap.. idhar ..??..us tharaf jaana tha aap ko..(நமக்கு இந்த tha,thi masculine feminine gender Hindi ல இன்னி வரைக்கும் புரியல..தவறிருந்தால் பொறுக்கவும்)
மீண்டும் அவர் வழி காட்ட.சில கிலோமீட்டர் கடந்த பிறகு..ஆஹ்ஹா..வந்துட்டமோ...இதோ இருக்கே அந்த பெரிய சாக்கடை..வழி நெடுக யூகலிப்டஸ் மரமா இருக்கே..அதோ பாபு கடை..அதே அதே..வந்தாச்சு..
சந்தோஷத்தில் Scooty பறக்க..
அம்மா..அம்மா..என்று என் பெண் குரல்.......sudden break போட்டு scooty ஐ நிறுத்த..எங்கே போற...இவ்வளவு நேரம்..காத்து காத்து காலெல்லாம் வலிக்கிறது....அடடே..நம்ம வீடு வந்தாச்சு..'கண்டு பிடிச்சேன் கண்டுபிடிச்சேன்..கடைசியாய் என் வீட்டைக் கண்டுபிடிச்சேனு rajini style ல மனம் துள்ள..
 எந்த புது ஊரில் குடி போனாலும் நடக்கும் தேடல் விழா..'bharat ek khoj' இது தானோ
( google map எல்லாம் அப்போ இல்லை..அப்படியே இருந்தாலும் இந்த மர மண்டையில் அது ஏறினதில்லை)..

அதுவும் Bangalore கேட்கவே வேண்டாம்..கண்டிப்பா எல்லா சிக்னல் மேலே இருக்கும் name board மேல மரக்கிளை ஒன்று படர்ந்து மறைச்சிருக்கும்..இன்னொரு  பயம்..போகும் போது இருக்கிற வழி,திரும்பும்போது  one way ஆகிடும்..அப்பறம் என்ன..என் வீட்டை..நானே..கஷ்டப்பட்டு தேடி வருவேன்..
அப்போ எல்லாம் தோணும்..அட்ரசஸ் கிடையாது..land mark கிடையாது..paint கிடையாது..இந்த குட்டிப் பறவை எல்லாம். எப்படி அழகா..வழி கேட்காமல் தன் கூட்டை வந்தடையுது என்று...
அதிசயம் தான் அவன் படைப்பு..

தண்ணீர் சிக்கனம்

#ஸண்டே_ஸ்பெஷல்
#தண்ணீர்_சிக்கனம்_தேவை_இக்கணம்

( மன்னிச்சு..மன்னிச்சு..எப்போதும் போல last minute submission)

#அந்த_யமுனா_நதியோரம்..அம்மா..அம்மா..

 டெல்லி ஸ்டேஷனில் வலது காலை எடுத்து வைக்கும் முன்னே..வூட்டுக்காரர் சொன்னார்..' பாஷை கத்துக்கறயோ இல்லயோ .."பானி' பத்திரமா சேமிக்க கத்துக்கோ" என்பதுதான்.

தலைநகரில் எனக்கு தலையில் விழுந்த கொட்டு..
'மோட்டார் டாலோ' ( மோட்டார் போடு என்பதன் ஜுனூன் effect) நாம் ஹிந்தியில் பேசிய முதல் sentence. . ஹவுஸ் ஓனரம்மா 'மோட்டார் சலாதோனு' சொல்லச் சொல்லு உன் பீவியை என்று பயமுறுத்தல்.

பணிக்கர் டிராவல் பக்கத்து வீடு. "வந்தவரெல்லாம் தங்கி விட்டால் இந்த வீட்டில் தண்ணியேதுனு' ..உத்தரணி முதல் கொண்டு பானி ..பானி தான்.

அடுத்து போனோம்..
 #அந்த_நர்மதை_நதியோரம்
 ஆஹா..வாசலில் விந்தியமலை தரிசனம்
 வேலைக்கு போவார் வூட்டுக்காரர் நர்மதை நதி ப்ராஜக்ட்டுக்கு..வீட்ட்ல பக்கெட் பக்கெட்டா தண்ணி ரொப்பி வைச்சு தாவித் தாவிதான் நடக்கணும் பாத் ரூமுக்குள்ள..
 மூட்டை அடுத்து கட்டினோம்..

 டேஹ்ராடூன்..
#அந்த_கங்கைக்_கரையோரம்
 கங்கைக் கரை வாசம்னு போக..அங்கே கங்கா வாட்டர் சப்ளைனு லாரி லாரியா தண்ணீர் வாங்கணும் வெயில் காலத்தில்..
 சரி..கேதார் அடிவாரத்தில் குடித்தனம் பண்ணிக் கொண்டிருந்த வீட்டுக்காரரை பார்க்கப் போனால்..கங்கை ப்ரவாகமா வீட்டு சுவர் ஒட்டி அப்படி ஒரு சத்தத்தோடு ஓடும். ஆனால்..வீட்டுக்குள் பக்கெட் தண்ணிக்கு படாத பாடு..
' கங்கை ஆற்றில் நின்று கொண்டு நீரைத் தேடும் பெண் மானிவள்"னு சோக கீதம்.

 #அந்த_பாலாற்றங்கரையோரம்..
 லீவுக்கு சென்னை வந்தால் ,gate போட்டு மூடிய கிணறு.. பாலைவனமான பாலாறு தண்ணீர் தொட்டி..
 இப்போ சோகத்தையெல்லாம் கொட்டிட்டேனா..

 #தண்ணீர்_சிக்கனம்.
 எல்லாரும் நிறைய பாயிண்ட்ஸ் சொல்லிட்டீங்க..
 Adding some extra here;

• இப்போதெல்லாம் வாஷிங் மெஷின் இருப்பதால்..தோய்க்கும் தண்ணீர்னு கிடைக்கறதில்லை. அதனால் பாத் ரும்களை துணியால் துடைத்து விடுகிறோம். சுத்தமாகவும் இருக்கு.யாரும் வழுக்கி விழும் அபாயம் இருக்காது.

• பசங்க ஸ்கூல் வாட்டர் பாட்டில் மீந்த  தண்ணீரை வீட்ல இருக்கும் பக்கெட்டிலோ pot லயோ ஊற்றணும.

டம்ளர் டம்ளரா தண்ணீர் வைப்பதை நிறுத்தி ..டைனிங் டேபிளில் ஒரு கூஜாவில் தண்ணீர். ஒரு டம்ளருடன்.
வேண்டுமென்ற அளவு குடிக்கலாம்.

ஹோட்டலுக்கு போனாலும் வாங்கின வாட்டர் பாட்டிலில் இருக்கும் மீதமுள்ள தண்ணீரை எடுத்து கொண்டு வந்துடுவேன். ( செம்ம திட்டு ஒரு காலத்தில் விழுந்தது. இப்போ திட்டினவங்களும் ..திருந்திட்டாங்க)

•அபார்ட்மென்ட்களில் லான்களை பசுமையாக வைத்திருக்கணும்னு அவ்வளவு தண்ணீர் போகிறது.

•அதே போல ஒவ்வொரு அபார்ட்மென்ட் டிலும் swimming pool இருப்பதை குறைத்து..common swimming pool for each lane or area வுக்கு வகை செய்யணும்.

•இந்த முறை பெங்களூரிலேயே தண்ணீர் கஷ்டம் என்பதால்..water sense taps உபயோகிக்க சொல்லி உத்தரவு வந்தது எங்கள் அசோசியேஷனிடமிருந்து.

•எங்க வீட்டுக்கார்ர் ஆஃபிஸில் 
•waste  water treatment செய்த நீர்தான் floor cleaning and in wash rooms.

#கடைசியா_ஒண்ணு..
நம்மளோட எந்த பப்புவும் வேகாத இடம் நம் வலது கரம்.
' தண்ணி தான் வருதில்லனு' தா..ரா..ளமா செலவழிப்பவர்கள்.
கிச்சன் பைப்பை slow ஆ வரும்படி செய்து விட்டேன்.
Daily class தான்..lecture தான். ஐயோ அம்மணி..நான் தண்ணியை கம்மியாவே செலவழிக்கிறேன்னு கை கூப்பல்😀😀

#நம்ம_பக்கமும்_கொஞ்சம்_ திருத்திப்போமே..

வெய்யில் நேரம் பாத்திரம் காய்ந்து போகும். So..kitchen sink ல் outlet ஐ ஒரு துணியால் அடைத்துவிட்டு , கொஞ்சம் தண்ணீர் ரொப்பி பாத்திரத்திரத்தை ஊறப் போட்டு எடுக்க..தேய்த்து அலம்பும்போது தண்ணீர் consumption குறையும்.

அடுத்து..நாம் எத்தனை பாத்திரம் உபயோகிக்கிறோம்.

அடுப்பில வைக்க ஒண்ணு டேபிளில் வைக்க ஒண்ணு ஓவனில் சூடு பண்ண ஒண்ணு..கடைசியா..ஃப்ரிஜ்ட்க்குள் தள்ள ஒண்ணு..
#கடாய்_to_குளிர்சாதனம்_வரை
சொப்பு சொப்பாய் எத்தனை பாத்திரம். So ..cut the usage of vessels.

ப்ளாஸ்டிக் containers...air tight நு வாங்கிட்டு அதுல இருந்து வரும் மசாலா வாசனை போக்க..எத்தனை தேய்க்க வேண்டியிருக்கு.
Let's go back to stainless steel again.

நம் சந்ததிக்கு water tablet கொடுக்க வேண்டாம். Water table ஐ உயர்த்த நம்மால் ஆன எல்லா வழியும் மேற்கொள்வோம்.

நதிகள் தானாகவே இணைகிறது..
நாம் யார் தடுக்க அதை.

மார்க்கம் தெரிந்தும் ..மனம் இல்லாத கொடுமை..மாந்தர்கள் படும் அல்லல்.

வழி பிறக்கணும்..🙏🙏

வடை மாலை

வடா..வடா..ஆஞ்சு வடா..

'ஹனுமான்ஜி கோ "வடா மாலா' லகானேக்கா ப்ரார்த்தனா ஹை..ஆப் கரேங்கே க்யா' கேட்ட என்னைப் பார்த்து " "ஙேனு' முழித்தபடி அந்த டேஹ்ராடூன் கோயில் panditji ..' Abhi hojayega beti' என்றார்.

"தீயா வேலை செய்வாரோனு' நான் காத்திருக்க..அஞ்சே நிமிஷத்தில் ஆஞ்சுக்கு ஒரு " bada mala' உடன் ஆஜரானார்.

"Vasanthi " யை ' basanthi' என்று சொல்பவர்களாச்சே..
நான் சொன்ன "vada mala' அவருக்கு bada  mala வாக புரிய..
ஆஞ்சுக்கு ஆளுயர ஆரஞ்சு மஞ்சள் பூக்களில் "ப"டா மாலை..
இன்னிக்கு ஆஞ்சுக்கு இதுதான் வேணும்  போல இருக்கு என்கிட்டேர்ந்துனு மனசுக்குள் சந்தோஷம்.

' நாம ஏன் வீட்லயே செய்யக்கூடாதுனு
ட்ரை பண்ண ஆரம்பிச்சேன்

ஒரு தடவை ஒரே ரப்பர் மாதிரி இருக்கும்.
இன்னொரு முறை..எண்ணெய் குடித்து தள்ளாடும்..
சில சமயம் சுத்தியலால் அடிச்சு சாப்பிடற மாதிரி இருக்கும்.

இந்த 'வடா' வுடன் 'விடா' முயற்சி..
இப்போ வெற்றி ..வெற்றி தான்.

ஒவ்வொரு வடை தட்டும்போதும்..ராம நாமம் சொல்ல..

மாலையாக கோர்த்த வடை..மலை போல் வரும் துயரும் போக்குமென்றெ..
மாருதியை..சஞ்சீவினி மலை ஏந்தியவனைத் தொழ..
மனசு பாரமெல்லாம் பனியாய் விலகிடுமே..

லோகா ஸமஸ்தா சுகினோ பவந்து..
ஓம் ஷாந்தி..ஷாந்தி..ஷாந்தி..

இன்னிக்கு கோட்டா ஓவர் .

Now over to
Sumathi Manivannan V.n. Meenakshi

Toilet ekmprem.katha

toilet ek prem katha ..இல்லையில்லை..
toilet ek  பிரச்சனை கதை..

toilet ..ek prem katha நு ஒரு ஹிந்தி படம். தன் காதல் மனைவிக்காக தாஜ்மஹால் கட்டினது அந்தக் காலம். ஆனால் இதில் ஒரு கழிப்பறை கட்டித் தர படாத பாடுபட்டு ஜெயிக்கும் ஒரு கதை.
கல்யாணம் ஆன மறுநாள்..இருட்டு அப்பி இருக்கும் காலையில்..கையில் லோட்டாவுடன்.' கிளம்பு லோட்டா பார்ட்டிக்கு' என்று வெட்கத்துடன் சிரித்து அழைக்கும் கிராமத்துப் பெண்கள்..then the story goes on and on..

கிராமத்தில் இப்படி சீன் என்றால் நகரத்தில் இருந்தும் இல்லை போல இன்னும் பல சீன்கள்.

'ஏம்ப்பா..5.30 மணி பஸ் வந்திருக்கும்ல.இன்னும் இவளைக் காணுமே. பஸ் ஸ்டாப்பில் இருக்கும் அப்பா இவளைப் பார்த்தாரா இல்லையா..
அம்மா , புலம்பியபடி உள்ளுக்கும் வாசலுக்கும் நடந்து கொண்டிருந்தாள்.
வாசல் கேட் சத்தம் கேட்டு ஓடினாள். ' கண்ணு பஸ் லேட்டா..என்ற அவள் கேள்விக்கு ம்ம்ம்..ம்ம்ம்ம்ம்..நகரும்மா...
என்றபடியே வேகமாக ஓடினாள் பாத் ரூமை நோக்கி அவள் பெண். நேற்று சாயந்திரம் பஸ்ஸில் ஏறி உட்கார்ந்தவள். ஊர் வந்து சேருவதற்குள் அவஸ்தை. பின்ன nature's call முக்கியமா..மம்மி கேள்வி முக்கியமா?

ஊருக்கு கிளம்பும் நாளும், திரும்பும் நாளும் ,பஸ் பயணம் என்றால் பாதி பட்டினி தான் இங்கு பல பெண்களுக்கு.முக்கியமா தண்ணீர் குடிக்க ரொம்ப பயம்.

இதுதாங்க சீன்.
குஷன் சீட்டோ,குத்தற சீட்டோ பஸ் பயணம் என்றாலே முதலில் பயம் வருவது பாத் ரூமுக்கு என்ன செய்வோம்னு தான்.
வழியில் ஒரு பாடாவதி ஹோட்டலில் பஸ் நிற்கும். பாத் ரூம் எங்கே இருக்கு என்று கேட்டால்..' அதோ அந்தக் கோடியில கும்மிருட்டாய் இருக்கும் இடத்தை கை காட்டுவார்கள். அப்பாடா என்று நினைத்த மனம் ..ஐயோ இருட்டு என்று பின்வாங்கிடும்.குடும்பத்தோடு போகும் பெண்களுக்கு டார்ச் அடிக்க யாராவது நிற்பார்கள். தனியாகப் பயணம் செய்யும் பெண்கள்,யுவதிகள் படும் பாடு இருக்கே..
இவர்கள் யோசிப்பதற்குள் வண்டி விசிலடிக்க ஆரம்பிக்கும். சரி..சரி..அடுத்து ஏதாவது இரு டோல் இல்ல பெட்ரோல் பம்ப்ல நிக்க சொல்ல கேட்டுக்கலாம் என்று அடக்கி அமர்ந்து தொடரும் பயணம்.

அதுக்குள்ள நடுநிசி வந்துடும்.
நம்ம கஷ்டம் உணர்ந்து  டிரைவர் பெட்ரோல் பம்ப்பில் நிறுத்துவார்.
முக்கால் வாசிப் ப்யணிகள் குறட்டையில் இருப்பார்கள். அக்கம் பக்கம் பார்த்து இறங்க ,ட்யூட்டி முடிந்து அங்கேயே படுத்து தூங்கியபடி ஊழியர்கள். இவரகளையெல்லாம் தாண்டி அந்த ரெஸ்ட் ரூம் கண்டுபிடிப்பதற்குள் தொண்டை வரண்டு ஒரு அதீத பயம் கவ்வும்.
பாதி தூரம் போய்விட்டு ..' ஐயோ பயமா இருக்குனு திரும்பி வந்து..மீண்டும் தொடரும் அவஸ்தை.

இது போல அனுபவத்திற்கு பின் , என்ன ஆனாலும் சீட்டோட சீட்டா ஒரே பொசிஷன்ல உட்கார்ந்தே போய்டலாம்னு ஞானம் வந்துடும். பஸ் என்பது ஒரு part and parcel of life for many . அப்படி இருக்கும் போது ஏன் இன்னும் வசதிகள் அதுவும் குறிப்பாக பெண்களுக்கு ஒரு பாதுகாப்பான கழிப்பறை வசதிகள் இல்லை?

( பஸ் பயணம் பிடிக்கும் எனக்கு. அதுவும் தனியாக சில ஊர்களுக்கு செல்ல பஸ்ஸே வசதி என்பதாலும். சில பஸ்கள் தான் பெரிய ரெஸ்டாரெண்ட் வாசலில் நிற்பார். என் அனுபவத்தில் அரசு மற்றும் சில ஆம்னி பஸ் நிறுத்தும் இடங்களெல்லாம் தண்ணீர் கூட குடிக்க முடியாது..)

இன்னொரு சீன்.
வெயில் காலமாயிருக்கு ..பெரிய water bottle எடுத்துண்டு போயேன் ..கண்ட தண்ணீ குடிச்சு பரீட்சை நேரத்தில் உடம்புக்கு வந்துடப் போறது..அம்மா சொல்வதை காதில் வாங்காமல் , பல சமயங்களில் எடுத்துச் சென்ற பாட்டிலும் பாதி அப்படியே கொண்டு வரப் படும்.
ஏனென்று கேட்டால்..பதில் இப்படி வரும்..
' கிடைக்க்றதே பத்து நிமிஷம் ப்ரேக்..சாப்பிடறதா .இல்ல போய் க்யூல வாஷ் ரூமுக்கு நிக்கறதா..அப்படியே போனாலும் தண்ணீர் பாதி நேரம் இருக்காது..என்ன பண்றது. ?

complaint பண்ண வேண்டியதுதானேனு கேட்டா..அதுக்கும் இன்ஸ்டண்ட் பதில் வரும்..'என்ன பெரிய நடக்கப் போகிறது. ரெண்டு நாள் சரியா இருக்கும். அதுக்கப்பறம் அதே பழைய் கதைதான்.
better not to use than getting infectionநு நச்னு ஒரு பதில் வரும்.
எல்லா institutions ம் அப்படினு நான் சாடலை. ஆனால் முக்கால் வாசிப் பேர் இதுக்கு முக்கியத்துவம் கொடுப்பத்தில்லை என்பதுதான் வருத்தம்.

சரி ..இப்போ மத்யமர் ல இதை போட்டு என்ன சாதிக்கப் போறீங்கனு ஒரு மைண்ட வாய்ஸ் கேட்டால்..
நான் செய்யும் சின்ன உதவி.
என்  கூட வரும் ..கஷ்டம் கண்ணில் தெரியும் யுவதிகளுக்கோ..சக பெண் பயணிக்கோ ..வாங்க சேர்ந்து போகலாம்னு உதவுவேன்.

ஆனால் அப்படி போகும்போது ஜாதகம் எல்லாம் கேட்டு குழந்தைகளை டென்சன் படுத்த கூடாது.  அப்பறம்.அவங்களுக்கு நாம நல்லவரா கெட்டவரானு நாயகன் ஸ்டைலில் கேள்வி உறுத்தும்.

ஸ்கூல் காலேஜில் கொஞ்சம் பெட்டிஷ்ன் பெரியநாயகி ஆவேன். PTA meeting ல் நான் இந்த topic ஆரம்பிக்க..என் பெண்கள் என்னை முறைக்க..ஆமாம் மேம்..ஆமாம்னு ஒரு அப்பா அம்மா கும்பல் சேர்ந்து கோரஸ் பாடுவர். கொஞ்ச நாளைக்கு விடிவு கிடைக்கும் குழந்தைகளுக்கு.

நிறைய குழந்தைகள் இப்போது தங்களின் பர்த்டே பார்ட்டிக்கு செலவு செய்வதை விட்டு இந்த மாதிரி கழிப்பறை கள் கட்டுவதற்கு உதவ முன் வருவது படிக்கும்போது..
நம்பிக்கையும் வருகிறது.

bathroom என்பது basic.. அதுக்காக கட்டியா தர முடியும்..முடியாதுதான்..
ஆனால்...கொஞ்சம் உதவி பண்ணலாம்..

எண்பதிலும் ஆசை வரும்

#குறுங்கதைப்_போட்டி
எண்பதிலும் ஆசை வரும்

' இம்புட்டு நேரமாச்சு..இதோ வரேன்னு போன பேரப்புள்ளையை இன்னும் காணுமே.'
மருமவளுக்கு தெரிஞ்சா ஊரைக் கூட்டி , என்னை உண்டு இல்லனு ஆக்கிடுவாளே..
முனீஸ்வரா.. புள்ளையை பத்திரமா வூட்டுக்கு கொண்டு வந்து சேர்த்துடப்பா..'
மனசு பதை பதைக்க தங்கம் பாட்டி திண்ணையில் நிலை கொள்ளாமல் உட்கார்ந்துருக்கா..

எல்லாம் இந்த டீவியால் வந்தது. சீரியல் பார்த்துக் கிட்டு சும்மா இருக்காம..
நடுவில் வரும் விளம்பரத்தை பார்த்து பேரனிடம்..' இதெல்லாம் நமக்கு கொடுத்தே வைக்கலப்பா..இப்படியே இந்த ஜன்மம் போய்டும்' புலம்பியபடி உள்ளே சென்றது தான் காரணமாப் போச்சு.

அவள் பேசியதைக்  கேட்டபடி இருந்த பட்டிணத்திலேர்ந்து ஊருக்கு வந்திருந்த பேரன் சைக்கிளை எடுத்து விருட்டுனு கிளம்பிட்டான் . பாட்டிக்கு ஒன்றும் புரியவில்லை. ஐயோ தப்பா எதுவும் சொல்லிட்டோமோ என்று தவிக்க ஆரம்பித்தாள்.

ஆசை யாரை விட்டது. கேட்டிருக்க வேண்டாமோ..தெய்வமே..எப்புடி இந்தப் புள்ளையப் போய்த் தேடுவேன் என்று விசனத்தில் திண்ணையில் கவலையோடு இருப்புக் கொள்ளாமல் உட்கார்ந்திருந்தாள்.
யார்க்கிட்டயாவது சொல்லி தேடச் சொல்லலாமா..?
அவங்க அம்மாவுக்கு போன் போட்டு சொல்லிடலாமா..?
'என்ன பாட்டி..வெளியே உட்கார்ந்திருக்கேனு கேக்கறவங்களுக்கு பதில் சொல்ல சொல்ல இன்னும் படபடப்பு கூடிப்போச்சு.
உட்கார்ந்தபடியே அப்படி கண்ணசர்ந்தாள்..

" பாட்டி..பாட்டி..'தூக்கி வாரிப் போட்டு முழிப்பு வந்து பார்த்தபோது..
கண்முன்னே பேரன்.

"ராசா..எங்கப்பா போய்ட்ட? ' அழுகை யும் கோபத்தோடும் அவள் கேட்க..
சைக்கிள் காரியரில் இருந்து மெதுவாக அந்த பெரிய கலரான டப்பாவை எடுத்து

"இந்தா பாட்டி  நீ கேட்டது'..

திறந்து பார்த்தவளுக்கு ஆச்சரியம்.பார்க்கவே கொள்ளை அழகு. அவள் நினைச்ச மாதிரியே அலங்காரத்துடன்.

" சூடு ஆறதுக்குள்ள சாப்பிடு' பேரன் சொல்லச் சொல்ல.

 பாசத்தோடு பார்த்தாள் பேரனையும் அவன் வாங்கி வந்த பிட்ஸாவையும்.