பாடும் பறவை..

பாடும் பறவை..

காலை எழுந்ததும்..daily calendar கிழித்தபோது..டாலடித்த மூக்குத்தியுடன்..இழுத்துப் போர்த்திய MS blue கலர் பட்டுப் புடவையில்..இன்னிக்கு எனக்கு பிறந்தநாள் என்றாள்..சுப்புலக்ஷ்மி அம்மா.. happy birthday maa என்றபடி ரீல் கொஞ்சம் பின்னோக்கி சுத்தித்து.

1980s. ரம்மியமான காலம்.. ராஜா சார் பாடல்கள் பட்டி தொட்டியெல்லாம் முழங்கிண்டிருந்த காலம். சினிமாவைப் பார்த்து விட்டு வந்து அதில் வந்த super melodies எப்போ ரேடியோவில வருமுனு காதைத் தீட்டி வெச்சுண்டு இருந்தப்போ..அப்பாகிட்ட ஒரு petition போட்டேன்..ப்ளீஸ்..ப்ளீஸ் ப்பா..ஒரு two in one வாங்கித் தரேளா..
1500 ஆச்சே ம்மா..இப்போ தேவையா நமக்குனு தள்ளிப் போட..சில மாசங்களுக்கு பிறகு ஒரு சுப யோக தினத்தில் BPL two in one ஏக வரவேற்போடு வீட்டுக்குள் அடி எடுத்து வைத்தது. போனஸ் அதோட இரண்டு 25 ரூபாய் மதிப்புள்ள empty cassette. எதோ லாட்டரி அடிச்ச சந்தோஷம்.இதுல எப்படியும் ஒரு 35 இல்ல 40 பாட்டு record பண்ணிடலாம். ஒரே குஷி..
அப்பா மூச்சு விடறதே சங்கீதம் தான்..2 cassette MS Amma  வின் சுப்ரபாதமும் பஜ கோவிந்தம், விஷ்ணு சஹஸ்ரநாமம்
வாங்கிண்டு வந்திருந்தா..் முதல்ல சந்தனம் குங்குமம் வெச்சு..மெதுவா திறந்து முதல் பாட்டு எம் எஸ் அம்மாவோடது தான் ஒலிக்கணும்னு. suprabatham cassette போட்டு திறப்பு விழா..
அதுக்கப்பறம் எல்லா நாளும் அம்மா குரல் கேட்டு தான் விடியல்கள். பஜ கோவிந்தம் cassette ல் ராஜாஜி பேசறதும் ஃபுல்லா மனப்பாடம்.
பாட்டு என்றாலே..பத்தடி ஓடும் நான்..மகுடிக்கு கட்டுப்பட்ட பாம்பாய் ..அவள் இசையை ரசிக்கக் கற்றுக் கொண்டேன்..
super speed ல் ஸ்லோகம் சொல்லும் அம்மாவிடம் கற்றுக்கொள்ள முடியாத ஸ்லோகங்கள்..simple ஆ கத்துக் கொடுத்தது அவள் குரல்..
குறை ஒன்றுமில்லை..மறை மூர்த்தி கண்ணா..என் காலைக் கவலைகள் மறக்கடடித்தது.
ஹனுமன் சாலீசா ..அவள் பாடக் கேட்டபோது பக்தி பெருகியது..
கனகதாரா கற்ற போது கடாக்ஷம் பெருகியது.
மதுராஷ்டகம்..மனதிலே குட்டி கிருஷ்ணனை ஸ்மரனிக்க செய்தது..
அன்னமாச்சாரியார் கீர்த்தனைகள் கற்க அவள் எடுத்த முயற்சி வாழ்க்கை பாடமானது..
எதிலும் எங்கும் இறைவனைக் காண வைத்தது அவளின் கருணையும் கம்பீரமும் நிறைந்த குரல்.
விஷ்ணு சஹஸ்ரநாமம் ..வேறொருவர் குரலில் கேட்க மனம் ஒப்புவ்தில்லை.
நடுங்கும் ஒரு குளிர் விடியலில் பத்ரி கோயிலில் இவள் ் சுப்ரபாதம் கேட்டபோது...அடைந்த பரவசம்..அப்பப்பா..
பொதிகையில் MS Amma நிகழ்ச்சி வரும்போது ..என் அம்மா உடனே ஃபோன் பண்ணுவாள்..ஏய் பாருடி என்ன கலர் combination பட்டு புடவை..நோட் பண்ணி வெச்சுக்கோ..குமரன்ல அடுத்த தடவை கேக்கணும்..

அந்த வைர மூக்குத்தி..டாலடிக்கறது பாரு..சிலாகிப்பாள்..( அப்பா..உர்ருனு சைடில் முகத்தை திருப்பிப் பார்..பாட்டைக் கேக்காம ..அப்பவும் பட்டுப் புடவையா...கடுப்பாகிடுவார்)

காலம் மாறலாம்..இத அன்புக் காதல் மாறாது அம்மா..
என்னைப் போல கழுதை கூட தைரியமா பாட.. ஸ்லோகம் சொல்லக் கத்துக் கொடுத்த பெரிய வாத்தியாரம்மா நீ..

தீபம் ஆயில் வாங்கும்போது..MS CD இலவசம் ..( அல்ப்பைனு என்னை திட்டறது காதில விழறது..என்ன பண்றது..பொக்கிஷங்கள் எப்படி கிடைச்சாலும் வாங்கி வெச்சுக்கணும்..இன்னும் ஒண்ணு.. இப்பவே YouTube ல MS subbulakshmi நு search பண்ணினா..ஜூனியர் பாடினது தான் வரது....
எதிலும் எங்கும் இருப்பவள்.. பூபாளமாய்..நீலாம்பரியாய்..

ராகமென்ன தாளமென்ன
அறிஞ்சா..நான் படிச்சேன்..

நான் படிச்ச ஞானமெல்லாம்..
யார் கொடுத்தா..
சுப்பு. நீ..தான்..

இசையால் எம்மை அந்த  பிரம்மத்துடன
இணைக்க செய்த உனக்கு..
இனிய பிறந்த நாள் வாழ்த்துக்கள் ..
அனுப்புகிறேன்..
சொர்க்கம் இன்னும் சிறப்படைந்து இருக்கும்..சுப்பு உன் இசையால்..

சிக்கு புக்கு சிக்கு புக்கு ரயிலு..

சிக்கு புக்கு சிக்கு புக்கு ரயிலு..
சிக்கு புக்கு சிக்கு புக்கு ரயிலு..

ப்ளாட்ஃபார்மில் டிரெயின் வந்து நின்னதும், தடக் தடக் சத்ததோடு என் லப் டப்பும் ஜாஸ்தியாச்சு..்.இருக்கிற மூட்டை முடிச்சை இடம் பார்த்து உள்ளே தள்ளணுமே..பகவானே என் பெர்த்ல வர யாரும் சாமானே கொண்டு வரக்கூடாதுனு அராஜகமா ஒரு வேண்டுதல் வேற.
எல்லாத்தையும் ஒரு வழியா அடியில தள்ளி நிமிர்ந்தா..நங்குனு மண்டையில் ஒரு அடி..வேறென்ன..விரிக்கப்பட்ட மிடில் பர்த் வீங்க வெச்சது என் முன் சொட்ட மண்டையை. என் பொண்ணோ ..full energy ல் ஆட்டம்..மிடில் பர்த்தை போட்டு நொக்கு நொக்குனு நொக்கி தாளம் போட..மிடில் பர்த் மாமா குறட்டையில் ஆலாபனை செய்ய.எங்க கூ..சிக்கு புக்கு ரயில் பயணம் ஆரம்பம்..
நமக்குத்தான் 4 மணிக்கு முழிப்பு வந்துடுமே..வீட்டு ஞாபகத்தில் எழுந்திருக்க..மீண்டும் டொங்னு மண்டையில் ஒரு அடி..எங்கயும் காலை வெக்க முடியல..சாமானெல்லாம் தூங்கிண்டிருந்தது..மெதுவா....முதுகை கோணலா ஒரு வளை வளைச்சு...தலையை மெதுவா நீட்ட..என் சிண்டை பிடிச்சு இழுக்க ஆரம்பிச்சது மிடில் பர்த் சங்கிலி ..ஆ..வலி..கத்த கூட முடியல..
கால் எங்க வெக்கறது..சாமானெல்லாம் தூங்கிண்டிருக்கே..ஒரு வழியா சமாளிச்சு எழுந்து ..அப்பர் பர்த் ல் அக்கடானு தூங்கிண்டிருந்த அகத்துக்காரரை எழுப்பி..கொஞ்சம் குழந்தையைப் பார்த்துக்கோங்கோ..நான் போய் ஃப்ரஷ் ஆகிட்டு வரேன்..அப்ப்போதான் முதல் ரவுண்ட் வர காபி எனும் கஷாயத்தை குடிக்க முடியும்னு சொல்ல..அம்மா தாயே..வீட்ட்ல தான் அட்டகாசம்னா..இங்கேயுமா..சரி சரி போய்ட்டு வானு வழியனுப்பி வெச்சுட்டு..வாய் பிளந்து தூங்க ஆரம்பிச்சுட்டார். டாண்ணு ஆறு மணிக்கு என் காது குளிர' காபி..காபி'..'சாய்..சாய்' சத்தம்..என் பெர்த் கிட்ட வந்துட்டார் ..ஒரு காபி குடுங்க..சொன்னதுதான் தாம்தம் கொதிக்க கொதிக்க பேப்பர் கிளாஸில் ரொப்பிட்டு..madam 10 ரூபாய் தாங்க..
ஒரு நிமிஷம் ப்பா..பர்ஸ் பெண்ணின் தலைகாணிக்கடியில்...மெதுவா உருவலையோ.நான் அம்பேல்..ஆட்டம் ஆரம்பிப்பாளே..ஒரு கையில் காபி..மறு கையில் காசு..அப்பத்தான் ட்ரெயின் டிஸ்கோ டான்ஸ் ஆட ஆரம்பிக்க..என் கையிலிருந்த காபியும் சேர்ந்து ஸ்டெப்ஸ் போட..கடைசியில் எனக்கு கிடச்சது 2 ரூபாய் காப்பிதான்.
காபி குடிச்சா எப்படி தூக்கம் வரும்..ஆனந்த சயனத்தில் என்னை சுத்தி எல்லாரும். எனக்கோ வேடிக்கை பார்க்கணும்..
சூரியன் அழகா வெளிய வருமே..மேகமெல்லாம் என்னோட ஓட்டமா ஒடி வரதைப் பாக்கணும்..
மரம் வேகமா ஓடும்..சின்ன சின்ந பாலங்கள்..வயல்வெளி..மாட்டு வண்டி..
ஒவ்வொரு ஊர் ரெயில்வே கேட் கிட்ட நிக்கற ஸ்கூல் பசங்கள் பார்க்கணும்.
குட்டி ஸ்டேஷன் எல்லாம் ஓடி ஓடி வந்து தண்ணியும் ஒட்டகப் பாலும் விற்கும் குட்டீஸ். கொய்யா..ஆரஞ்சு வித்து ரெயில் கிளம்பிடுமோங்கிற பயத்தில் சிறு வியாபாரிகள்..
இத்தனையும் பேரழகன் சூர்யா போஸ்ல உட்கார்ந்த படியே ரசிச்சபடி ..
கொஞ்ச நேரமா ஒரே சைடாகிப்போன் கழுத்தை அம்மா...என்று அழைத்தபடி என் பெண் ஒரு திருப்பு திருப்ப..ஆ..வலி..வலி..
அந்தக் கோணக் கழுத்தோடயே பால கரைத்து கொடுத்தாச்சு்....கொஞ்ச நேரத்தில் இட்லி ஊட்டல்..தோசை தோசை விளையாட்டு .. தண்ணி கொட்டி ஈரமான துணியை மாற்றல் எல்லாம் இனிதே நடந்தேற..' சார்..லஞ்சுக்கு என்ன வேணும் உங்களுக்குனு pantry service கேட்க..
ஒண்ணுமே தெரியாதது போல மிடில் பர்த் மாமா..என்ன லஞ்ச்சா..நான் இன்னும் breakfast ஏ சாப்பிடலையேனு (விவேக் ஸ்டைலில)் ..இந்த மாதிரி long journey ல தான் நம்மைஅறியாம தூங்க முடியறது.. சரிப்பா..வெஜிடேரியன் மீல்ஸ் ஒண்ணு கொண்டு வந்துடு என்றபடி பல் தேய்க்கப் போனார்..எனக்கோ அப்பா..விடுதலை..திரும்பி வந்து பர்த்தை மடிச்சுடுவார்..மடங்கின என் கழுத்தும் பிழைக்குங்கிற நினைப்பில் மண்ணைப் போட்டார் மகானுபாவர்..மீண்டும் தன் berth ல் ஏறி படுத்தபடி..
ஆங்..சொல்ல மறந்துட்டேன்..upper berth ல் படுத்திருந்த என்னவரை நாங்கள் அடித்த லூட்டி ஒரு வழியாய் எழுப்ப..நீயாச்சு உம்ம பொண்ணாச்சுனு  ரெண்டு பேரையும் கோர்த்து விட்டு..நான் கொட்டாவிக்கு பதில் சொல்ல குறட்டை விடலானேன்.

மாமி சுண்டல்...

மாமி சுண்டல்...

watsappம் , விரலுமா இருக்கும் எனக்கு வந்த சோதனை.  நான் பயணம் செய்த சேலம் பஸ் கரெக்ட் டயத்துக்கு பஸ் ஸ்டாண்டில்  அன்றைக்குனு பார்த்து கரீட்டா நுழைய..முதல் படியில் கால் வைக்கையில் க்லிங்னு என் watsapp msg tone. 'the slots are open என்று க்ரூப்பில் செய்தி .. ஒரு நாளைக்கு 2 slot .ஆஹா..அலை மோதிடுமே கூட்டம் இதுக்கு ..எறங்கி முதல் வேலை புக் பண்ணனும்..இல்லாட்டி இந்த வருஷ சான்ஸ் போயிடும்னு நினைச்சிண்டே
மூன்றாம் படி தாண்டி தரை இறங்கறதுக்குள்ள...எல்லாரும் லபக் லபக்னு புக்கிங்..எல்லா நாளும் ரொம்பிடுத்து..
ஃபுல்லோ ஃபுல்.
என்ன எல்லாரும் ஏதாவது பரீட்சைக்கு புக்கிங்னு நினைக்காதேள்..இது எங்க அபார்ட்மென்ட் நவராத்திரி க்கு லலிதா சஹஸ்ரநாமம் slot. admin க்கு ஒரு அம்மணி அட்வைஸ்..' ஏன் மத்தியானம் ஒரு ஸ்லாட் இருக்கக் கூடாது?..
'உங்கள் இசை எனும் இன்ப வெள்ளத்தில் நீந்த ஓடோடி வரப்போகும் என்னை கொஞ்சம் நினச்சு பாருங்க ..இசை (இம்சை) அரசிகளேநு அம்பாள் நினைக்குமுன் அந்த மாபெரும் யோசனை கைவிடப்பட்டது..
எம் எஸ் அம்மா மாதிரி ஆரம்பிச்சு கடைசியில எல் ஆர் ஈ ஸ்டைலனா போயிடும் அப்பறம்..இன்னொரு பெரிய கவலை எல்லா பொண்டுகளுக்கும்..மூணு தரம் மேக்கப் மாத்தணும்..accessories match ஆகணும்..ரிபீட் வரக் கூடாது புடவையில..உலக மகா கவலை இதை வுட வேற என்ன?
சுண்டல் ...அது வேற கிண்டுமே வயத்தை ..no way ..only two தான்.
நம்ம இடத்தை யாரோ புடிச்சுட்டா..போனால் போகட்டும் போடானு பாடிண்டே..நடக்க..
அப்போதான் நினைவுக்கு வந்தது..'ஐயோ..ஐஷூ..இன்னிக்கு மத்தியானம் 12 மணிக்கு பரீட்சைக்கு ஸ்லாட் புக் பண்ணணுமே..பண்ணிட்டியானு கலங்கி ஃபோன் செய்ய..அவள் அசால்ட்டாய் all done maa..
chill என்றாள் எப்போதும் போல.
காலையில் அவளுக்கு slot booking, timing பத்தி எடுத்த கிளாஸ் அப்படியே action replay ஆச்சு..சொல்லிக் கொடுக்கத்தான் தெரியுமோ நமக்கு..செயல்ல காட்டத் தெரியாதோனு ஒரு பக்கம் மனசு ஒரு இடி இடிச்சது..
ஸ்லாட் கிடைக்காட்டி என்ன..நமக்கு சுண்டல் நிச்சயமா உண்டு..
இன்றைய ஸ்பெஷல் என் குஜராத்தி தோழி வீட்டில் சீதாப் பழ பாயசம் (வேலை பின்னி எடுக்கும் இத உரிச்சு பண்றதுக்குள்ள..ஆனா..சுவையோ..தேவாமிர்தம்.. அதுக்கு இணையா..சூப்பர் சுண்டல்..
சொர்க்கமே என்றாலும்..அது பக்கத்து வீட்டு சுண்டல் போலாகுமானு பாடிண்டே இந்த post.
happy navarathri

மாமி சுண்டல் -2

மாமி சுண்டல் -2
பிக் பாஸ் day 2 மாதிரி இன்னிக்கு மாமி சுண்டல் 2 ம் நாள்..
அகம் டீவியெல்லாம் இங்கே இல்ல..அக்கம் பக்கம் எல்லாம் ஒண்ணா ஒரே frame க்குள் இந்த ஒன்பது நாளும்.
சீதாப்பழ பாயசம் ..புடவை நாளைக்கு என்ன கலர் எல்லாரும் பேசறத்துக்கு complan தெம்பு தர..பச்சைக்கு ஒரு சிலர் பச்சை கொடி..மஞ்சள் தான் மங்கலம் ..இன்னொரு க்ரூப்..ரெட்டுக்கு TRP ரொம்ப கம்மி..ஒரு வழியா தலைய பிச்சுண்டு ப்ளூனு முடிவு..கூட்டம் இங்கே கலைந்து...watsapp ல் மீண்டும் கூடியது..
என் கிட்ட இருக்கிற ப்ளூ..கொஞ்சம் பழசு..ear ring என்கிட்ட quillling wala தான் இருக்கு..என்கிட்ட மயில் கழுத்து ப்ளூ தான் இருக்கு..இந்த புடவையில் இப்போதான் வாட்ஸப் profile ..no way..
ஒரே பிரச்சினை..
கடைசியில் முடிவு செய்தபடி..எல்லாரும் அவரவர்களுக்கு பிடித்த கலர் புடவையில் ப்ரகாசமாக ..பிரசன்னம்..
என்ன ஒத்துமை..ஒருத்தர் கூட ப்ளூ கட்டிக்கல..
சஹஸ்ரநாமம் படிக்க ஆரம்பிச்சாச்சு..எப்பவுமே yummy பிரசாதம் கொண்டு வரும் மாமி , டப்பாவோடு உள்ளே நுழைய ..எல்லாரும் அந்த டப்பாக்குள் என்ன இருக்கும்னு ஒரு question mark லுக் விட்டபடி தொடர்ந்தோம்..முடித்தோம்..ஆரத்தி ஆச்சு..
டப்பா திறந்தா..
நூல்கண்டா மெல்லிசா ஃபேணி..அது மேல அப்படியே சக்கரை பொடி தூவி..
இங்கே தான் மாமியின் கை வண்ணம்..
எப்போதும்போல் அதோட ஒரு ஙேனு ஒரு சக்கரை கம்மி பால் இல்லாமல்..சூப்பரா ரோஸ் மில்க்கோடு.( உங்க மெனுவை மாத்தி பண்ணி பாருங்கோ லேடீஸ்...மழையா பாராட்டு கொட்டும்..நான் guarantee)
ஒரு பால் ஃபேணி..
ஆஹா..பேஷ் பேஷ் ரொம்ப நன்னாருக்குனு உறிஞ்சு குடித்த வண்ணம்.
மீண்டும் ஆரம்பித்தோம் நேற்று விட்ட இடத்திலிருந்து புடவை கலர் கதை..

நவராத்திரி... நளபாகத்தோடு ...

என்ன தவம் செய்தனை..2

என்ன தவம் செய்தனை..2
என்ன பண்ணிண்டுருக்க இப்போ..are you free today evening? என்னுடைய சக SPIC MACAY( Society for the Promotion of Indian Classical Music And Culture Amongst Youth) volunteer தோழியிடமிருந்து ஃபோன்..நான் இப்போ ஹனுமார் வடை பண்ணிண்டு இருக்கேன்..சாயங்காலம் சஹஸ்ரநாமம் பாராயணம்..நடுவில நவராத்திரி ஷாப்பிங்..
சரி அதெல்லாம் விடு ..என் புராணத்தை பாதியில் கட் செய்த அவள் ..தொடர்ந்தாள்.....'
நான் சொல்றவர்களை நீ டின்னருக்கு அழைச்சுண்டு போகணும் .பீடிகை போட்டாள்..யாரு சொல்லு ..எனக்கு இன்னிக்கு மண்டை பிச்சுக்கிற வேலை நிறைய இருக்குனு வெடிக்கவும்..
வேற யாருமில்ல..நம்ம dhananjayan guru ji யும் , shantha அம்மாவையும் தான்..
ஒண்ணும் சாக்கு சொல்லாம  A2B பக்கத்தில இருக்கு கூட்டிண்டு போ என்றாள்.. யேய்ய்..யாருனு சொன்னே..கையும் ஓடல காலும் ஓடல..
do it..படக்கென்று ஃபோன் வைத்து விட்டாள்.
திடீர்னு ஒரு யோசனை.
.ஆனந்த பவன் வர நேரம் என் வீட்டிலேயே விருந்து படைச்சிடலாமேனு ஒரு idea...ஆனால்.பாவம் இன்னிக்கு 2 ப்ரோகிராமுக்கு பிறகு களைத்திருந்தவர்களுக்கு வீட்டிலிரிந்து செய்து எடுத்து போய் பரிமாறிடலாம்னு முடிவாச்சு..
சுடச் சுட வெண்பொங்கல் தேங்காய் சட்னி, தயிர் ,மோரோடு , இரவுக்கு சூடான பால் சகித்கம் கிளம்பினேன் அவர்கள் இருப்பிடம்..
ரூம் கதவைத் திறந்தவர்கள்..முகம் மலர்ந்த புன்னகையுடன்..ஆசையாய் அப்படி ஒரு வரவேற்பு..
எதுக்கு இப்படி சிரமம் உனக்கு..இங்கே கிடைக்கிறதை வெச்சு டின்னர் முடிச்சிருப்போமே என்று சின்ன புலம்பல்..
ஒரு அப்பா அம்மாவின் அன்பு அங்கே கண்டேன்..எத்தனை பெரிய கலைஞர்கள்..ஒரு ஆடம்பரமில்லை..அலட்டலில்லை..தன் பெண்ணிடம் எப்படி பேசுவார்களோ அதே வாஞ்சையில் பேச்சு..
அரட்டை கச்சேரி தொடர்ந்தபடி உணவு.
உனக்கு அகிலா எங்கிறதைவிட. அன்னபூரணி ங்கற பேரு நன்னா பொருந்தும்னு மலையாளம் கலந்த தமிழில் சொன்னபோது...சிலிர்த்துப் போனேன்..
நவராத்திரி முதல் நாள் ..பாராயணம் முடித்த கையோடு.. இத்தனை பெரிய நாட்டியக் கலைஞர்களுடன் இந்த நாள் கழியும் என்று எதிரே பார்க்கவில்லை..
எடுத்துச் சென்ற தாம்பூலம் அவர்களுக்கு கொடுத்து நமஸ்கரித்தபோது..ஏற்பட்ட சந்தோஷம்...சொல்லில் விவரிக்க இயலாது..
இந்த என் நாள் மிக இனிய நாள் எனக்கு

நிமிஷாம்பாளென நாமம் கொண்டவளே

காவிரி் கொஞ்சி ஓடும்

கரை அருகே அமர்ந்தவளே

'க'ஞ்சம் எனும் திருநகரில்

காட்சி தந்து காப்பவளே..

தஞ்சம் புகும் பக்தர்களின்

நெஞ்சின் பாரம் இறக்குபவளே..

காந்தக் கண் உடையவளே

சாந்த சொரூபி நீயே..

நிமிஷத்தில் குறை தீர்ப்பவளே

நிமிஷாம்பாளென நாமம் கொண்டவளே

தடை யாவும் நீக்குபவளே

கரை சேர வழி காட்டுபவளே

வேதனையும் விக்கினம் யாவுமே

விட்டகல அருள் புரிபவளே..

விருப்பங்கள் வரிசையில் நிற்க

திருப்பமும் திருப்தியும் தருபவளே..

வரிசைப் படுத்தினேன் வேண்டுதலை

வரிசையில் நின்ற வேளை

தரிசனம் கிட்டிய நொடியில்

தெரியலையே என் குறை சொல்ல..

ஒன்றிரண்டா என் கோரிக்கை

ஓராயிரம் மனக் கிலேசம்..

ஒரு நிமிஷம் போதாதே

ஒவ்வொன்றாய் எடுத்தி யம்ப..

சன்னதியில் உன் திருக்கோலம்

ஜன்ம வினை தீர்த்ததம்மா..

திரும்பி நானும் வரணுமென்ற

தீராத ஆசை பொங்குதம்மா..

அறியாதவள் நீ அல்ல

ஆராய்ந்து அருள் புரிவாய்

கரம் குவித்து தொழுகின்றோம்

வரமும் நீ அள்ளித்தா..

தேவி நின் பாதம் சரணம்

தேவி நின் பாதம் சரணம்

வரந்தரும் நாயகிகள் வரிசையாய்

வலம் வரும் நாட்களிது..

துக்கங்கள் நீக்கியே வருந்

துன்பங்கள் ஓடிடும் காலமிது..

இருளது   அகலும்  - அன்னை

அருளது கிட்டும் வேளையிது..

சக்திக ளிங்கே  சங்கடந்தீர்க்க

சங்கமிக்கும்   மங்கள நேரமிது..

அன்பைப் பொழியும் அல்லல் நீக்கும்

அவள் பதமலர் போற்றி போற்றி..

கமலத்தில் அமர்ந்த தேவி

கலையும் கல்வியும் அருள்வாளே..

கலைவாணி  கழற்பாதம் தொழ

கருணை மழை பொழிபவளே.

வீணை மீட்டும் வளைக்கரத்தாள்

வினை யாவும் நீக்குவளே..

வெள்ளைத் தாமரையில் வீற்று

அள்ளி அருள் தருபவளே..

வித்தையும்  சித்தியும் வீரமும் வெற்றியும்

நித்தமும் யாம்பெற அருள்வாய் தேவி.

அன்புடன்

அகிலா

பத்துத் தலை ராவணனை

பயங்கர அரக்கன் இவனென்றோம்

பொசுக்கிப் பொடிப் பொடியாக்க

போட்டி போட்டு கூட்டமிட்டோம்.

பதுங்கி நம்முள் ஒளிந்த

பலமுக துர்குண மெல்லாம்

போனால் போகட்டும் போ.

பிறவிக் குணம தென்றோம்..

வெளி் யிருக்கும் அரக்கனை

வெடி வைத்து தகர்த்திடலாம்

வாடை வீசும் மன அழுக்கை

வாசல் தள்ள வழி என்ன?

விஜய தசமி நாளுமிதுவே

விரட்டிடுவோம் வக்ரங்களை..

வெள்ளை எண்ணப் பூக்களால்

வண்ணப் பூமாலை கோர்த்து

 வளைய மிட்டு வரவேற்போம்

வரப் போகும் பொழுதுகளையே..

அன்புடன்

Akila

walking down the memory lane

its always been a pleasure to flip through the pages of your past and walk through the memory lane

those Dehradun days. Aishu and her friend Anmol's creation ..

presenting the  home made Raavan effigy.

the preparation would start from the time the holidays start and ends with bursting with crackers and distributing chocolates shouting in joy..'shree ramchandra bhagwan ki  jai'.

(its a tradition there and please friends don't get confused with the values we teach to kids.)

chart ல் வரைந்தோமே

சட்டை பாவடையில்

சாந்தமாய் ராவணன்..

சாகப் போகும் சோகத்தில்

சுரத்தில்லா இராவணன்..

சுள்ளியெல்லாம் சேர்த்தாச்சு

சர வெடியும் வெச்சாச்சு

சுத்து வட்டாரம் வந்தாச்சு

சரியா மணி ஆறாச்சு

சரக்கென்ற நெருப்புக்குச்சி

சுடராய் எரிய

சுட்டெரித்தனர் அங்கே

சூரனின் கொடும்பாவி..

சந்தோஷமாய் வினியோகம்

சக்கரையும் சாக்கலேட்டும் ..

விளையாட்டாய்ச் செய்தாலும்..

வெந்தெறிந்த கொடும்பாவி

விளக்கிடுமே ஒர் நாள்

வெல்வது என்றும் நல்லதுவே

வெளி் யிருக்கும் அரக்கனை

வெடி வைத்து தகர்த்திடலாம்

வாடை வீசும் மன அழுக்கை

வாசல் தள்ள வழி என்ன?

வருகின்ற சந்ததிக்கு

விளக்கணுமே தெளிவாக..

விஜய தசமி நாளுமிதுவே

விரட்டிடுவோம் வக்ரங்களை..

வெள்ளை எண்ணப் பூக்களால்

வண்ணப் பூமாலை கோர்த்து

 வளைய மிட்டு வரவேற்போம்

வரப் போகும் பொழுதுகளையே..

நவராத்திரி..

நவராத்திரி..

்(அவரவர்)..அம்மா அலமாரி முதல் (முன் ஜாக்கிரதை தான்)

அன்றையத் தேதி 

டிசைன் புடவைகள் வரை..

பாதுகாப்பு பெட்டகதிலிருந்து..

புது விடுதலை காணும்..

பளிச்சிடும் நகைகள்..

பாப் வெட்டிய சுட்டிகள்..

பட்டு கட்டிய பட்டாம்பூச்சிகள்..

அபார்ட்மெண்ட் வாழ்க்கை..

அலுப்பே இல்லா கொண்டாட்டங்கள்.

குஜராத்தியும்..கன்னடரும்..

தமிழரும்..தெலுங்கரும்..

மலையாளமும் மராட்டியரும்..

ஓரிடம் கூடி..

அம்பாள் நாமம்..

ஆயிரமதை..

அவரவர் மொழி வடிவில்

அழகாய்ச் சொல்லி..

ஆரத்தி எடுத்து..

அவனியில் அன்பைத் தா என்று..

பாடி முடித்து..

பாக்கும்  வெத்தலையும்..

பாங்காய் பெற்றுக் கொண்டு..

நாளை என் வீட்டில்..

ஞாபகமாய் வரணும்னு சொல்லி..

நங்கைகள் நயமாய் 

விடை பெறுவோம்..

எங்கிருந்தோ வந்தோம்.

இணைந்தோம்...

இவள் அருள் வேண்டி..

ஒன்பது நாள் ..

ஓடியேப் போகும்

ஒன்றிப் போகுமே

உள்ளங்கள்..

நவராத்திரி....நாயகிகள்

நம்மில்லம் வரட்டும்.

நல்லருள் தரட்டும்..

நன்மைகள் பெருகட்டும்...

Happy navratri to all my friends

காஃபி சிந்து..( காவடிச் சிந்து இல்லை)

காஃபி சிந்து..( காவடிச் சிந்து இல்லை)

கண் மூடித் தேடினாலும்
கண்டே பிடித்திடுவேன்..
கள்ளி உனையே..
கள் சொட்டும் காஃபிப் பொடியே..

காலன் கதவு தட்டினாலும்
குடித்துட்டு வரேனே ...
காபி ஒரு முழுங்கென்பேன்.

காபி யில்லா வாழ்வு
கனவிலும் கண்டதில்லை..

பாலும் டீயும் பூஸ்ட்டும்
பல பானம் இருந்தாலும்
பரவசம் தருமே என்றும்..ஆவி
பறக்கும் சூட்டில் காபி..

தூக்கிக் குடிக்கையிலே
தொண்டைக்கு சுகமே

சீப்பிக் குடிக்கையிலே
சொர்க்கமும் தெரியுதிங்கே

சிக்கரி காஃபிக் கோர்
சங்கமும் உண்டிங்கிங்கே.

இவனன்றி அசையாதே
என்னில் ஒரு அங்கமுமே..

ஒர் இழு இழுக்கையிலே
உடம்பில் தெம்பு ஏறுமே
உனக்கென்றும் என் ஓட்டே
உன்னடிமை நான் தானே.




பார்த்து சிரிக்குது பொம்மை..
பரம சாதுவாய் குரங்கு பொம்மை
காந்தி ரசித்த பொம்மை..மன
சாந்தி தரும் பொம்மை

கொலுவில் அமர்ந்த பொம்மை
கள்ளமிலா..குரங்கு பொம்மை

தாவிக் குதிக்கா பொம்மை
தத்துவம் சொல்லும் பொம்மை

வால் செய்யா பொம்மை
வாழ்வியல் விளக்கும் பொம்மை

கண்டதைப் பார்க்காதே என
கண் மூடிய பொம்மை

கண்டதைப் பேசாதே என
கையால் வாய்மூடிய பொம்மை

கண்டதைக் கேளாதே என
காதும் மூடிய பொம்மை.

அடபோங்கப்பா.
ஒன்றை அடக்கலாம்னா
ஓவராப் பண்ணுதே
கூராகி  மற்றிரண்டும்


ஒரு வழி மூடினால்
மறு வழி திறக்குமென்ற
மாற்றுப் பொருள் பேசி
மறக்கடித்தோம் தத்துவத்தை

ஒன்றைக் கட்டுப்படுத்த
ஒராயிரம் பிரயத்தனங்கள்.
மூன்றையும் வென்ற வீரர்
மூவுலகில் இங்குண்டோ..

அஹிம்சை எல்லாம்
இம்சை என்றோம்..
non violence என்பதை
நான் violent என்றோம்..
சாந்தி என்ற சொல்லே
சங்கடமென நினைத்தோம்

தூளி ஆட்டி ..
தாலாட்டுப் பாடி
தட்டிக் கொடுத்தோம்..
தூங்கட்டுமே ..
உண்மையென்றோம்..

பொய் பேச
கூச மாட்டோம்..

காந்தி ஜயந்தியன்று
காந்தி புகழ் பாடுவோம்..
ஆஹா.
காந்தி மகான் என்போம்..

காகத்தின் உறைவிடமாம்
காந்தி சிலையெல்லாம்..
காணுமே புதுப் பொலிவு..

தேடாதே..சிலை ஓடி..
தோண்டி எடு ..உன்னுள்ளே
தூங்கிக் கிடக்கும் 
காந்தி மகானை..
மகான்

thangamani---

2012. மே மாதம். ஸ்கூலில் இருந்து prize  ம் ,பையுமா ஓடி வந்தாள் என் பெண். இரண்டு certifcate, 2 புக் . புக்கைத் திருப்பி பார்த்தேன். கங்கை ஆற்றைப் பற்றி ஒருவர் பக்தியோடு, தேசப் பற்றோடும் இந்தியில் எழுதிய கவிதைத் தொகுப்பு. free ஆ school க்கு distribute பண்ணச் சொல்லிட்டார் போல இருக்கு. அதனால் 2புக்கும்.ஒரே புக்..அவரே publisher ம் கூட..
திடீர்னு எதோ ஐடியா தோண ,வீட்டுக்காரருக்கு ஃபோன் போட்டு சொன்னேன்.. உனக்கு என்ன கிறுக்கா பிடிச்சிருக்கு..இந்த வேலையெல்லாம் அவர் எப்படி செய்வார்..எங்கியாவது போய் வாங்கிக் கட்டிண்டு வராதேனு ஒரே அட்வைஸ்..
ஒரு சுப முகூர்த்த நாளில் அந்த writer cum publisher கிட்ட போனேன் ..என் மாமியார் தங்கமணி சிவபெருமான் மேல் தினமும் எழுதிக் குவித்த கவிதைகளை எடுத்துண்டு.  publishing க்கு வந்திருக்கேன் என்று சொன்னதும் வாயெல்லாம் பல்லானவர், பல்பு வாங்கின மாதிரி ஆனார் நான் நீட்டிய தூய தமிழ் கவிதைகளைப் பார்த்து..yeah kaunsi basha mein hai  ...
நான் ரொம்ப பெருமையா இது தமிழ் என்றேன்..behenji yeah nahi ho payega..sorry. aap Chinnai ( Chennai அப்படி அழுத்திி தான் சொல்வா அங்கே எல்லாம்.. ரொம்ப ஏமாற்றத்தோட வீடு திரும்பின கொஞ்ச நேரத்தில் அவரிடமிருந்து ஒரு SMS. I am ready to take this project. 
தமிழ் வாசமே இல்லாத தேவ பூமி தேஹ்ராதூனில் , முதல் முதலாக ஒரு தமிழ்ப் புத்தக அச்சடிப்பு துவக்கம். முதல் கட்ட பிழை திருத்தங்கள் சந்த வசந்த ஐயா இலந்தையும், அனந்த், சிவசிவா அனைவரும் செய்து தர..நாளொரு மேனி பொழுதொரு வண்ணமாய் புத்தக வேலை நடப்பு. தினமும் proof reading. correction. correction க்கு correction. 
thangamani அம்மாவிடம் சொன்னதும், தனக்கே உரிய அடக்கத்தோடு ' அதெல்லாம் எதுக்கு செலவு அகிலா.. blog போதும் எனக்கு' ..நீயும் அலையாதே மழையிலெல்லாம்..( அது மழை கொட்டும் காலம் அப்போ)..அந்த வாஞ்சை..அப்பப்பா..இதுக்கே  இவளுக்கு ஏதாவது செஞ்சுடணும்னு ஒரு வைராக்கியம். 
அட்டை கலர் selected. படம் வேணுமே..அந்த publisher நிறைய modern art of Shiva எல்லாம் காண்பிச்சு அதுக்கு தனி ரேட் பேசினார். திடீர்னு ஒரு ஐடியா எனக்கு..' ஐஷு ..நீ தான் drawing பண்ணுவியே..simple ஆ நம்மூர் கோயில் கோபுரம்..ஒரு சிவ லிங்கம் try பன்ணு என்றேன்..அவள் வரைந்த்தது அட்டைப் படமாய் அச்சில். தங்கமணிக்கு ஏக சந்தோஷம்.
book publishing..மிக எளிமையான முறையில் கனாடாவிலிருந்து வந்த எங்கள் தமிழ் ஆசான் அனந்த் மாமா கையால், tupkeshwar shiva temple ,Dehradun  சன்னதியில் ஒரு கொட்டும் மழை நாளில் , மந்திரங்கள் முழங்க , அமைதியாய் நடைப் பெற்றது.
this day that year 2012, an unforgettable day in our life.what was thought impossible was made possible. 
'என் பணி அரன் துதி' புத்தகம் வெளியிடப்பட்ட நாள்..எங்கள் வாழ்வில் எதையொ பெரிசா சாதித்த நிறைவைத் தந்த நாள்.
இன்னும் நிறைய பாடல்கள் குவிந்திருக்கிறது . தேவபூமியில் அருள் செய்தவன்..மீதி இருக்கும் அவள் பாடல்களைத் தொகுத்து வெளியிட எங்களுக்கு கூடிய விரைவில் அருள வேணும்.
you rocked thangamani..

Happy teachers day

To all the teachers..
happy teachers day

running to wish a first good morning
always been a pleasure
rushing to carry the notebooks
always been a pride.

reducing your pressure
reminding your potential.
priceless is her commitment
power packed is her compliment

non stop stories of ' my teacher..my teacher..'
noise of 'yes miss .'.echoing in the class.
never prefer to leave her after we pass
nostalgic are those moments passed.

sitting at the back bench was our choice.
shifting us forward does her voice
correcting our papers made us shiver
concerned words of her wiped out our fear.

'good for nothing 'scolded everyone
'good you did ' consolation from her
moulding was  her job
golden are the memories.

years may roll..
but..
cheer you brought
yet so green.
yet so green.

எந்தன் பொன் வண்ணமே..

எந்தன் பொன் வண்ணமே..
ஓடி யாடும் இவள் பின்னே
ஓடுமென் காலம் ஓர் நொடியில்..

கொலுசின் ஓசை சொல்லிடுமே
குறும்பாய்  இவளும்  ஒளிந்தாலும்..
கலகல சிரிப்பில் கவலை பறக்கும்
கண்ணும் கலங்கையில் பூமி நழுவும்.

பூப்போட்ட பாவடை சரசரக்க
பார்த்துப் பார்த்து நடந்தபடி
புன்னகை பூத்து வருவாளே
புவியின்பம் யாவும் தருவாளே

உற்றத் தோழி இவளெனக்கு
ஊர்கதை பேசும் வேளையிலே..
கையும் கோர்த்திவள் நடக்கையிலே
கோடியின்பம் வந்து கூடுமங்கே..

கல்வி,கடமை, கல்யாணமென்றே
கடலும் கடப்பாள் ஒருநாளில்

உடுத்திய உடைகளும் புகைப்படமும்
உள்ளத்தில் என்றும் பசுமையாகும்.

நாட்கள் ஓட நரையும் கூட
நடையும் தளரும் நாளும் வரும்
தாயாய் அவ ளங்கே மாறிடுவாள்
தள்ளாமை எனக்கும் வரும் போது..

பூபாளம்...இசைக்கும்..

பூபாளம்...இசைக்கும்..
பூபாளம்...இசைக்கும்..

இளங் காற்று  இசைபாட
கூவிக் குயில் அழைக்க
பூக்கள் சோம்பல் முறிக்க
காலை நடை துவக்கம்.
சுப்ரபாதமும் சினிமாப் பாடலும்
சத்தமாய் அலறிய தள்ளுவண்டிகள்
காயும் பூவும் கட்டவிழ்த்து
கடவுளை வேண்டும் வியாபாரிகள்
'coffee mane'க்கள் க்யூவில்
கால்கடுக்க  காப்பி பிரியர்கள்
கைப்பேசியில் கட்டளை இட்டபடி
கணிணி உபாசகர்கள்
கைக் கோர்த்து நடந்தபடி
காலத்தை அசைப்போட்ட முதியோர்கள்
புகார் பல சொல்லியபடி
பொரிந்து தள்ளிய மனைவிகள்
கையும் காலும் முறுக்கியபடி
கடும் பயிற்சியில் ராம்தேவ் பாபாக்கள்
காலைக் கடன் முடிக்க
எசமனை இழுத்த செல்லக் குட்டிகள்
வாசல்கள் எல்லாம் வழியடைத்த
வால் சுருட்டிய  வாண்டுகள்
வாயைப் பிளந்த கொட்டாவியுடன்
வாய் மூடா பொதிமூட்டையுடன்
வரப் போகும் பஸ்ஸுக்காக.
சூரியனும் சுறுசுறுப்பாக
சுற்றியது போதுமென்றெ
வேகமாய்  வீடு வந்தேன்
வீதி் உலா முடித்தபடி
இளங் காற்று  இசைபாட
கூவிக் குயில் அழைக்க
பூக்கள் சோம்பல் முறிக்க
காலை நடை துவக்கம்.
சுப்ரபாதமும் சினிமாப் பாடலும்
சத்தமாய் அலறிய தள்ளுவண்டிகள்
காயும் பூவும் கட்டவிழ்த்து
கடவுளை வேண்டும் வியாபாரிகள்
'coffee mane'க்கள் க்யூவில்
கால்கடுக்க  காப்பி பிரியர்கள்
கைப்பேசியில் கட்டளை இட்டபடி
கணிணி உபாசகர்கள்
கைக் கோர்த்து நடந்தபடி
காலத்தை அசைப்போட்ட முதியோர்கள்
புகார் பல சொல்லியபடி
பொரிந்து தள்ளிய மனைவிகள்
கையும் காலும் முறுக்கியபடி
கடும் பயிற்சியில் ராம்தேவ் பாபாக்கள்
காலைக் கடன் முடிக்க
எசமனை இழுத்த செல்லக் குட்டிகள்
வாசல்கள் எல்லாம் வழியடைத்த
வால் சுருட்டிய  வாண்டுகள்
வாயைப் பிளந்த கொட்டாவியுடன்
வாய் மூடா பொதிமூட்டையுடன்
வரப் போகும் பஸ்ஸுக்காக.
சூரியனும் சுறுசுறுப்பாக
சுற்றியது போதுமென்றெ
வேகமாய்  வீடு வந்தேன்
வீதி் உலா முடித்தபடி

அம்மா..

லிஸ்ட் படி எல்லாம் எடுத்துக்கணும்.அங்கே போய் திண்டாடக் கூடாது. கடை கண்ணிக்கு ஒரு குறைச்சலில்லை..ஆனா நேரம் எங்கே. போனவுடன் ஒரு காப்பி குடிக்கணும் . காப்பி பவுடர் ஒரு நாலு ஸ்பூன் எடுத்து வெச்சாச்சு. ஃபில்ட்டர் ஞாபகமா எடுத்துக்கணும். சக்கரை அங்கே எப்படியும் இருக்கும். வெளில கிளம்பறத்துக்கு முன்னாடி ஒரு ஸிம்ப்பிள் டிஃபன் சாப்பிடணும். வெண்பொங்கல் கூட ஒரு பருப்பு கொத்சு பண்ணிடலாம். ஒரு டம்ளர் அரிசி, பயத்தம்பருப்பு, இஞ்சி,பச்சை மிளகா, இரண்டு வெங்காயம்,தக்காளி கடுகு,ஜீரகம்,மிளகு ஒரு குட்டி பாட்டில்ல எண்ணெய், நெய் எல்லாம் மூட்டை கட்டியாச்சு. கிளம்பியாச்சு . விடியகாலம் ஊர் வந்து சேர்ந்தாச்சு. plan பண்ணினபடி ஒவ்வொரு வேலையும் சென்ஞு ரொம்ப நாளா பட்டினியா ் காத்திண்டு இருக்கும் சாமிக்கு நைவேத்தியம் பண்ணிட்டு காக்காவை கூப்பிட ஒண்ணு கூட திரும்பிப் பார்க்கலை. பழக்கமான காக்கா எல்லாம் இப்போ எங்கே போச்சு. என்னோட குரல் மறந்து போச்சா..
நான் கரைஞ்சது தான் மிச்சம் .  வாசலில் காவலுக்கு உட்கார்ந்திருந்த சுந்தரம் ஐயாவைக் கூப்பிடு டிஃபனையும் கொடுத்து அவரோட ஆஸ்தான கப்பில் காப்பி கொடுத்த போது...'எம்புட்டு நாளாச்சும்மா..அம்மாவுக்கு அப்பறம் இப்படி கூப்பிட்டு சாப்பாடு போட ஆளே இல்லாம போச்சு.அம்மா இருக்க சொல்ல இந்த கப்பில கரீட்டா நான் அருகம்புல் பறிச்சு வெக்கவும் காப்பி குடுத்துடும். அதெல்லாம் ஒரு காலமா போய்டிச்சு. இப்போ கூட இங்கே நம்ம அம்மா நடமாடற மாதிரியே இருக்கும்மா..அவர் சொல்லவும் மளுக் கென்று என் கண்ணில் நீர்..
ஆமாம்..அம்மா இல்லா அம்மா வீட்டுக்கு வருவது ..்இப்போ பழகிப் போனாலும் ..அவள் சுற்றி சுற்றி வந்த வீடு, அவள் சுவாசம் நிறைந்த வீடு,அவள் குரல் எதிரொலித்து கொண்டிருந்த வீடு,அவள் தொடாமல் ஏங்கிக் கொண்டிருந்த பாத்திரங்கள்..வாசனை பரப்பிய கருவேப்பிலை மரம் ..
 கலைக்க மனமில்லாமல் சிந்தனைகளுடன் நான்.
வருடங்கள் ஓடினாலும்...நீ விட்டு சென்ற வெற்றிடம்..

வந்திடு வந்திடு

வந்திடு வந்திடு
கலர் பார்த்து டிசைன் பார்த்து
போட்டுக்கற டிரஸுக்கு ஒத்துப் போகுமானு பார்த்து ,லைட் வெயிட்டா இருக்கானு பார்த்து , நொடிச்சுக்காம உறுதியா இருக்கானு பார்த்து..
பார்த்து பார்த்து வாங்கினியே..
உபயோகமே படுத்தாம இருக்கறதுக்கு பேசாம என்னையும் சேர்த்து உன்னோட antique collections கூட பாங்க் லாக்கரில் வெச்சுடு..
பொருமித் தள்ளியது பூஞ்சை காளான் புடிச்சுடுமேனு பவுடர் போட்டு வைக்கப்பட்ட என்னருமை குடை..
வருணா..வந்திடு வந்திடு..தானா வந்திடு..இல்லனா..

Father's day

Happy father's day
அப்பாவும் நானும்..
மோட்டார் ரிப்பேரா..
த்ண்ணீர் ஊற்றி அவர் air lock சரிபண்ண..
தண்ணீர் வருதானு மொட்டை மாடியில் நான் பார்ப்பேன்.
TV ல கோடு கோடாய் வரும்..
திருப்பிச் சரி செய்வார் ஆண்ட்டெனாவை..
இன்னும் கொஞ்சம் திருப்பு..தெளிவா இல்லையென்பேன்.
சைக்கிள் துடைத்தால்..
துணியோடும் எண்ணோயோடும்
துணையாய் இருப்பேன்..
புதிதாய் செடி வைத்தால்..
அழகாய் அவர் குழி தோண்ட
அதில் உரமும் நான் இடுவேன்.
பரணியில் சாமான் எடுத்தாலோ
படுகெட்டியாய் ஏணியைப் பிடித்திடுவேன்.
ட்யூப் லைட் மாற்றயிலே
டார்ச்சாய் நான் இருப்பேன்
இரண்டு சக்கர வாகனத்தில்
இருவரும் வலம் வந்தோம்..

அன்று கற்றது
இன்றும் கைக்கொடுக்குது.

பழுதென்றவுடன் பதறாமல்
பார்ப்போம் ஒருகையென்று
மராமத்து வேலையெல்லாம்
மகிழ்ச்சியாய் செய்வேனிங்கே

மழையும் ரசித்தோம்..
மாட்சும் ரசித்தோம்.
எதிரணி அடித்தாலோ
எகிறிடும் இவர் ரத்த அழுத்தம்
இந்தியா விளையாடையிலே
இருப்புக் கொள்ளாமல் தவிப்பு
இன்றும் அப்படியே
மழையும் இங்கே..
மாட்ச்சும் அங்கே.
எண்பதை தாண்டினாலும்
இளமை திரும்பும் இவருக்கு
இந்தியா- பாக் மாட்ச் என்றால்..

Father's day

சும்மா எதாவது அவளைச் சொல்லிண்டே இருக்காதே...
அன்று என் அப்பா..இன்று என் பெண்களின் அப்பா..
மாறவே மாட்டீங்களா ..அப்பாக்களே!!


திரையின் பின் நின்று
திறமைகளை வளர்க்கும்
நானிருக்கேன்டா என்று
நல்லூக்கம் நாளும் தரும்
அடக்கி வாசித்தாலும்
ஆட்சி புரிபவர் என்றும்
தந்தை எனும் மந்திரம்
தடைகளைச் தாண்டச் சொல்லும்
வாழ்த்துக்கள் ..
இந்நாளுக்கு மட்டுமல்ல்
நீ வாழும் வரைக்கும்..
நீ வாழ்ந்த பின்னரும்..

ஜீவனானது ..இசை நாதமென்பது

ஜீவனானது ..இசை நாதமென்பது
ஜீவனானது ..இசை நாதமென்பது

தலையணைக் கடியில் இருக்கும் அலாரம்..'சக்தி கொடு ..இறைவா..இறைவா ' என்று எனை எழுப்பும். டிகாக்‌ஷன் இறங்கி என் தூக்கமும் இறக்க 'குறையொன்றுமில்லை..மறை மூர்த்தி கண்ணா' என்று எம் எஸ் அம்மா எனக்கு தெம்பூட்டுவாள்.
.என் சமையலறையில் உப்பும் சக்கரையோடு..ஒரு சின்ன music player உண்டு. கடவுள் எல்லாரும் காலையில் இசையாய் வலம் வருவர்.
பண்பலை வரிசைகள் இங்கே பல. அலைவரிசை மாற்றுவேன் என் மன ஓட்டத்திற்கேற்றபடி..
இசை இல்லையேல் நம் இயக்கம் எப்படி இருந்திருக்கும்?
ஜீவனானது இசை நாதமென்பது..முடிவில்லாதது..என்ன ஒரு அருமையான வரிகள்..
இசையோடு இணைவோம்..இன்னல் மறப்போம்..இனிமையாய் வாழ்வை அமைத்துக் கொள்வோம்.
இசையில் யாகம் வளர்த்து ..வாழ்க்கையை நமக்கு கிடைத்த யோகமாய் மாற்றிய இசை ஜாம்பவாஙள் பலர் இங்கே
எனக்கு பிடித்த ராஜா சார் பாடல்..இதோ..கேட்டு மகிழுங்கள்
தலையணைக் கடியில் இருக்கும் அலாரம்..'சக்தி கொடு ..இறைவா..இறைவா ' என்று எனை எழுப்பும். டிகாக்‌ஷன் இறங்கி என் தூக்கமும் இறக்க 'குறையொன்றுமில்லை..மறை மூர்த்தி கண்ணா' என்று எம் எஸ் அம்மா எனக்கு தெம்பூட்டுவாள்.
.என் சமையலறையில் உப்பும் சக்கரையோடு..ஒரு சின்ன music player உண்டு. கடவுள் எல்லாரும் காலையில் இசையாய் வலம் வருவர்.
பண்பலை வரிசைகள் இங்கே பல. அலைவரிசை மாற்றுவேன் என் மன ஓட்டத்திற்கேற்றபடி..
இசை இல்லையேல் நம் இயக்கம் எப்படி இருந்திருக்கும்?
ஜீவனானது இசை நாதமென்பது..முடிவில்லாதது..என்ன ஒரு அருமையான வரிகள்..
இசையோடு இணைவோம்..இன்னல் மறப்போம்..இனிமையாய் வாழ்வை அமைத்துக் கொள்வோம்.
இசையில் யாகம் வளர்த்து ..வாழ்க்கையை நமக்கு கிடைத்த யோகமாய் மாற்றிய இசை ஜாம்பவாஙள் பலர் இங்கே
எனக்கு பிடித்த ராஜா சார் பாடல்..இதோ..கேட்டு மகிழுங்கள்

Swacch bharath

swachh bharath
வாசல் விட்டு இறங்கியதும்
வரவேற்கும் ..
வாரி அள்ளப்படாத குப்பைகள்
கண்ணும் முக்கும் மூடி
கடப்போம் கண்டு கொள்ளாமல்.
காரிலிருந்து வீசி எறிவார்..
காரிருளில் வந்து வீசுவார்..
காய்கறிக் காரம்மாவும் வீசுவார்.
குப்பை மேடு கோபுரமாகும்
கொஞ்சிக் குலாவும் நாயுமங்கே.
பக்கத்தில் பானி பூரிக்கடை
பறக்கும் ஈயும் கொசுவும்.
பிழிந்த பழங்களும் தோலுமங்கே
பசியாற்றுமே பல உயிருக்கங்கே
எட்டிப் பார்ப்பாரே எலியாரும்
என் பங்கு எங்கேயென்றே..
பச்சை சிவப்பு டப்பாவென்றே
பிரிக்கச் சொல்லி சட்டம்
நேரம் ஏது இத்ற்கென்றே
நியதிகள் உடையும் சாபம்.
garden city அன்று
garbage city அல்லவோ இன்று.
swachh bharath திட்டமெல்லாம்
சரிப் படாது நமக்கென்று
சுத்தமா என் வீடிருக்க..
சுத்தி எப்படி இருந்தாலென்னெ?
நாடும் வீடும் ஒன்றென்ற
நல்ல சிந்தனை பிறக்கணுமே
நானென்ன செய்ய முடியுமென்று
நாமும் தப்பித்து ஓடாமல்..
நம்மால் முடிந்ததை செய்வோமென்று
நல்ல நினைவும் செய்கையுமே
நல்ல் பாதை காட்டிடுமே

போதனை

போதனை..

ஈஸிச்சேரில் படுத்தபடி மோட்டுவளையை பார்த்துண்டே அப்படி என்ன யோசனைப்பா உங்களுக்கு? கேட்டபடி வந்தான் கிட்டு. லாப்ட்டாப் பையை பவ்யமா வைத்தபடி ,'சொல்லுங்கோப்பா ..
இன்னிக்கு பொழுது எப்படி போச்சு. வாக்கிங் போனேளா? புஸ்தகம் படிச்சேளா? கொஞ்ச நேரமாவது Casio வாசிச்சேளா?அந்த பழைய பாட்டோட ஸ்வரம் printout எடுத்துக் கொடுத்தேனே..பழகினேளா..ஈஸியா இருந்ததா? வயிறு எதுவும் தொல்லையில்லையே? மாத்திரை ஒழுங்கா போட்டுண்டேளா?
அடுக்கிக் கொண்டே போனான்..அந்தப் பக்கத்திலேர்ந்து பதிலே இல்லை.. என்னப்பா..என்னதான் ஆச்சு.. சொன்னாதானே தெரியும்..பொறுமை எல்லை மீறும் வேளையில் வாய் திறந்தார் அப்பா..' எனக்கு எதுக்கும் இன்னிக்கு மூட் இல்ல' ஒரே வரியில் கிட்டுவின் வாய் அடைத்தார்.
ஒரு வாரமா இதே கதை தான். 'அப்பா என்னாச்சு உங்களுக்கு..உன்னை வுட பெரிப்பா எத்தனை பெரியவர் . ஸ்டிக் வெச்சுண்டு எல்லா எடத்துக்கும் தானே போய்ட்டு வரார். அத்தைய பாரு..எல்லா வீட்டு வேலையும் தானே செய்யறா..கீழாத்து மாமா ..மாமிக்கு எல்லா வேலையும் அவர் தான் செஞ்சு தரார். இப்படியே ஈஸி சேரில் உட்கார்ந்தா நீ டல்லா தான் இருப்பே..you should make an effort to move from the comfort zone. அப்ப்போ இந்த வேண்டாத சிந்தனையெல்லாம் வரவே வராது'. பிரசங்கம் பண்ணி முடிச்சு ஆபீஸ் வேலையைத் தொடர உள்ளே போனான் கிட்டு. 'எனக்கும் வயசாகறது டா..முன்னாடி மாதிரி ஒரு தைரியம் இல்ல' ..தொண்டைக் குழியில் நின்றது வார்த்தைகள் ..தொடர்ந்தது அவர் மோட்டுவளைப் பயணம்..அதில் தெரிந்தது ் flash back . 'கண்ணா..ராஜா..பக்கத்தாத்து ராமுவைப் பாருடா..எப்பவுமே அவன் தான் ஸ்கூல் ஃபர்ஸ்ட். அதோ ..அந்த முக்கு வீட்டுல முனிசிபல் ஆபீஸர் பைய்யன் என்னமா பாடறான்..படிப்பிலயும் கெட்டியாம் அவன். அதெல்லாம் வுடு உன் அண்ணாவைப் பாரு ஆத்து வேலையிலும் கூட மாட ஒத்தாசை பண்ணிண்டு எல்லா பொறுப்பையும் எடுத்துக்கறான் பாரு' .. சுகவாசியா இப்படியே இருக்க முடியாதுடா..'.. black and white  படம் ஓட..கூடவே திரண்டு வந்தது அவர் கண்ணில் நீரும்.
நடத்திய பாடங்கள் ..நமக்கே திருப்பி வருதோ..இனிமே..no மோட்டுவளை..
வேகமாக ஈஸிச் சேரை மடித்தபடி..மருமகளுக்கு குரல் கொடுத்தார்..'அம்மா..பக்கத்து கடையில் என்னமோ வாங்கணும்னு சொன்னியே..நான் போய் வாங்கிண்டு வரேன்'. விறு விறு நடையில் நடையில் அவர் செல்ல..வாயைப் பிளந்து ஆச்சரியத்தில் ' என்னண்ணா..இங்கே வாங்கோளேன் சீக்கிரம்'..அவள் குரல் .

நானென்றால்..அது இவர்களும்..நானும்..

நானென்றால்..அது
இவர்களும்..நானும்..

புகைப்படக் குவியலகள்
புகை மூட்டத்தில் ..
பின்னோக்கிய வருடங்கள்

மடியில் தாலாட்டியபடி
மார்பில் அணைத்தபடி..

சாதம் ஊட்டியபடி
சாய்ந்தாடம்மா ஆடியபடி

முதுகி லேற்றியபடி
மூலையில் ஒளிந்தபடி..

கை கோர்த்தபடி
காலைப் பிடித்தபடி..

அலங்காரம் செய்தபடி
ஆடிப் பாடியபடி.

பின்னால் ஓடியபடி..
பிரிவை அறியாதபடி..

காலம் சுழலும்..

கழுத்தைக் கட்டியபடி கேட்டாள்
' நானாம்மா ..இது என்றே'
நானும் சொன்னேன்..
'நாம் தான் இதுவென்றே'

மேல் படிப்பு

our dear Madhu
you are very samaththu
மேலே மேலே படித்து
 may your dream come truevu
வெளியுலகம் நிறைய சுத்து
பெட்டி நிறைய சேரு சொத்து
this is a small vaazththu
to wish u all the beshttu

அரிசி மாவு

அரிசி மாவு..
முறுக்கினால் முறுக்கு
பிழிந்தால் தேன்குழல்
தட்டினால் தட்டை
உருட்டினால் சீடை..
கடலை மாவு கலந்தாலோ
கிடைக்குமே பலசுவை.

அளவென்பது அதிமுக்கியம்
அமைந்தால்..அது அதிர்ஷ்டம்.

வாயில் போட்டதும்...
வெண்ணெயாய் கரையும்..
கல்லாய்ப் போகும்.. நம்
பல்லும் பதம் பார்க்கும்.
உப்பும் உறைக்கும்..சிலசமயம்
சப்பென்று போகும்.

சூடான எண்ணெயில்
சிக்கித் தவித்தாலும்
வென்று வெளிவருமே
சுவைமிகு பதார்த்தமாய்..

மூலப் பொருள் ஒன்றேதான்..
முகம் பல காட்டும் மாவுமிங்கே..

வாழ்க்கைத் தத்துவம் இதுதானோ?
வெறும் மாவாய் இருந்திடல் வீணன்றோ?

ஆடிப் பெருக்கு

அடடே..பொழுது விடியப் போகுது..எல்லாரும் வர ஆரம்பிச்சுடுவாங்களே..எல்லாப் பக்கம்மும் சுத்தமா இருக்கா...ஒரு வருசம் ஓடிப் போச்சு...
அட..யாரது அங்கனே..புதுப் பவுனு பளபளனு..நம்ம பொன்னாத்தாவா..ஆளே அடையாளம் தெரியாமா பெருத்து கிடக்காளே..
அதோ அவ கூட யாரு...செவந்தியா.. கூட யாரு..புது மாப்பிள்ள.. சரி சரி..தாலி பிரிச்சு கட்ட வந்திருக்காக போல இருக்கு..என் கால்ல விழுந்து கும்பிட்டப்போ..அடுத்த வருசம்..கையில் ஒண்ணு கூட கூட்டியானேன்..வெக்கபட்டு போச்சு... அதுக்குள்ள ஒரு பரிச்சயமான குரல்..என்ன ஆத்தா..என்னை மறந்துட்டியா..போன தபா வர முடியாம போச்சு..உடம்புக்கு முடியாம கிடந்தேன்..இந்த தடம் எப்படியும் உன்னை பார்த்தே ஆவணும்னு புள்ளைய கூட்டிகிட்டு வந்தேன் ஆத்தா..அடுத்த முறை இந்த கட்டை இருக்குமோ..இருக்காதோ..புலம்பியபடி நாச்சியம்மை..எல்லாம் நல்லா இருப்பே போ..சீக்கிரம் மவனுக்கு ஒரு கால் கட்டு போடு...ராசா..கால்ல விழுந்து கும்பிட்டுக்கப்பா...
அங்கிட்டும் இங்கிட்டும் குழந்தங்கள  ஓட.. துரத்தியபடி மாடசாமி.. .. . எலேய்..நில்லுங்கடா...கூட்டத்தில எங்கினாச்சும் தொலஞ்சு போயிறப்போறீக...அத்தை ,மாமா எங்கேடா..சாமி கும்பிட்டு ..பொறவு..கொண்டு வந்த சோத்தை தின்னுட்டு..ஊரப் பாக்க போவனுமப்பா..சோலி இருக்கில்ல..
எப்பவுமே இவனுக்கு அவசரந்தான்.. இருப்பா..ஒரு நா..கொஞ்சம் என் கூட இருந்திட்டு போயேன் ...நான் சொல்வதை காதில் வாங்கவே இல்ல..
இந்த செம்பகம் புள்ளை எங்கே காணும்னு்...நினைச்ச நேரம் ...ஆத்தா...உன்னை பார்க்க வராம இருப்பேனா..இப்பொ அப்பாவுக்கு வேற ஊர்க்கு மாத்தலாகிடுச்சு..அழுது பொரண்டு உன்ன பாக்கனும்னு கூட்டியாந்தேன்..எத்தனை ஆசை..ராசாத்தி..நல்லா இருப்பே..
ஈ எறும்பு க்கு கூட இடமில்லாம கூட்டம்..
வெளக்கு வச்சு..பூ,தாம்பூலம் ,கலந்த சோறு எல்லாம் வச்சு படயலாச்சு..
. சனம் பூரா ஒத்துமையா..வந்துட்டு போறத பார்க்க ..இன்னொரு நாள் இருந்துட்டு போமாட்டாங்களானு ஏக்கமாச்சு..
பொழுது சாய ஆரம்பிக்க... அவுங்கவுங்க..ஊருக்கு பஸ் ஏறி..புறபட்டாச்சு..
ஒரே வெறிச்சோடி போச்சு..
என்னை சுத்தி இப்பொ இருக்கறது...இவுக எல்லாம் விட்டறிஞ்சிட்டு போன ...குப்பை தான்
எம்புட்டு சுத்தமா காலைல  இருந்த இந்த இடம்..
கும்பிடத்தானே வந்தீக..
என்னை..இப்படி
குப்பை மேடாக்கிட்டு போக ..
எப்படி மனசு வந்துச்சு..
குமுறலில்..
காவிரித்தாய்...

படம்

இரை கிடைத்தப் பறவையொன்று
இருக்கைத் தேடி அலையுதோ?
பரபரக்கும் சாலை ஓரம்
புல்வெளி யொன்று கிடைத்ததோ..?
பிடித்த இரை கவ்வியபடி
பதறி நீ நடந்ததையே
வேடிக்கைப் பார்த்த எனக்கு
வேகம் உனது பிடித்ததே..
படம் பிடித்து வைத்தேனே..
பற்றி நீ நடந்த அழகையுமே..