இசைப் புயல் ரஹ்மான்

Azeem o shaan shehanshah

ரஹ்மான் வாழ்கவே..

சின்ன சின்ன ஆசைக்காட்டி

சிறை பிடித்தாய் உள்ளத்தை
உன் இசையின் ஈர்ப்பினிலே
உலகம் ஒன்றா னதிங்கே..

ஆஸ்கார் மேடையிலும்’

அமைதியே உருவாக
அடக்கத்தின் சிகரமாய்

எல்லாப் புகழும்

என் இறைவனுகென்று

தாய் மண்ணைத்

தலை நிமிரச் செய்த

தவப் புதல்வன் நீ…

 

சின்னக் குழந்தைக்கு

சிக்கு புக்கு ரயிலு…

 வெள்ளைப் பூக்கள் மலர

விசையானது உன் னிசை..

ஒரு தெய்வம் தந்த

தங்கப் பூ நீ..

முஸ்தஃபா முஸ்தஃபா

முணு முணுக்கும்

மூன்று தலைமுறையும்…

Take it easy policy

தாரக மந்திர மாச்சிங்கே…

பேட்டை rap பாடியது

மேட்டுக் குடியு மிங்கே..

ஆத்தங்கரை மரமும்
Ale ale பாடுமிங்கே..

மெட்டுப் பல போட்டு

மயிலி றகாய் வருடினாயே..

என்றென்றும் புன்னகையோடு

ஏற்றமுடன் நீ வாழ

என்றும் அவனருள் வேண்டும்

ஏராள ரசிகர் கூட்டம்..

ஆயிரத்தி லொரு வருவன் நீ

ஆண்டவன் அனுப்பிய

அல்லா ராக்கா ரஹ்மான் நீ

நீடூழி வாழ்க

நீடூழி வாழ்க..

அன்புடன் வாழ்த்தும்

அகிலா

(6-01-2016)

 

பிறந்த நாள் வாழ்த்து

 

friend request ஒன்று

forever பந்தம் ஆனது...

வலையிலே வந்த நட்பு

 வளர்ந்து நீண்டு

 வலம் வரும் நட்பு

 

முகம் கண்டு வாராத

 அக வழி வந்த

 அருமையான நட்பு.

 

என்ன சமையல்

 என்று துவங்கி

 ஏராளமாய்ப் பகிர்தல்கள்.

 

இரண்டாண்டு ஒடியது

 இறுகியது எம் நட்பு.

 

தேர்ந்தெடுத்து வார்த்தைகள்

 தேனாய்ப் பேசுவள் இவள்

 குயிலும் குறுகிப் போகும்

 தையலிவள் குரலினிமையில்

 பாங்குடன் பணி செய்வள்

 பாசத்தை அள்ளி வீசுவள்..

புன்னகைக்கு அரசியிவள்

 கன்னமிடுவள் உள்ளத்தை

 குடும்பத்தின் வேரிவள்

 வடம்பிடித்து  வழினடத்துவள்.

 

நாளும் ஒன்று வந்தது

 நானும் அவளைக் காண...

 காந்தக் கண்களும்

 சாந்த பாவமும்

 பாந்தமாய் அலங்காரமும்

 பளிச்சென்ற புன்முறுவலும்

 பரந்த மனமும் கொண்ட

 புத்தனின் பாதை செல்லும்

 பூலோக தேவதையிவளோ

 

அவள் வீட்டிலே வீசும்

 அன்பின் அரும் வாசம்

 ரீங்காரமிடும் இன்றும்

 அந்த முதல் சந்திப்பு.

 

காலங்கள் கடந்திடுனும்

 குறையாத நம் நட்பு.

 

பிடி அவல் தந்து

பீடிலிருந்து மீட்டான்

குசலனைக் கண்ணனுமே

பிடிப்பும் துடிப்பு

பிடி என்று நீதந்தாய்

புத்த நெறி வழிகாட்டி..

 

பிறந்த நாள் இன்று காணும்

 பிரிய தோழி புவனா உனக்கு

 பெரிதாய் என்ன தருவேன்...?

வரிகள் வழினடத்த

 வாழ்த்துக்கள் ஒன்றைத் தவிர..

 

உலகிலுள்ள இன்ப மெலாம்

 உன் வாசல் வந்தடைய

 உள்ளத்து வேண்டுதலிது

 உள்ளத்து வேண்டுதலிது..

 என்றென்றும் அன்புடன்

 அகிலா

 

புத்தாண்டுப் ப்ராத்தனை

இறை வணக்கம்

 தேடி யெங்கும்   அலையத் தேவையில்லை  

தெரு முனையிலும்  அழகாய் அமர்ந்தே
வரு வினைகள்  களையும் -அத்தும்பிக்கை
 நாதன்  தாள்  போற்றி.

 அண்டமது எதுவென்று அண்ணன் விளம்ப  

கொண்ட  கோபமது  தான் காட்ட
ஆண்டிக்  கோலமது  பூண்ட -பழனி
ஆண்டான் தாள் போற்றி.

 மான்  விழியாள்  மனம் நிறைக்க

மின்னும் மானைத் துரத்தி ஓடி
மாய  வலையில்  சிக்கிய  - சீதாராம
பிரான் தாள் போற்றி.

 இலக்குவன்  இன்னுயிர்  தனைக் காக்க

இலையது  எது வென்றே  தேடித்தேடி

இலகுவாய்  இமயத்தை  இடம்பெயர்த்த -ராமபக்த

ஹனுமான் தாள் போற்றி.

போற்றிப் பாடினேன் புது வருடம் பிறக்கையிலே

சிறப்பொடும் சீரோடும் எம் வாழ்வு மலர்ந்திடவே

அறமும் அன்பும் அண்ட மெல்லாம் நிறைந்திடவே

அள்ளித் தாரும் உம் அருளை  

 

எப்போ வரும் என் முறை..!!!!

எப்போ வரும் என் முறை..!!!!

 

இந்தியக் குடிமகன் நானென்றே

இறுமாப்புட னிங்கு சொல்லிடவே

காகித மொன்று வேண்டுமடா

ஆதார அட்டையென்றே அழைப்பாரடா..

 

அரசிட்ட ஆணைக் கிணங்கி

ஆவணங்கள் அடுக்கிச் சென்று

அரசு அலுவலக வாயிலினே

ஆவலாய்க் காத்துக் கிடந்தேன்

அடியேன் முறையுன் தான்

அடுத்தாவது வருமோ என்றே..

 

அசதியுடன் ஒர் கூட்டம்

அடங்காமல் நின்ற நேரம்

அங்கேயும்  வந்தாரே  அழகாய்

காவியங்கி கட்டைச் செருப்பொடு

சேவித்த கரங் கொண்டு

செக்கச் சிவந்த சாமியாரும்..

 

 கால்கடுக்க நின்ற கூட்டமதை

கடுகளவும் மதிக்க வில்லை

கடவுளைக் கண்டது போல்

கைக்கூப்பி காலில் விழுந்து

கடுகடு கண்காணிப் பதிகாரியும்

காவலாய் கூட செல்ல

கச்சிதமாய் நடந்ததுவே வேலை

கை நொடிக்கும் வேளையிலே.

 

கடைசியாய் வந்த அவருக்கோ

கும்பத்துடன் பூரண வரவேற்பு

குடிமகன் நானுந்தானே

குழப்பமாய் இருக்குதடா..

 

காவியுடை யொன்று போதுமா

காரியங்கள் கை கூடிடவே

கேலியாய் சொல்ல வில்லை

வலியில் இங்கே விளம்புகிறேன்

வரிசையில் காத்தி ருக்கேனே

வருமெப்போ என் முறையென்று…!!!..

 

 

 

 

மேகத்தின் தாகம்

மேகத்தின் தாகம்

எத்தனை அழகு இந்த பூமி

எட்டி மேலிருந்து பார்க்கையிலே

ஏக்க மொன்று தோன்றுதே

எப்பொ கீழே போவொமென்றே

வானை எட்டும் தென்னையும்

வளைந்து ஓடும் ஆறுகளும்

வண்ணஞ் சிந்தும் வனங்களும்

வாசந் தரும் பூக்களும்

துள்ளி யோடும் மான்களும்

தாவித் திரியும் வண்டுகளும்

துவண்டே போகா கடலலையும்

தரையில் விரிந்த பசும்புல்லும்

தள்ளி நின்று பார்க்கையிலே

தவிப்பு மாகுதே மனமிங்கே

எட்டா உயரத்தில் நானிங்கே

தொட்டுப் பார்க்க ஏங்குவனே

அதனால் தானோ அலைகின்றேன்

அடைமழையாய்க் கண்ணீர் சிந்துகிறேன்

ஆண்டவன் அவனை வேண்டுவேனே

அடுத்த பிறவி உண்டு எனில்

மண்ணில் மைந்தனாய்ப் பிறப்பதற்கே

அதுவரை கொஞ்சம் பொறுத்திடுங்க

அன்னை இயற்கையை காத்திடுங்க..

அன்பாய் ஒரு வேண்டுகோளும்

அவனி மாந்தர்க்கு விடுப்பேனே..

கவிதை எனக்கு …..??????????????????

கவிதை எனக்கு …..??????????????????

கவிதை எனக்கு..என்ன வென்று

கணக்காய் தெரியா தெனக்கிங்கு....

கவிதை எனக்கு சுகமா?-

இதமே என்றும் தருவதனால்..

கவிதை எனக்கு சவாலா?

களமின்றி ஓர் யுத்தம் நடப்பதனால்…

கவிதை எனக்கு தோழனா?

கைக் கோர்த்து  என்னோடு  நடப்பதனால்

கவிதை எனக்கு துணையா?

தனிமையில் தோளும் கொடுப்பதனால்..

கவிதை எனக்கு காதலா?

தன்னிச்சையாய் வந்து  ஒட்டியதால்.

கவிதை எனக்கு ஆறுதலா?

இறகாய் என்னை வருடுவதால்...

கவிதை எனக்கு தத்துவமா?

பிதற்றலாய்  என்றும் இருப்பதனால்..

கவிதை எனக்கு கனவா?

கைக்கு எட்டாமலே போய்விடுவதனால்.

உறவென்று  சொல்லி  உருகலையே

வரமென்று  சொல்லி வாட்டலையே

எனக்குள்ளே  இருக்கும்  ஒளியை

என்ன  உறவென்றே  அழைப்பேன்….?

அழகோ அழுகையோ

அருமையோ பெருமையோ

சோகமோ  கோபமோ

நிழலாய்  தொடரும்

 நினைவாய்        இனிக்கும்

சுகமது பலதரும்…

 உள்ளத்தின் உள்ளிருந்து

உணர்வினிலே கலந்திங்கே

ஒன்றாய் என்னுள்ளே

ஒற்றிப் பிணைந்த உனை

உறவென்ன சொல்லி அழைப்பேன்?

விருத்தமுண்டு.. வெண்பா வுண்டு

வித விதமாய்  இலக்கண முண்டு

வித்தை  எனக்கு  எப்போ  வரும்..

வருத்த மொன்று என்று முண்டு

மருந்தளவும் அறியெனே

மரபு என்ன வென்று-

மறந்தும் எழுதலையே

முறையாய் ஒரு நற்கவிதை…

எனக்கு நீ என்னவென்று

எண்ணி எண்ணி வியக்கிறேன்…

.

வட்டத்துக்குள்  சிக்காத வண்ணக்கிளி

வாட்டம் போக்கும் சொந்தக் கிளி-

விட்டுப் போகாதே என்னை

வேண்டுதலும் இதுதானே..