Sunday, June 18, 2017

அப்பாவும் நானும்..

அப்பாவும் நானும்..
மோட்டார் ரிப்பேரா..
த்ண்ணீர் ஊற்றி அவர் air lock சரிபண்ண..
தண்ணீர் வருதானு மொட்டை மாடியில் நான் பார்ப்பேன்.
TV ல கோடு கோடாய் வரும்..
திருப்பிச் சரி செய்வார் ஆண்ட்டெனாவை..
இன்னும் கொஞ்சம் திருப்பு..தெளிவா இல்லையென்பேன்.
சைக்கிள் துடைத்தால்..
துணியோடும் எண்ணோயோடும்
துணையாய் இருப்பேன்..
புதிதாய் செடி வைத்தால்..
அழகாய் அவர் குழி தோண்ட
அதில் உரமும் நான் இடுவேன்.
பரணியில் சாமான் எடுத்தாலோ
படுகெட்டியாய் ஏணியைப் பிடித்திடுவேன்.
ட்யூப் லைட் மாற்றயிலே
டார்ச்சாய் நான் இருப்பேன்
இரண்டு சக்கர வாகனத்தில்
இருவரும் வலம் வந்தோம்..

அன்று கற்றது
இன்றும் கைக்கொடுக்குது.

பழுதென்றவுடன் பதறாமல்
பார்ப்போம் ஒருகையென்று
மராமத்து வேலையெல்லாம்
மகிழ்ச்சியாய் செய்வேனிங்கே

மழையும் ரசித்தோம்..
மாட்சும் ரசித்தோம்.
எதிரணி அடித்தாலோ
எகிறிடும் இவர் ரத்த அழுத்தம்
இந்தியா விளையாடையிலே
இருப்புக் கொள்ளாமல் தவிப்பு
இன்றும் அப்படியே
மழையும் இங்கே..
மாட்ச்சும் அங்கே.
எண்பதை தாண்டினாலும்
இளமை திரும்பும் இவருக்கு
இந்தியா- பாக் மாட்ச் என்றால்..

Happy father's day

சும்மா எதாவது அவளைச் சொல்லிண்டே இருக்காதே...
அன்று என் அப்பா..இன்று என் பெண்களின் அப்பா..
மாறவே மாட்டீங்களா ..அப்பாக்களே!!


திரையின் பின் நின்று
திறமைகளை வளர்க்கும்
நானிருக்கேன்டா என்று
நல்லூக்கம் நாளும் தரும்
அடக்கி வாசித்தாலும்
ஆட்சி புரிபவர் என்றும்
தந்தை எனும் மந்திரம்
தடைகளைச் தாண்டச் சொல்லும்
வாழ்த்துக்கள் ..
இந்நாளுக்கு மட்டுமல்ல்
நீ வாழும் வரைக்கும்..
நீ வாழ்ந்த பின்னரும்..

Happy father's day

Friday, June 16, 2017

பூபாளம்...இசைக்கும்..

பூபாளம்...இசைக்கும்..

இளங் காற்று  இசைபாட
கூவிக் குயில் அழைக்க
பூக்கள் சோம்பல் முறிக்க
காலை நடை துவக்கம்.
சுப்ரபாதமும் சினிமாப் பாடலும்
சத்தமாய் அலறிய தள்ளுவண்டிகள்
காயும் பூவும் கட்டவிழ்த்து
கடவுளை வேண்டும் வியாபாரிகள்
'coffee mane'க்கள் க்யூவில்
கால்கடுக்க  காப்பி பிரியர்கள்
கைப்பேசியில் கட்டளை இட்டபடி
கணிணி உபாசகர்கள்
கைக் கோர்த்து நடந்தபடி
காலத்தை அசைப்போட்ட முதியோர்கள்
புகார் பல சொல்லியபடி
பொரிந்து தள்ளிய மனைவிகள்
கையும் காலும் முறுக்கியபடி
கடும் பயிற்சியில் ராம்தேவ் பாபாக்கள்
காலைக் கடன் முடிக்க
எசமனை இழுத்த செல்லக் குட்டிகள்
வாசல்கள் எல்லாம் வழியடைத்த
வால் சுருட்டிய  வாண்டுகள்
வாயைப் பிளந்த கொட்டாவியுடன்
வாய் மூடா பொதிமூட்டையுடன்
வரப் போகும் பஸ்ஸுக்காக.
சூரியனும் சுறுசுறுப்பாக
சுற்றியது போதுமென்றெ
வேகமாய்  வீடு வந்தேன்
வீதி் உலா முடித்தபடி

என் வீட்டுத் தோட்டத்தி

என் வீட்டுத் தோட்டத்தின்...

வருட மொரு விடுமுறை வரும்
விடாமல் செல்லும் அம்மா இடம்.
வளர்ச்சிப் பாதையில் ஊர் செல்ல
வாயைப் பிளந்து நான் பார்ப்பேன்.

மாறிப் போச்சே ஊர் என்றே
மலைப்பும் மகிழ்ச்சியும் தான் கூடும்.
அடிக்கொரு கடையென களை கட்டி
அணிவகுத்த பல மாடிக் கட்டிடங்கள்
நகையும் ஜவுளியும் நடக்கும் தொலைவில்
நள பாகமெல்லாம் செயலி வழியில்.

அல்லாடிய நாட்கள் இப்போ இல்லை
இல்லை என்பதெ இங்கு எதுவுமில்லை.
பாலைவனமாய் இருந்த இடம்..
பளபளப்பாய் இப்போ மாறிப்போச்சே.

வரவு அறிந்து வந்தார் பலர்.
'ஆளே மாறிட்டே' என் கண்ணே
அழுத்தி தலையை வார லையோ
அம்புட்டு முடியும் கொட்டிப் போச்சேனு
ஆதரவாய் என் தலை தடவி
அன்பில் அணைத்தாள் அம்மாவின் வலக்கரம்.

தோட்டத்தை சுற்றி வந்தேன்
தோண்டிய பல நினைவோடு..
புயலும் மழையும் வந்தாலும்
பூமியும்  காய்ந்தே போனாலும்
மாறாதது என்றும் ஒன்றுண்டு
மண்ணின் வாசத்துடன் என்வீடு
அதில்.
மலரத் தயாரான மல்லிமொட்டு.

Wednesday, June 14, 2017

ஒடும் மேகங்களே.ஒரு சொல் கேளீரோ

பஞ்சு பஞ்சாய் மேகங்கள்
பரபரப்பாய் ஓட்டமெங்கே
பருவ மழை பெய்யுமெப்போ
பாவி சனமும் வாடுதிங்கே..

கூடிக் கூடி கும்மியடித்து
கொட்டாமல் கலையும் கர்வமென்ன
மாநாடு கள் போதும்
மசோதாக்கள் போதும்
நிறைவேறட்டும் தீர்மானம்
நிறையட்டும் குளமும் ஏரியும்
வருத்தியது போதும் வருணா
வரம் தா நீயும்
வான்மழை பொழிந்திடவே
வையகம் உயிர் பெறவே..

Friday, June 2, 2017

Happy birthday ilayaraja sir

டூயட்டோ..
 டப்பாங்குத்தோ..
rock ம்யூஸிக்கோ
ராக ஆலாபனையோ
பக்திப் பாடலோ
பாப் பாடலோ
நாட்டுப்புறப் பாட்டோ

மழைப் பாட்டோ
குயில் பாட்டோ
தாலாட்டுப் பாட்டோ
துள்ளல் பாட்டோ
சோகப் பாட்டோ
சுகப் பாட்டோ

சொக்க வைக்கும்
சொல்லி லடங்கா
சொர்க்கம் என்றும்
செவிக் குணவு
பிணிக்கு மருந்து
தனிமைக்கு தோழமை
தனித்துவம் என்றும்
ஞானி உனது இசைதானே









எழுதுகிறேன் ஒரு கடிதம்

அன்புள்ள பவித்ரா அக்காவுக்கு
ஷேமம்.ஷேமத்திற்கு பதில். அம்மா என் பக்கத்திலே உட்கார்ந்து சொல்ல சொல்ல எழுதறேன்.அங்கு உன்னோட ஆபீஸ் வேலையெல்லாம் எப்படி இருக்கு? நீ கிளம்பினதும் வீடே வெறிச்சுனு போச்சு. குழந்தை ராத்திரி பூரா அழுதா..உன்னைத் தேடிண்டே இருந்தா. இப்பொ நாலு நாளா அழுகை கொஞ்சம் குறைஞ்சுருக்கு. அம்மாவோடயும் என்னோடயும்  பழகிட்டா. பவுடர் பால் கொஞ்சம் கொஞ்சமா குடிக்கிறா. உன்னை பத்தி தான் நினைப்பு அம்மாக்கு எப்போதும்.
உடம்பை ஒழுங்கா பார்த்துக்கோ. பளுவான வேலையெல்லாம் செய்யாம இருக்கச் சொன்னா..இன்னும் நீ பச்சை உடம்புக்காரிதான். இப்போ சரியா கவனிச்சுக்கலைனா பின்னாடி ரொம்பா வீக்காகிடுவேனு அம்மாக்கு கவலை.
அப்பா வார்த்தை க்கு வார்த்தை உன்னையே சொல்லிண்டு இருக்கா. குழந்தையப் பத்தி கவலைப் படாதே..இப்போ கூட இங்கேதான் என் மடியில் படுத்துண்டு தூங்கறா. உன் உடம்பைப் பார்த்துக்கோ.அத்திம்பேரைக் கேட்டதா சொல்லு.அடுத்த லீவு உனக்கு எப்போ?
அம்மா இப்போ எழுந்து போயாச்சு.
அக்கா..உனக்கு கண்டிப்பா ஞாபகம் இருக்கும்.அடுத்த வாரம் புதன்கிழமை க்குள்ள ஃபீஸ் கட்டணும்.இல்லனா பரீட்சை எழுத விடமாட்டா. இந்த லெட்டரை தந்தி போல பாவித்து மணியார்டர் அனுப்பிடுக்கா..போன வருஷத்துக்கு முந்தின வருஷம் வாங்கின இங்க் பேனா.ரொம்ப இங்க் கொட்டறது. அதுக்கும் சேர்த்து ஒரு அஞ்சு ரூபா அனுப்ப முடியுமாக்கா..
இங்கே எல்லாரும் செளக்கியம். குழந்தை சமத்தா இருக்கே. கவலைப்படாதே.
இப்படிக்கு
அன்புத் தங்கை
சந்திரா

ரிசல்ட்டுக்கு நேரமாச்சு


ரிசல்ட்டுக்கு நேரமாச்சு

முடிவு வருமுன்னே
மூச்சடைத்து போகும்
தேர்வோ..வாழ்வோ
தேறுவது நம்மிடமில்லை.

சுற்றித் திரிந்த சிட்டுகள்
சுருட்டும் வாலை இப்போது
சுற்றும் கோயில் பிரகாரம்
சமத்தா யிருக்க பிரயத்தனங்கள்.


தெரியா விடையைத்
தேடுதல் வாழ்க்கை.
முறையீடு இல்லாத
 முடிவான தீர்ப்புகள்.

தேர்வின் முடிவோ..
தெரிந்ததே விடையானாலும்
திருத்துவோர் கையில்தானே
திரும்பும் பல வாழ்க்கை.

keyword இருந்தால்தான்
கிடைக்கும் மதிப்பெண்ணும்
கிலியில் குழந்தைகள்
கிழியும் திரையென்றே..

வாழ்க்கை நிற்காது என்றும்
வெறும் மதிப்பெண்ணால் மட்டும்
வாழணும் நீ என்றும்
வரும் புயலையும் எதிர்த்தென்று
வழங்குவோம் அறிவுரை இன்று
வரும் சந்ததி இவருக்கே..

(அம்மாக்கள் தவிப்பு..அதானிங்கே)
உன் பேனா என்ன தூரிகையா
இத்தனை வண்ணம் எண்ணம் தெளிக்கிறதே

















Sunday, May 14, 2017

Happy mother's day maa

happy mother's day maa..

பிறந்தநாள் உனக்கு
பாயசம் வெச்சியா என்றால்
பழக்கமே இல்லை என்பாள்.
எப்போது பேசினாலும்
எடுத்தவுடன் கேட்பாள்
சாப்பிட்டியா நீயென்பாள்
சாம்பார் பொடி இருக்கா
ரசப் பொடி காலியாயிருக்குமே
எங்கோ இருந்தபடி
எடை போடுவாள் எல்லாம்
குரல் வைத்தே கண்டுபிடிப்பாள்
கோபமா..குதூகலமா என்றே
அப்பறம் பேசறேன் என்பேன்
எப்போவுமே நீ இப்படி என்பாள்
உற்றார் உறவினர் கதையெல்லாம்
ஒன்று விடாமல் சொல்வாள்
பேத்திகளுக்கு பிடித்ததெல்லாம்
அத்துப்படி அவளுக்கென்றும்
பார்த்து பார்த்து செய்வதில்
பரம சந்தோஷம் அடைவாள்
அன்னையர் தினமெல்லாம்..
அவளும் கொப்டாடியதில்லை..
எடுத்துச் சொன்னாலும்
எதுக்கிந்த ஆரவாரமென்பாள்..
சண்டை பல பொழுது
சலிக்காமல் நடந்தாலும்
சமாதானக் கொடி பிடித்து
சரி சரி விடென்பாள்.
என்னை விட்டு நீ சென்றாலும்
எங்கம்மா இப்படித்தான் பண்ணுவானு
என்னை நான் நிலை நாட்டிக்க
அடிக்கடி வரும் உன் நினைவு
அன்னையர் தினத்தில்
மட்டும் தானா என்ன..?

Sunday, May 7, 2017

எலியாருக்கு engagement

எலியார்க்கு engagement..

சில விடியல்கள் சுவாரசியமானவை..இன்னிக்கு என் பள்ளியெழுச்சியும் அப்படித்தான். டிகாக்‌ஷன் போட போனவளின் பார்வை மேடை ஓரத்தில் கொஞ்சம் இன்னும் பழுக்கட்டும்னு வெச்சிருந்த தக்காளி பரிதாபமா குதறப்பட்டு ஐசியு ல கிடந்தது.ஓஹோ..மஹானுபாவர் விஜயமோ இன்னிக்கினு மண்டையில் tension ஏற..அதோ அங்கே என் உயிரிலும் மேலான மஞ்சள் 'tupperware' முனகிண்டு எப்படி ஆகிட்டேன் பாருனு முகாரி பாடித்து.
(டப்பர் வேர் இருக்கே ..அத மூடறத்துக்கு ஒரு மேதாவியா இருக்கணும்..இல்ல சைடு வழியா காத்து போய்டும்). நான் இப்படி கஷ்டப்பட்டு மூடி வெச்ச பிஸ்கட் டப்பாவை..அதுவும் அதோட மூடியை கடிச்சு குதறிய எலி மட்டும் என் கையில் கிடச்சா...
ஒரு ஏழு எட்டு மாசத்துக்கு முன்னாடியும் இவா பிரச்சனை ரொம்ப ஜாஸ்தியா இருக்க..
எலியானாலும் எளிதா எக்ஸ்பர்ட் அட்வைஸ் தரும் உஷா அக்காவுக்கு( என் நாத்தனார்)ஃபோன் போட்டேன். அடடே..தன் usual தொனியில் ..நானும் இப்படித்தான் அகிலா கஷ்டப்பட்டேன்.நம்ம ராணி (வலது கரம்)சொன்னா..'அக்கா நீ அதுக்கு கல்யாணம் பண்ணி வெக்கறேனு வேண்டிக்கோ..ஓடிடுங்க்கா' என்றாளாம்.முதலில் சிரித்த நான்..சீரியஸ் ஆனேன்...'எலியே..எலியே
.ஓடிடும்மா..
மருந்தெல்லாம் வெச்சு கொல்ல விரும்பலைம்மா..(அதை விட பெரிய தண்டனை உனக்கு)கல்யாணம் பண்ணி வெக்கறேம்மா..என்ன ஆச்சரியம்..! அப்பறம் திரும்பி கூடப் பார்க்கலை எலியார் என் வீட்டை..நான் அப்பப்போ நினச்சுப்பேன்..அந்த எலி கல்யாணம் ஆகி ஹனிமூன் போய்ட்டு இப்போ summer ல fridge க்கடியிலும் ஏசியிலும் உட்கார்ந்து குடித்தனம் பண்ணிண்டு இருக்குமா..இல்லே..ஐய்யோ சாமி..கல்யாணமா..எனக்கா..
வேண்டாஞ்சாமி..உன் பக்கமே தலை வெச்சு படுக்க மாட்டேனு ஓடியிருக்குமா..ஆனாலும் ஒரு பயம்..இந்த வேண்டுதல் யாருக்கு நான் பண்ற சத்தியம்..leave it ..எலி விஜயம் இப்போதான் இல்லையேனு இறுமாந்து இருந்த வேளை..
இன்னிக்கு வந்த எலி என்னை பழி வாங்க வந்திருக்கா..இல்ல அதோட தோழர் (ழி)ஐ..இந்தம்மா..ரொம்ப ராசியான அம்மா..உனக்கு சீக்கிரம் விவாஹப் ப்ராப்திரஸ்து ஆகும்னு செண்டிமெண்டா வந்த எலியா..
ஒண்ணும் புரியல..
சக்கரை சிந்திய டேபிளை அப்பா துடைக்க..இங்கே கொஞ்சம் சரியா துடைங்கோப்பா..எறும்பு வந்துடும்னு நான் சொல்ல..ஏக எரிச்சலில் அவர்..எலியே வந்துடுத்தாம்..இந்த எறும்பு என்ன பண்ணப் போறதுனு..தூபம் போட..
இன்னிக்கு ராத்திரி வரப் போற எலியாருக்காக ஏற்கனெவே வேண்டிண்டாச்சு..கல்யாணம் பண்ணி வைக்கிறேனு..
அவள்(ர்)..வருவாளா(ரா)..

எலியார் engagement.. Day 2
தடைய ஆராய்ச்சிக்குப் பின்
தடமும் காண்டார் தந்தை
தடாவும் போட்டார்..
திறக்காதே ஜன்னலென்று..

புழுக்கை காட்டியது
புகுந்த வழியதுவே..

காத்து வேணுமா..இல்ல
குதறல் வேணுமா என்று
கத்தி முனையில் ..
கேள்வியுடன் அப்பா..

கொளுத்தும் வெய்யிலில்
கொடுமை ஏதடானு
குமுறி வேண்டினேன்...
திரும்பி வந்தாயோ..
திருமணம் திருப்பியுமென்று..

போய் வா எலியே போய் வா.

குறுக்கு விசாரணை

குறுக்கு விசாரணை

உனக்கு எத்தனை நாட்களா அவாளைத் தெரியும்?
எங்கியாவது நேராப் பார்த்திருக்கியா?
பேசியிருக்கியா?
ரோட்ல நடக்கிற..ஊர்வன.. பறப்பன எல்லாருக்கும் நீ ஃப்ரண்டு..
அதனால..எத வேணாப் பண்ணுவியா..?
சரி..அதை விடு..யாரோட ஃப்ரண்டுனு சொன்னே..(பேரை முணுமுணுக்க)..
அதுவே சரி கிடையாது..அதோட ஃப்ரண்டு எப்படி இருக்கும்?
அவாளோட நடவடிக்கை எப்படினு தெரிஞ்சிண்டியா..?
அவாளோட சகவாசம் எல்லாம் சரியா இருக்கானு  check பண்ணினியா?
நல்ல வேளை இப்பவாவது கேட்டியே..இனிமே எதுவா இருந்தாலும் என்கிட்ட வந்து சொல்லு..நீயே எதுவும் ஆராயாமல் முடிவெடுக்காதே..
கடைசியா ஒண்ணே ஒண்ணு கேக்கறேன்..? இதையே நான் பண்ணா சும்மா இருப்பியா..காச்சு மூச்சுனு கத்தி  ஒப்பாரி வெச்சு
ஊரக் கூட்டுவியே..
Friend request வந்திருக்காம்..friend request. உடனே accept பண்ணிடட்டுமானு இனிமே கேட்டியோ..நடக்கறதே வேற விஷயம்..ஆமாம் சொல்லிட்டேன்.
உலகத்தை புரிஞ்சிகோம்மா..

பேக்கு அம்மாவுக்கு..(என் போன்ற)ஃபேக் ஐடி பற்றி சொன்னாலும் புரியாத திரு திரு அம்மாக்கள்.
பாவம் குழந்தைகள்.. இந்த மாதிரி அம்மாஸுடன் ரொம்பவும் கஷ்ட்டப்படறதுகள்..

Saturday, April 29, 2017

ஒரு வாண்டுக் கூட்டமே

ஒரு வாண்டுக் கூட்டமே...
(ராஜா சார் பாடல் வரி)..


வெறிச்சோடிய வராண்டாக்கள்
விழாக்கோலத்தில் இப்போ
விடுமுறை விட்டாச்சே..ஒரு
வழி பண்ணிடும் வாண்டுகள்.

பூங்காக்களில் பூத்தது
புத்தம்புது மழலைப் பூக்கள்.

ஓடிப் பிடித்து விளையாடி
ஒரு சிறு சிராய்ப்புக்காக
ஓவெனெ அழுது
ஊரைக் கூட்டிய குட்டீஸ்.


'பால்' பொறுக்கிப் போட்டா
'பாட்டிங்' உண்டு நாளையென
ஒட ஒட விரட்டிய
புதுசா மீசை முளைத்த
பந்தா பார்ட்டிகள்.

மாடிப்படி ஏறுகையில்
மறைஞ்சிருக்கேன் நானிங்கே
மாட்டி விட்டுடாதீங்கனு
மன்றாடிய மழலைகள்.

பாவனையாய் பெரியவன்
பின்னால் அமர
பறக்குது தன் சைக்கிளென்று
பரவசத்தில் தம்பிகள்.

கதவைத் தட்டி விட்டு
காணாமல் மறைந்து போன
குறும்புக் குட்டி வால்கள்.

வெய்யிலை வீணாக்காமல்
விளையாடுவோர் பலரிருக்க
வீடியோ கேம்ஸ் போதுமென்று
வீட்டுக்குள் ஒரு கூட்டம்.



பாட்டி வீடு அத்தை வீடு
பக்கத்தில் இருந்தாலும்
பழகின என் வீடே
படு சொர்க்கம் என்றே..

நாளும் போனதிங்கே..
நாள் முழுதும் நாடகம்
நடப்பதெல்லாம் பரவசம்..
நாளும் போனதிங்கே
நானும் குழந்தையாய்..
இவர்களில் ஒருவராய்..

சிவக் குமார் இவரு
சிவப் பழமும் இவரு
சிறந்த படைப்பாளர் இவரு
சிவக்கும் கண்ணோடு இவரு
சிக்கும் பார்வையில் தவறு
அம்மையப்பன் ஆசிபெற்ற இவரு
ஆன்மிகம் அறிவியல்
அழகாய் எழுதுமிவரு..
நலங்கள் யாவும் பெற்று
நல்லா வாழணு மிவரு
சந்திர சேகர் இவரு
வந்து பிறககலை இன்னொருவரு
தரமென்றும் பிரித்ததில்லை இவரு
தந்து மகிழ்வார் ஊக்கம்
தரணியில் இவர்போல சிலரு


சமையல் பாடம்

சமையல் பாடம்

அப்பாவுக்கு ஆகாது
ஆயிலும் புளியும்
ஆத்துக்காரருக்கோ..
அரை மிளகா அதிகமாகும்.
கண்ணின் மணிகளுக்கோ
கரம் மசாலா காரமுடன்
நால்வகை சமைத்த பின்னும்
நாக்கில் ருசி ஏறலையே
பிடித்தது பண்ணிபோட
பெற்றவளும் இங்கில்லை..
புரிந்தது இப்போதம்மா..நீ
பட்ட கஷ்டமெல்லாம்..

Friday, April 28, 2017

மேகமே.. மேகமே..
எட்டிப் பார்க்காதே இன்றென
எத்தனை பாடு பட்டும்
சுட்டெரிக்க வந்தே தீருவேனென
சூளுரைக்கும் சூரியனே..
நீயும்.. சோர்ந்து போவாய்
களைப்பும் வருமுனக்கு
காத்திருப்பேன்..
கம்பளிப் போர்வையாய் ..நீ
கண்ணுறங்கும் போதினிலே

வெற்றி இன்று உனது
வெறுத்து ஓட மாட்டேன்..
விடாது முயல்வேன்
அடை மழையாய்ப் பெய்து
அவணியைக் காக்கும்வரை

Monday, April 17, 2017

பழி ஒரு இடம்

பழி ஒரு இடம்...

அணைந்து போன கைப்பேசி
அடிக்க மறந்த அலாரம்..
அதிகாலை நேரத் துவக்கம்
அரக்கப் பரக்க அவசரம்

காலியாய்த் தொங்கும் பால்பை
காலையில் வராத செய்தித்தாள்
கழுத்தை அறுக்கும் மின்வெட்டு
கிண்டிப் போன தோசை

கையில் கிட்டா காலுறை
காணாமல் போன ஐடி கார்ட்
கசங்கி கிடந்த பள்ளிச்சீருடை
காக்க மறுத்த ஆட்டோக்காரன்

மூடியைத் தேடிய பாட்டில்கள்
முடியல உடம்புக்கென்று
மூணு நாள் விடுப்பில்
மூச்சிலும் மேலான முனியம்மா..

ஒண்ணுமே சரியா இல்லை
ஒரு வேலையும் நடக்கலையே

ஓடிய சிந்தனை கலைந்தது
'ஒன்னோட பொட்டு
ஒருபக்கமா இருக்கேனு'
ஓடி வந்து ஆசையுடன்
ஒட்டிக் கொண்ட பெண்ணை
ஓங்கி விட்டாள் ஓர் அறை..

ஓவெனெ அழது புரண்டது
ஒண்ணும் புரியாத குழந்தை

சமாதானம் செல்லுபடியாகாதே
சாட்சியம் இருக்கே
சாத்திய அடியின் சுவடுகள்
சிவந்த அவளின் கன்னத்திலே

...

ஓ..பாப்பா லாலி

..பாப்பா..லாலி..


ஆயா(aunty) வந்ததும் தான்
அம்மாவுக்கு உயிரே வரும்
அவசர ஆணைகள் பிறப்பித்தே
அவளும் ஒப்படைப்பாள்..தன்
அன்புச் செல்லத்தை..
அலுவலகம் ஓடியபடி..

ஆயாம்மா..

பாலும் சோறும் தருவாள்
பாதி அவளும் தின்பாள்.
(தெம்பு வேணுமே)

பாப்பாவுக்கு பிடித்த தெல்லாம்
ஆயாவுக்கு ரொம்ப அத்துப்படி
கவனிப்பாள் தன் குழந்தைபோல
கவனிப்பாள் எசமானி தன்னையென்றே
ஆட்டுவாள் தலை எப்போதும்
ஆட்டுவிக்கும் பாப்பாவின் பொம்மையாய்
பொழுதைக் கழிக்கும் வித்தையில்
பல்கலைக் கழக பட்டதாரி

முள்ளும் ஆறைத் தாண்ட
முள் மேல் இருப்பாளே
மூச்சும் வந்திடுமே..எசமானி
முகம் கண்டேதுமே..

பையை எடுத்து புறப்பட்டு
பைபை சொல்ல..அவள்
புடவைத் தலைப்பை இழுத்து
போகாதே..நானும் வரேன்னு
பிடிவாத அழுகையில்
படுத்துமே பாப்பாவும்..

பயமும் பிடித்ததே..
பதிக்கணுமே  மனதிலே
பாப்பாவின் அம்மா..
படுபாவி நானென்று.



அரை நேர அம்மாக்களாக
ஆயாக்கள் ஆனபிறகு..
அக்குழந்தைக்கு தெரிவதில்லை..
ஆறு வித்தியாசங்கள்..
ஆயாவுக்கும் அம்மாவுக்கும்..



Friday, April 14, 2017

ஹேவிளம்பி

ஹேவிளம்பி..
விளம்ப என்னப் போகிறாய்..

வெண்பா விளம்பும் வாக்கெல்லாம்
வெரும் பாவாய் விளங்கட்டும்
வளமும் நலமும் நல்கிடவே
வந்து பிறந்திடு ஹேவிளம்பி..



தனமும் இன்பமும் பெருகட்டும்
தரணியில் ஒற்றுமை ஓங்கட்டும்
துன்பம் துடைக்கும் திருக்கரமாய்
வந்து பிறந்திடு ஹேவிளம்பி





பருவ மழை பொழியட்டும்
பாயும் நதிகள் நிரம்பட்டும்
பஞ்சம் பட்டினி மறைந்திடவே
பிறந்திடு நீயும் ஹேவிளம்பி
,

குறைகள் யாவும் தீரட்டும்
குற்றங்கள் எல்லாம் குறையட்டும்
குடிசைகள் கோபுரமாய் மாறிடவே
வந்து பிறந்திடு ஹேவிளம்பி

 சுற்றமும் நட்பும் கூடட்டும்
சூழும் பகையை எதிர்க்கட்டும்
சீரும் சிறப்பும் கொணர்ந்திங்கே
வந்து பிறந்திடு ஹேவிளம்பி.
கசப்பு நினைவுகள் ஒன்றன்றி
கரும்பாய் இனிப்பாய் இருந்திடவே
கவிஞர் பலருன் புகழ்பாட
வந்து பிறந்திடு ஹேவிளம்பி

Thursday, April 13, 2017

புது யுகம்

சுட்டெரிக்கும் வெயிலிலே
சுள்ளி பொறுக்கி
பள்ளி செல்லும் தன் மக்களுக்கு
சல்லிக் காசு சேர்த்து வைக்க
சலிக்காமல் இவள் உழைப்பாளே.
தலையில் பாரம் இருந்தாலும
தவழும் புன்னகையோ டிவள
தன்னம்பிக்கை துணை வரவே
தூரம் பலவும் நடப்பாளே.
தூக்கில் சோறும் குடிக்க நீரும்
இடுக்கிய குடையும் விறுவிறு நடையும்
இருக்கு இன்னும் தூரமென்றாலும்
இனிதாய் எளிதாய் கடந்தே போவோம்..
புண்ணேறிய கால்கள்
புன்னகை மாறா முகங்கள்..
புறப்பட்டதோ இங்கே.
புது யுகம் படைக்க
சிரிப்பு மாறா முகத்தோடு

சுமைகள்யாவும்  சுகமாய்த் தோன்ற
சுவடுகள் பதிக்க துவளுவதில்லை.
சுவர்கள் எல்லாம் சுளுவாய்த் தாண்டி
சரித்திரம் நாமும் படைத்திடுவோமே

கோயில் பிரசாதம்

கொழுப்பைக் குறைக்க
காலை நடை பயிற்சி..
காலெல்லாம் கெஞ்ச
காதில் விழுந்தது
கோவில் மணியோசை..
கண்ணைப் பறிக்கும்
அலங்காரத்தில்..
கடவுளும் காட்சி தர
கும்பிட்டு நான் நின்றேன்
குறையெல்லாம் கொட்டித் தீர்த்தேன்..
பிரகாரம் சுற்றி வந்து
பிரசாத வரிசையில் நின்றேன்
பாத்திரத்தில் நிரம்பிய தெல்லாம்
பசியும் கிளறி விட்டதே
மிதக்கும் முந்திரியில்
மிதமான தித்திப்பில்
மயக்கும் கேசரியும்
மணமணக்கும் புளியோதரை யும்
(படத்தில் கேசரியில் முந்திரியைக் காணொமேனு தேடாதீங்க..மூளை வேலை செய்ய வச்ச முந்திரி..)
முழுங்கிடலாமா இங்கேயே என்று
முழித்துக் கொண்டிருந்த நேரம்..
மனசாட்சி சொன்னது..
மரியாதையா..நடையைக் கட்டு..
மண்ணாகிப் போகுமே..
மாங்கு மாங்கென்று நடந்ததெல்லாமென்றே.

பழி ஒரு இடம்...

பழி ஒரு இடம்...


அணைந்து போன கைப்பேசி
அடிக்க மறந்த அலாரம்..
அதிகாலை நேரத் துவக்கம்
அரக்கப் பரக்க அவசரம்


காலியாய்த் தொங்கும் பால்பை
காலையில் வராத செய்தித்தாள்
கழுத்தை அறுக்கும் மின்வெட்டு
கிண்டிப் போன தோசை

கையில் கிட்டா காலுறை
காணாமல் போன ஐடி கார்ட்
கசங்கி கிடந்த பள்ளிச்சீருடை
காக்க மறுத்த ஆட்டோக்காரன்


மூடியைத் தேடிய பாட்டில்கள்
முடியல உடம்புக்கென்று
மூணு நாள் விடுப்பில்
மூச்சிலும் மேலான முனியம்மா..

ஒண்ணுமே சரியா இல்லை
ஒரு வேலையும் நடக்கலையே

ஓடிய சிந்தனை கலைந்தது
ஒன்னோட பொட்டு ஒருபக்கமா இருக்கேனு
ஓடி வந்து ஒட்டிக்கொண்ட பெண்ணை
ஓங்கி விட்டாள் ஓர் அறை..
ஒண்ணும் புரியாத குழந்தை
ஓவெனெ அழது புரண்டது..

Friday, April 7, 2017

தலை வாரிப் பூச்சூடி உன்னை

தலை வாரிப் பூச்சூடி உன்னை
பாட சாலைக்கு போ என்று
சொன்னாள் உன் அன்னை
முடியிலுள்ள சிடுக்கெடுத்து
முடிந்து கொண்டை போடுவேன்..
உன் ...
முகத்திலுள்ள சுருக்கத்துக்கு
முழு டப்பா கிரீமும் போதாதே..
மூட் அவுட் ஆகாதே பாட்டி
முடிஞ்ச வரைக்கும் ..உன்
முதுமையையும் மறைப்பேனே..
மலர்ந்த புன்னகை நீ சிந்து
மறைந்து ஒடிப் போகுமே ..உன்
வயதைக் காட்டும் ரேகையெல்லாம்

Wednesday, April 5, 2017

ஒரு வார்த்தை

ஒரே ஒரு வார்த்தை  கேட்டிருக்கலாமே..
'இந்த வாண்டைத் தூக்கிண்டு ஏற முடியலையே..ஒரு தடவை என்னைக் கேட்டிருக்கலாமே அம்மா..என்ன வேண்டுதல் இதெல்லாம்..
தாயும் சொன்னாள்
தலைப் பிரசவம்...
தாயும் சேயும் நலமா இருக்க
திருமலையானை தரிசனம் பண்ண
 தூக்கிண்டுனு வரேன் நடைபாதி வழியாக..
இந்த மாதிரி எத்தனை முறை சொல்றோம்..'ஒரே ஒரு வார்த்தை கேட்டிருக்கலாமே/சொல்லி இருக்கலாமே..
அப்பா..ஏம்ப்பா இந்த மாடல் ஃபோன் ஆர்டர் பண்ணின..ஒரு தடவை என்னை கேட்க மாட்டியா...
நண்பர் சொல்வார்..ஏன் சார் ஒரு வார்த்தை கேட்டிருக்கலாமே ..எனக்கு தெரிஞ்ச ஆள் கிட்ட சொல்லி வேலையை முடிச்சிருக்கலாமே..
ஆத்துக்காரி புலம்பலுக்கு பயந்து டூர் போன இடத்தில ஒரு புடவை வாங்கிண்டு வந்தா..ஏண்ணா..ஒரு வார்த்தை என்கிட்ட கேட்டிருக்கலாமே...என்கிட்ட இல்லாத கலரைச் சொல்லி இருப்பேனே..
கல்யாணத் தரகர் சொல்வார்..எதுக்கும் ஒரு வார்த்தை பைய்யன்/பொண்ணு கிட்ட கேட்டுடுங்கோ..வாழப் போறவா அவா..என்பார்.
கண்ணா.. இன்னிக்கு சாயந்திரம் ராஜி aunty ஆத்துக்கு போகணும்..சீக்கிரமா படிச்சு முடிச்சுடறயா என்று புத்திர /புத்திரி சிகாமணிகளை கேட்க..குபீர்னு பாய்ஞ்சு..என் கிட்ட ஒரு வார்த்தை கேட்க மாட்டியா..நான் மாட்டேன் என்று பிடைவாதம் பிடிக்க..
இப்படி எல்லாரும் பிடிச்சிண்ட 'என்னை ஒரு வார்த்தை கேட்டிருக்கலாமே' dialogue..
ஏன் தோணவே இல்லை..இந்த ராமபிரானுக்கும், அந்த சீதா பிராட்டிக்கும்..
Sriram Jayaram Jaya Jaya ram

Rama navami

Ramanavami special
பானகமும் நீர்மோரும்
பகவான் பேர்சொல்லி
பவ்வியமாய் விநியோகம்..
பக்தனை மெச்சியே
ப்ரதிஷ்டையும் ஆனார்..
பட்டுத் தெறித்த
படபட மழைத்துளியிலே..
Jai seetharam

Friday, March 31, 2017

நேற்று போல் இன்றில்லை..

நேற்று போல் இன்றில்லை..
இன்று போய் நாளையில்லை..
என்ன அருமையான பாட்டு..
முப்பத்தொண்ணு மார்ச்
முழி பிதுங்கும் நாள்.
வரவும் செலவும் இடிக்க
வரியும் ஏய்ப்பு வயிற்றை பிசைய
வவுச்சர் போடறதா
வராதுனு மூடறதா..
Suspense ல வைக்கிறதா
Secretல அமுக்கறதா
அட்வான்ஸ் கழிக்கறதா
அடப் போகட்டும்னு விடறதா
Target க்கு ஓடறதா
Trial balance உடன் போராடறதா.
Accountsம் auditம்
ஆடின ஆட்டமெல்லாம்
அடங்கிப் போகுமே
தொடங்குமே வேலை.

தூங்காத விழி ரெண்டோடு
பாங்க் ஊழியர்கள்..
Guidelines எல்லாம்
கடகடனு கொட்டனுமே
Interest rate எல்லாம்
இம்மியும் மறக்கக்கூடாதே

விடிஞ்சதும் வீடு போய்..பல்
விளக்க ஆரம்பிக்கையில்
வீல் வீல்னு அலறும் கைப்பேசி
விஷயம் தெரியுமோ உமக்கு
வாட்ஸப்பில் fb எல்லாம்
விவாதம் ஆரம்பிச்சாச்சே
விதியெல்லாம் மாறியாச்சு
கதி கலங்கி பேதியாச்சு..
Reserve bank ஆ..இல்ல
Reverse bank aa
Respect இல்லையே
Remitters எங்களுக்கு


உத்தரவு(உர்ஜித்) பட்டேல்..
எனக்கு ஒரு உண்மை தெரிஞ்சாகணும்..
பெட்ரோலிய ஓனரோ..
பொட்டிக்கடை ஓனரோ
உன் நெஞ்சைத் தொட்டு சொல்லு என் ராசா..
யாருக்காவது balance sheet tally
ஆகி இருக்கா..
பல வருஷமா..நானும்  try பண்றேன்..என் வீட்டு balance sheet tally பண்ண..
முடியலையே..
நான் என்ன பண்ணுவேன்..ஹி..ஹி..ஹி..

Thursday, March 30, 2017

அடுப்படி எனக்கென்ன சொந்தமா

அடுப்படி எனக்கென்ன சொந்தமா.

படை போல் குடும்பம்
பொடிசு முதல் பெரியவர்கள்
பானையில் சோறு
பருப்புக் குழம்பு
பொரியலும்..வறுவலும்..
பொதுவாய் சமையல்.
பந்தியில் அமர்ந்து
பாங்காய் பரிமாறல்
பங்கிட்டு உணவு
பழசுக்கு இடமேது..
பொசுக்கும் வெய்யிலில்
பொழுதும் போகவே
அப்பளமும் வடாமும்
அழகாய் இடுவாளே..
அம்மியும் ஆட்டுக்கல்லும்
அங்கே கைகொடுக்குமே..
தேய்த்தல் துவைத்தல்
துடைத்தல் எல்லாமே
துரிதமா நடக்குமங்கே
தட்ட ஒரு மெஷினில்லாமலே
இப்பவும் யோசனைதான்
எப்படி இப்படி
எல்லாம் முடிஞ்சதென்று..

பள்ளியெழுச்சி முதல்
படுக்கப் போகும் வரை
பம்பரமாய் வேலை
எம்பிரானே ஏனென்றேன்..

காப்பி ஒருத்தருக்கு
காம்ப்ளான் ஒருத்தருக்கு
அருகம்புல் ஜூஸ்
ஆறின கஞ்சி ஒருத்தருக்கு
திரிஃபலா ஒருத்தருக்கு
டீத் தண்ணி ஒருத்தருக்கு


காப்பிக் கடையே..
கதவும் மூடாதே..

சுக்கா ரொட்டி
சுருள வதக்கிய வெண்டை
கடைஞ்ச பருப்பு
கெட்டித் தயிர்..
பன்னீர் பட்டர் ஒருத்தருக்கு
பத்திய சாப்பாடு ஒருத்தருக்கு
பிரியாணி ஒருத்தருக்கு
பாஸ்டா ஒருத்தருக்கு..
என்னதான் ஆனாலும்
ஒட ஒட ரசமும்
ஒரு வடு தொட்ட மோரும்
ஒரு வழி வழிக்கலையோ
ஒரு திருப்தி வராதே
ஓஞ்சு போகுதே
ஒரு வேளை சமைச்சதுமே
வகைகள் இப்போ
வதையும் ஆச்சே
வத்தலும் வடாமும்
வகையாய் நொறுக்கலும்
விலைக்கு வாங்கும்
நிலையும் ஆச்சே..
பகட்டே இல்லா
பழைய வாழ்வு
பகல் கனவுமாச்சே

ஓடி வந்தாச்சு
ஒரு பெருந்தூரம்
திரும்பிப் பார்ப்போம்..
திரும்பிப் போகமுடியாவிட்டாலும்..

தொடுக்கும் கைகள்
வடு 

Tuesday, March 28, 2017

தங்கமணி..எங்கே நீ

தங்கமணி..எங்கே நீ..

2008..ஒரு மத்தியான நேரம். ஃபோன் பெல்லடிக்க..மறுமுனையில் தங்கமணி..(என் மாமியார்)..
என்ன பண்றே அகிலா..
ஒண்ணும் இல்லமா..இப்போதான் ஐஷுவோட ஒரு fight ..ஒரே மூட் அவுட்.
நீங்க சொல்லுங்கோம்மா..என்ன விஷயம்..
நான் சொல்றத கொஞ்சம் செய்வியா..எப்போதும் போல ஒரு அன்பு வழியும் தொனியில்..
ம்ம்ம்ம்..என்னது ம்மா..
ஒரு கவிதை எழுதேன்..தலைப்பு ..'தலைமுறை இடைவெளி'..
ஐயோ சாமி..அம்மா..are you OK? யாரைப் பார்த்து என்ன கேட்கிறேள்..no no no..ஷாருக் ஸ்டைலில் நான் அலற..நாளைக்கு அனுப்பு எனக்கு .bye ..என்றாள்.
இப்படியாக என் முதல் கவிதை அரங்கேறியது ..எனக்குத் தெரியும் உன்னால் முடியும்னு என்று mail அனுப்பினாள்..
அதற்கு பிறகு சந்த வசந்தத்தில் எல்லா கவியரங்கியிலும் என்னை சேர்த்து விடுவாள்..தங்கமணி மருமகளே..கொஞ்சம் இலக்கணம் கத்துக்கோயேன் உன் அம்மாவிடம்..செவிடன் காதில் ஊதிய சங்கு தான்...
நீ எழுது உன் பாணியில் என்பாள்.

கமகமனு சமையல்..
கைவந்த கலை..
கவிதை எழுதி..
கடவுளைக் கண்டாள்.
கணினி அவளுக்கு
கைப் பொம்மை
காமெரா கண்டாலே
காண்பதை படம்பிடிப்பாள்
குழந்தைகள் கண்டால்
குறையும் வயது
கடுகடு முகமே
கண்டதே இல்லை..
கடகடனு சொல்வாள்
கேட்டதும் ராகங்களை
குளுகுளு பானங்கள்
கொழுப்பாய் குடிப்பாள்
கொல்கொல் இருமலில்
கழிப்பாள் இரவுகளை..
ஆட்டோ பாட்டி பேரிலிவள்
ஆடாது அசையாதாள்
ஆட்டும் துன்பத்திலும்..
அன்பு தான் வெல்லும்
ஆணித்தரமாய் சொன்னாளே
அனைவரின் பிரியம்
அன்பின் உயரம்..
ஆண்டாள் அன்பினால்..
அடைந்தாள் அவனடி..
அரைமூச்சிலும்
அரை மயக்கதிலும்
அருகே வா என்றாள்..
அம்மாவை அழைத்துவா.
அருமையா பார்த்துக்கோ
அவளுக்கும் நீ வேணுமென்றாள்.
மனமொன்று வேண்டும்..தங்க
மணி போல் என்றும்.
மாய்ந்து பேசுகிறார்..நீ
மறைந்த பின்னும்..

தங்கமணி..
எங்கே நீ..


Friday, March 24, 2017

Holi hai holi

holi hai holi..
கத்தலோடும் கலரோடும்
காலை ..புலரும்..
வயதுக்கும் வாலிபம் திரும்பும்
வசந்த நாள்.. இன்று

வண்ணங்கள் வாங்கும் விழா
வாரங்களுக்கு முன்பே தொடங்கும்..
உற்சாகம் உல்லாசம்..
ஊரெல்லாம் கொண்டாட்டம்..

உருளை உருண்டு விளையாடும்..
உருவம் பல எடுக்கும்..
வடாமாய்,சிப்ஸாய்,டிக்கியாய்..
போண்டாவாய்,கட்லட்டாய்....
தோழியுடன் ஒப்பந்தம்..
தோசை சாம்பார் கொண்டு வரேன்..
தோதாய் நீ வேலை செய் என்று..(நமக்கு இதெல்லாம் வராதே..சாம்பாரைப் பார்த்ததும் 'shakthimaan' ஆகிடுவா..!!)
அடுத்து..
'குஜியா'... செய்யனும்..'
தோழி சொல்ல..
நதியா மட்டுமே தெரிந்த நான்
திரு திரு நு முழிக்க...
சிரிப்பு தான்..சந்தோஷந் தான்..
செய்யறதுக்குள்ள.. சீவன் பாதி போகும்..
ஆனா..
சொர்க்கம் தெரியும்..சொட்டு நாக்கில பட்டதும்..
சுவையோ ...சுவை....
ருசியோ ...ருசி..

ஹோலி நாள்....
ஒரு ஜாலி நாள்...

பாலிகை கரைக்கறது மறக்காம இருக்க.
பாக்கெட் கலரெல்லாம் தண்ணீரில் கரைச்சு
பக்கெட் டிலும்..பலூனிலும்..
pichkari யிலும் ...ரொப்பித் தள்ள
வாரி இறைத்த வண்ணங்கள்..
வானவில் ஜாலம் காட்ட..

ஒரு வழியாய் ஆடி முடித்து..
அப்பிய கலர் போக..
அட்டகாச குளியல் போட்டு.
அப்பாடா...தூக்கம் போட்டு..
என்னமா..ஒரு பண்டிகை...

அந்த நாள் ஞாபகம் நெஞ்சிலே வந்ததே..
இன்றோ..
no 'holi'day நு school சொல்ல..
நொந்துமே என் பெண்ணும் சென்றுவிட..
நினைவுகளை அசை போட்டு....
ஜோலி ஒன்றும் இல்லா..
காலி ஹோலி..
happy holi my dear friends
enjoy every minute of life..
moments never come back ..
only the memories stay back..

Wednesday, March 22, 2017

தண்ணீர் தண்ணீர்

தண்ணீர்..தண்ணீர்
ஒரு கப் சக்கரையும் காப்பி பொடியும் கடன் வாங்கும் காலம் போய் ஒரு கப் தண்ணீ இருக்கா..அடுத்த மாசம் திருப்பித் தரேந் மாமி எனலாம்..
அடுத்தாத்து அம்புஜத்தை பார்த்தேளா..அவள் ஆத்துக்காரர் அரை லிட்டர் தண்ணீ வாங்கிண்டு வந்ததை கேட்டேளா..
பட்டு மாமி பொறாமையில் மூக்கை சிந்தலாம்..
அப்பா..அப்பா..ஏன் எனக்கு தண்ணிகாசலம் னு பேர் வெச்ச..என் friends எல்லாம் கேலி பண்றாப்பா..என்று அடம்பிடிக்கும் மகனிடம்..அது மூதாதையர் பேருடானு சொல்லலாம்..
Demonetization சமயத்தில் ஒரே ஒரு 500 ரூபாயும் ,ஆயிரம் ரூபாயும் தனியா எடுத்து உண்டியல் அடியில் போட்டு  வெச்சு காண்பிச்சோமே..இந்த தண்ணீரை இவங்களுக்கு எப்படி இருக்கும்னு காட்ட எடுத்து வெச்சிருக்கலாமோனு வருந்தலாம்.
கண்ணீர் சுத்திகரிப்பு நிலையங்கள் பல உருவாகலாம்..அதிகம் அழுவோர்க்கு மானியம் தரப்படலாம்.
திரவப்பொருளில் தண்ணீர் என்றதும் திருதிருனு முழிக்கலாம்..
நிலத்தடி நீர் தேடப்போனவர்கள் ..நிலத்தடி அபார்ட்மெண்ட்டுகள் கட்டலாம்..
அங்கேயே IT companies ஆரம்பிச்சு..பல மூர்த்திகள் முன்னுக்கு வரலாம்.
Education loan,home loan எல்லாம் போய் water loan வாங்கி அதுக்கு emi கட்டலாம்
கோடை விடுமுறைக்கு தண்ணீர் கிடைக்கும் mars க்கு சுற்றுலாப் பயணம் போகலாம்..
ஐயோ ..
நினைக்கவே நடுங்குதே..
நீயில்லாமல் நானா
நீரில்லாமல் வாழ்வா..?

நிறமில்லா நீர்..
நதியாய்..ஆறாய்
நானிலம் காக்க
சுயநல வாழ்வில்
கயவராய் மாறினோம்
தண்ணீர் தானே...
தாராளமாய்..
தண்ணீராய் செலவு..

விளைவோ..

ஒரு குடம் நீருக்கு
ஒரு மணி காத்திருப்பு

தவிக்கும் வாய்க்கு
தண்ணீர் தரவே
தயக்கமும்  ஆச்சு.

சேமித்த காசு..நீர்
சேந்தித் தரல..
சிந்திய துளிகளும்
சேர்க்க முடியல..

கங்கையும் யமுனையும்
காவிரியும் நர்மதையும்
கைக் கோர்க்கட்டும்..
கண்ணீர் துடைக்கட்டும்

நதியெல்லாம் இணையட்டும்..
நலமெல்லாம் பெருகட்டும்..
நாளை வரும் சந்ததிக்கு
நம்மால் முடிந்த உதவி..
நல்லக் குடிநீரும்
நோயில்லா வாழ்வு

அழகி..நீ..பேரழகி..

அழகி..நீ..பேரழகி..


மஞ்சள் அழகி நீ
மலர்ந்த பூவழகி
தெளித்த சிவப்பழகில்
மிளிரும் மென்மை  நீ..

கண்ணாடியில் காட்டட்டுமா
கவரும் உன்னழகை..தலைக்
கனம் வந்திடாதே
மண்ணில் அழகி நானென்று..

காக்கும் கண்ணிமை..நம்
கண்ணுக்குப் புலப்படுவதில்லை
காக்கும் இறைவனும்..
கண்ணெதிரே வருவதில்லை..
உன்னழகும் என்றுமே..
உனக்குத் தெரிவதில்லை
ஊரார் உரைக்கையிலே
உனக்கிங்கே உறைத்திடுமோ


நாடகமாம் இவ்வுலகில்
நாள்கணக்கு உனக்கு..
நாளும் இருக்கென்ற
நம்பிக்கை வாழ்வெனக்கு..
நானும் இங்கு செய்யணும்..
நல்லது நாலு பேருக்கு..
நாதனவன் பாதமதை..
நானும் அடையுமுன்

Tuesday, March 21, 2017

என்ன வெய்யில்..

என்ன வெய்யில்..
என்ன வெய்யில்..
வருஷா வருஷம்
வரும் புலம்பல்..
ஆனாலும் ..
காத்திருக்கோம்...
கரு வடாமும்
வடு மாங்காயும்
கடைந்த  மோரும்
கவளம் சோறும்..

நுங்கும் இளநீர் வழுக்கையும்
தர்பூஸ் கிர்ணி முலாமுங்கூட
மல்கோவாவும் இமாமபசந்தும்
மலையாய்க் குவியும் ..
மனமோடு உடலும்் குளிரும்..
பத்து காசு பாலைஸ் சுவை
butterscotch இல் இல்லையே
எல்லாக் காலமும்
எல்லாம் கிடைப்பதால்
எள்ளளவும் தெரியலை யே
எல்லாவற்றின் அருமையுமே..

நீயில்லையேல் ..நானில்லையே...

நீயில்லையேல் ..நானில்லையே..


கழுதைக்குத்தெரியுமா
கற்பூர வாசனை ..
கர்வமான  கருத்தோடு
கனலாய்க் கக்கியிருந்தால்
கவிதை ஒரு வதையென்றே
காத தூரம் ஒடியிருப்பேன்..

இலக்கணம் எனும்
இடுக்கியில் சிக்காதே
மரபு எனும்..
வரம்புக்குள் மாட்டாதே..
வெண்பா வரலையென்று
வெறுமே இருக்காதே..
தேமா புளிமா தடுமாறாதே
தெம்பு தரும் கவி எழுது
ஒற்று தப்பினால் என்ன
கற்றுக் கொள் நீயே
விருத்தம் வரலையென
வருத்தம் கொள்ளாதே..

கொச்சகக் கலிப்பா
மெச்சும்படி வராதா என
மருகாதே நீயும்

சீரும் அடியும்
சிறப்பாய் வருமே
சிறு முயற்சி செய்தாலே
எதுகையும் மோனையும்
என்றும் உனதாகுமே
எண்ணத்தில் தெளிவிருந்தால்..

ஊக்குவித்தவள்..
உலகம் வேறில் இன்று..

கவிதை நாள் இன்று..
காணிக்கை இதுவே உனக்கு..
தங்கமணி..
எங்கே நீ..

Monday, March 20, 2017

Rest இல்லா remote

விஜய்யில் ராஜா..
சூரியனில் ரஹ்மான்..
ஆயிரம் கண்டவர் அங்கே
மெரசல் மன்னன் இங்கே..
எழுபதும் எண்பதும்
தட்டி எழுப்புது அங்கே
தப்பிப் போன நினைவுகளை..

இளமை கொப்பளிக்கும்
இத்தனை குரல்கள்
இங்கிருக்கா….
அசந்து போய் நானிருக்க..
அசதி உனக்கில்லை
வசதியாய் படுத்துண்டு
விரல் நுனியால் என்னை
வேலை வாங்குகிறாயே..
கொஞ்சம் இரக்கம் காட்டேன்..
கெஞ்சுகிறது .. என் remote..
என்ன செய்ய..
இரண்டும் வேண்டும்..
இன்று overtime உனக்கு

Sunday, March 19, 2017

நெருடும் நிஜம்

கொளுத்தறது வெய்யில்
குளுகுளு பிரதேசத்துக்கு
குடும்பத்தோட போறேன்..
கொஞ்ச நாள் தப்பிக்க..
நீயெங்கே வரமுடியும்
நீட்டிப் படுத்துடுவியே..
நானும் இவளும்
நண்டும் சிண்டோட
நாளைக்கு கிளம்பணும்..
நீ வேணா..
நாலு மனுஷாளோட
நாளைக் கழிக்கிறயா..
நல்ல பொழுதும் போகும்
நான் வரும் வரைக்கும்..

நனைத்த நார்ப்புடவை
படுக்கையாய் விரித்தபடி
புன்னகைப் பார்வையுடம்
 போய்ட்டு வா நீ
 பார்த்துக்கறேன் நானென்றாள்

ஒத்திகை அத்தனையும்
ஒரு தூசானது..அவள்..
ஒற்றை வார்த்தையில்..
அம்மானா..
சும்மாவா..

Wednesday, March 15, 2017

கூந்தலிலே மேகம்

எப்படி manage பண்ற..இத்தன நீள முடியை..
என்ன ஷாம்பூவில் ஆரம்பித்து என்ன எண்ணெய்..என்ன மாதிரி சீப்பு..எண்ணைக் குளியலுண்டா..
என்ன டயட்..
எப்படி தலை வாரல்..முடியை தூக்கி போடுவியா..இல்ல சவுரி பண்ண குடுப்பியா..காதில் புகையுடன் கேள்விக் கணைகள்..
கூந்தலுள்ள சீமாட்டியோ..அதெல்லாம் ஒன்னுமே இல்ல..இயற்கையிலேயே அப்படித்தான் என்று ஒரு அலட்டு
அலட்டுவா..
கண்ணன் பார்த்தார்..எங்கே இந்த வலையில நம்ம ராதையும் சிக்கிடுவாளோனு ஒரு கலக்கம்..
அவர் அட்வைஸ் ராதைக்கு என் கற்பனையில்..
பிழை பொறுத்தருள்க


கொண்டையும் நீ முடியடி
கண்டவர் கண் படுமுன்னே
பொறாமையில் பொசுங்குவாரடி..
போதும் உன்னலட்டல் என்பாரடி
போடி அசடுன்னும் சொல்வாராடி
பாப் கட் உனக்கு எடுப்பென்பாரடி
செம்பருத்தியும் சீயக்காயும்..
சேர்த்து வைத்த ரோஜாவும்
வாசனை திரவியமெல்லாம்.
வேண்டாமே இப்போ என்பாரடி..

ஷாம்பு போதுமென்பாரடி
சரமாகும் உன் கூந்தலென்று
சொல்லி வீழ்த்துவாரடி
சாயாதே வீசும் மாயவலையில்
மாயக் கண்ணன் எனை
மயக்கும் உன் கூந்தலடி
விரித்தாலும் அழகு..
முடிந்தாலும் அழகு..
ஒரு முழமும் சூடலாம்..
ஒற்றை ரோஜாவும் சொருகலாம்.
உன்னழகைக் கூட்டுமிந்த
கருங்கூந்தலதை..கழிக்காதேடி
ராதே..என் ராதே

காரடையான் நோன்பு

காரடையான் நோன்பு..
'கார் 'அடைய சிலருக்கு
கால்வயிறு கஞ்சிக்கு..பலருக்கு

கடமை பலவுண்டு
காக்கணும் பெத்தவரை
கல்யாணங் கழிக்கணும்
காலாகாலத்தில் தமக்கைக்கு
கண் கலங்காம பாத்துக்கணும்
கரம் பிடித்து வந்தவளை
கல்வி தரணும்..
கண்ணான பிள்ளைக்கு
 கடமை நிமித்தம் அவன்செல்ல
கட்டியவள் கட்டிக்காப்பாள் வீட்டையுமே
அகமுடையானை அனுப்பிவிட்டு
அவளொன்றும் சுகமா இல்லையிங்கே

ஆதியும் அந்தமும்
அவள் பொறுப்பு
பின்னூசி முதல் பீரங்கி வரை
புருஷன் காதில் படாம
பிரச்சனைகள் முடிப்பாள் பொறுப்பாக.

அல்லாடி அலைந்தாலும்
ஆல் ஓகே என்பாளே
பிரிவு தனிமை இருந்தாலும்
சரிவு வராது காப்பாளே
சரடு கட்டி நோற்பாள் நோன்பு..
சிரிப்பவர்கள்..சிரிக்கட்டும்..
அது ஆணவச் சிரிப்பென்று..

Tuesday, March 14, 2017

Urvasi urvasi take it easy policy

urvasi urvasi take it easy policy..
உருகாத வெண்ணையும் ஓரடையும் நான் வைத்தேன்..
(ஊரில் இருக்கும் கணவன்)  ஒருநாளும் பிரியாத வரம் தருவாய் என்று..
உருகி வேண்டும் உமைகள் ..

சைட்டில் (site)இருக்கும் சத்தியவானுடன்
Skype இல் சரடு கட்டிண்டு
கணினி முன் காலில் விழுந்து
காலம் மாறினால் நம் காதல் மாறுமா பாட்டு BGM உடன்..
காரடையான் நோன்பு..


வெல்ல அடை..
வெண்ணையோடு வழிச்சு ..
உப்பு அடை..
ஊ ஊனு ஊதி சூடா..
அப்படியேச் சாப்பிடணும்..
'ஆ'னு அவர் வாய் பார்க்க..

அடடடா..நாழி ஆகிடுத்து..
மெஸ் மூடிடப்போறான்..
காஞ்ச ரொட்டியும்..
கருப்பு தாலும்கூட
கிடைக்காம போய்டப்போறது..
போங்கோ..கிளம்புங்கோ..
நானும் போகணும்..
நாலு வீட்டுக்கு
நம்மாத்து ப்ரசாதம்னா
நண்பிகளுக்கு உசுருனு..

#urvasi urvasi take it easy policy

Monday, March 13, 2017

Holi hai holi

ஹோலி நாளடி இன்று
ஜோலியும் ஏதடி வேறு..
கால நேரம் மறந்ததடி
கவர்ந்ததடி களிப்பாட்டம்

வண்ணம் பல வாரியிறைத்த
வட்ட முகங்க ளிடையே
வஞ்சி உனை காணலையே
எஞ்சிய தெனக்கு ஏமாற்றமே..

அப்பிய வண்ணத்திடையே..உன்
அழகு முகம் மறைந்ததடி
அடையாளம் அழிந்ததடி
ஆகாதடி இந்தக் கோபம்
அப்பிராணி நானடி..

தோப்புக்கரணம் போடவா
தோளில் உன்னை சுமக்கவா
ஆத்து நீரை அள்ளவா..உன்
அகம் வரையில் துணைவரவா

கெஞ்சி மன்றாடி நிற்பேன்
வஞ்சி எனை நம்படி
வஞ்சகனும் நானல்லடி..உன்
விழியின் கனலும் தள்ளடி

Holi hai holi

Holi hai holi
கலர் கலர் பண்டிகை
கலகலக்கும் பண்டிகை.
வசந்த்காலப் பண்டிகை.
விளையாடும் பண்டிகை

கலக்கம் வரும் முதலில்
களமிறங்கினால்..
களிப்பு கொள்ளை அங்கே.
கலர் பூசிய முகமே
கிலி கொடுக்குமங்கே

வீசி எறியும் வண்ணம்
வீதியிங்கு மின்னும்
வயது மறந்து இங்கே
வாலிபமும் திரும்பிடுமே

பொரித்த உருளை வறுவலும்
பொறுமை சோதிக்கும் குஜியாவும்
தயிரில் ஊறிய வடையும்
தாகம் தணிக்க பானமும்.
ஆட்டமது ஓயாதிருக்க
அதி சக்தி தந்திடுமே



ஆடி ஓடி ஓய்ந்த பின்னே
அழுக்கு போக ஓர் குளியல்
அப்பாடானு ஒரு தூக்கம்
அடடே .இதுவோ சொர்க்கம்

கவலை அடுத்து வருமே
கலரில் தோய்ந்த துணி
கசக்கிக் போட வேணுமே
சுவரில் தெளித்த கலரும்
சுவடில்லாமல் அழிக்கணுமே..

வண்ணங்களின் பண்டிகை
எண்ணத்தை தூண்டியதே
வாழ்ந்த காலங்கள் எல்லாம்
வந்து நினைவில் போகிறதே
வணங்கிடுவேன் இறை யவனை
வாய்ப்பு ஒன்று தந்ததற்கு
வாழ்வை நன்கு ரசிப்பதற்கு

Sunday, March 12, 2017

பெளர்ணமி

பெளர்ணமி
கண்ணாம்பூச்சி காட்டும் நிலா
கடமை கண்ணாயிரமாய்
கம்பத்து விளக்கு

Thursday, March 9, 2017

ராதே..என் ராதே

ராதே..என் ராதே

இறக்கடி உன் கோபத்தை
இறகாக்கடி உன் மனத்தை

போகும் பொழுதும் தெரியலையே
பேதையுன் மொழிப் போதையிலே
போதுமென்ற மனமும் இல்லையே
போகா விடில் விழும் பழியே..

காத்திருப்பர் கோபியர் அங்கே
கண்கட்டி விளையாட்டும் ஆட
கொஞ்ச நேரம் போகவேணும்
கோபமேனோ சகியே உயிரே...

காதலன் மட்டுமல்லடி உன்கண்ணன்
காவலனாய் என்றும் காக்கும்
கடமை ஒன்றும் உள்ளதே
களங்கம் வரலாமோடி
கண்ணன் உன் மன்னனுக்கு..

கனல் பார்வை நீ விட்டு
கனிவோடு வழி அனுப்பு
காத்திருப்பும் சுகமென
கண்டறி நீ கண்மணியே..

கோயில் மணியோசை

கோவில் மணியோசை

பிரகாரத்தை சுற்றி முடித்து
பகவானே நான் சொன்னதெல்லாம்
நினைவில் வை..
பாவி எனக்கு உன்னை விட்டா யாரென்று
பக்திப் பரவசத்தில் இன்னோரு மீள் வேண்டல் தொடங்க
படியைத் தொட்டு கும்பிட்டபடி
பவ்வியமாய் நுழைந்த ஒருவர்
பிடித்து அடித்த கோவில் மணி
பரமன் என் அருட்பார்வை
பேதையே உனக்குமுண்டு
பதறாமல் போய் வாவென
பாசமுடன் சொன்னதோ..

கோவில் மணியோசை..
இன்னும் ஒலிக்கிறது..

கண்ணன்

பார்வை ஒன்று போதுமடி
பாரம் யாவும் தீருமடி

பகலும் இரவும் போனதடி
பாவை உந்தன் பிணைப்பினிலே

மையிட்ட உனது கருவிழியோ
மையல் கொள்ளச் செய்யுதடி

மணிகள் கோர்த்த மாலையுமே
மங்கையுன் அழகை உயர்த்துதடி

சிவந்த உந்தன் திருமுகமோ
சீவனை கொல்லத் துணியுதடி

சிரிப்பில் மயக்கும் உன்னிதழோ
கிறக்கத்தில் என்னை வீழ்த்துதடி..

மாயக்கண்ணன் நானென்றால் எனை
மயக்கும் மகராசி நீயன்றோ..

மாலை மயங்கத் தொடங்குதடி
மறுபடி வருவேன் நாளையுமே
மலர்ந்து நீயும் விடைகொடடி
மருகாதே எந்தன் மான்விழியே..

பரீட்சைக்கு நேரமாச்சு..English English 12 th

பலநாளாய்க் காத்திருந்த
பன்னிரெண்டாம் வகுப்பு
பரீட்சை தொடங்கியது
பரீட்சை தொடங்கியது.

ஆங்கிலப் பாடம் இன்று
ஆரம்பம் எளிதில் இருந்து

இலக்கணமும் இலக்கியமும்
இயல்பாக அழகாக
இன்பமாய்ப் படித்தாலே
ஈர்க்குமே காந்தமென..

பத்திகள் பல உண்டு
பக்குவமாய் பதில்கொடு
கடிதங்கள் வகையுண்டு
கருத்தோடு எழுதிடு நீ
குறுஞ்செய்தி மொழியினையே
மறந்திடு நீ அங்கேயும்.

படைப்பாற்றல் சோதிக்க
பாகமொன்று உண்டங்கே
கட்டுக்கதை எழுதாமல்
கட்டுரையை எழுதிடு நீ
பிட்டுபிட்டு வைத்திடு நீ
புரட்சியான சிந்தனையை

எட்டிக்காய் இல்லையது
எகிறியுமே நீ ஓடாதே
கிட்டுமே  மதிப்பெண்ணும்
நாட்டமுடன் எழுதிடு நீ

விடை தெரியா
வினாக்கள் சில
வந்திடுமே சோதிக்க
விதியென எண்ணாது
மதியால் வென்றிடடி..

வேறென்ன  சொல்ல
வெற்றி உன் வாசல் வர
வாழ்த்துக் கவியிதுவே
வாழ்த்தும் கவியிது..

Wednesday, March 8, 2017

வீடும் நாடும்

பரீட்சை க் காய்ச்சல்..
பரவி இருக்கே..
வீட்டிலும் நாட்டிலும்..

பலப் பரீட்சை
படிப்பிலும்..
பொது வாழ்விலும்..


படித்தது நினைவிலிருக்க வேண்டுதல்...வீட்டில்
படிக்கத் தெரியனுமேனு வேண்டுதல்.நாட்டில்

பாதாமும் பழரசமும் பலத்தைக் கூட்ட..வீட்டில்
பாட்டிகலும் ஊறுகாயும் பலவீனப்படுத்த..நாட்டில்

பொழுது விடியலும் சாய்தலும் அறியா ..வீட்டில்
பொழுதே போகாத அடைப்பு..நாட்டில்

விரயம் நேரமென்றே துண்டித்த இணைப்புகள்..வீட்டில்
விவரம் தெரிந்திடுமேனு துண்டித்த இணைப்புகள்..நாட்டில்

தலையைத் தடவி ஆதரவு.. வீட்டில்
தர்ம அடி நகர்ந்தாயோ..நாட்டில்

அமைதியும் அரவணைப்பும் பெருகும்..வீட்டில்
அராஜகமும்,அடியாளும் பெருகுது..நாட்டில்

தீயா வேலை செய்யணும் குமாரு..வீட்டில்
தீவில் நீ அடைஞ்சிடனும் குமாரு.நாட்டில்

வேகம் குறைய் விவேகம் கூட
வெற்றி நிச்சயம் கிட்டிடுமே
விதியிதை மறந்தால்
வீடும் நாடும் சிதைந்திடுமே..

Sunday, March 5, 2017

Acche din

Acche din..
The wait is on..
அஞ்சறைப் பெட்டியிலும்
அரிசி டப்பாவிலும்
அடுக்கின புடவையிலும்
அலமாரி இடுக்கிலும்

 மடித்தும் சுருட்டியும்
மறைச்சு வெச்சேனே
மாங்கா நெக்லெஸும்
முத்து வளையலுமா
மாறும் ஒருநாள்
மகளுக்கு சீராகனு

விளக்கேற்றிய மாலை
வீட்டோர் எல்லாம்
விறுவிறு சீரியலில்
வாய்பிளந்த வேளை
அறிக்கை வந்தது
ஆயிரமும் ஐநூறும்
அந்திமக் கிரியையில்

ஆசையாய் வளர்ந்தது
அழுது புலம்பியபடி
அம்மாவைப் பிரிந்தது
அவளருமைக் குழந்தை.

அப்பவும் நம்பிக்கை
'அச்சே தின்'
அதோ வந்திடுமென்று
காத்திருப்பு
கருப்பொழிந்து
வெள்ளைப் பூக்கள்
வாழ்வில் மலருமென்று..

சொந்தக் காசும்
சொந்தமில்லாமல்..
வந்த காசும்
வாழ விடாமல்..

வழியெல்லாம் அடைப்பு
வளர்ச்சியென மார்த்தட்டல்
வருமொரு நல்ல நாள்
வெறும் கனவாகிடுமோ..!!

நம்பிக்கைக் கவிதை
நவம்பர் மாதத்தில்
மன உளைச்சல்
மார்ச் மாதத்தில்
வானிலை மாற்றமாய்
வாக்குகள் மாற
வாக்காளன் பாடு
வீதியிலே..வரிசையிலே..

'அச்சே தின்'
அவ்வப்போது..
அழுத்திச் சொல்கிறேன்..
அப்படியாவது
வராதா என்று..

Friday, March 3, 2017

#துணுக்குகள்

தங்லீஷ்துணுக்குகள்

'பாட்டில்' லயித்ததில்...எண்ணெய்
'பாட்டில் 'கை நழுவ
'பாட்டும்' கிடைத்தது..
'பாட்டு 'என்ன வேண்டிகிடக்கு
"பாட்டை' பார்க்கும் வேளையிலே
# உடைந்ததுணுக்கு


#துணுக்குகள்
என் 'ஆவி'யில் கலந்தவளே
'ஆவி 'பறக்க அரைக் கப் காபி கலந்து தாம்மா..
(பின்ன என்ன..உண்மையா சொல்ல முடியும்..பேயே..பிசாசேனு)
#பயமிருக்கட்டும்

காசு..பணம்..துட்டு..money..money

காசு..பணம்..துட்டு..money..money

சேர்க்கக் கூடாது
செலவழிக்கக் கூடாது
போடவும் கூடாது
எடுக்கவும் கூடாது
கார்டு கூடாது
காசோலையும் கூடாது
சம்பளக் கணக்கோ
சேமிப்புக் கணக்கோ
சும்மா போட்டெடுத்தா
சுளையா அபராதம்
வரவு வரும்வரை
வருந்தி அழைத்தோர்
வறுத்துவது ஏனோ
வாயில்லா ஜீவன்களை
நாளும் ஒரு சட்டம்
நல்ல குழப்பமப்பா
நடுத்தர வர்க்கமிங்கே
நசுங்கி அழியுதப்பா..

நாளை சந்ததிக் கிங்கே
நாலுகாசு நிற்குமா இங்கே
நல்லா நம்மை ஏசுமப்பா
நாம் பட்ட துன்பமறியாமல்..

பல் டாக்டருக்கொரு 'பா'.

பல் டாக்டருக்கொரு 'பா'..

பல்லு புடுங்கப் போகனும்னா
பல்ஸ் எறங்கிப் போகிடுமே
சொத்தைப் பல் பிடுங்கனும்னா
சொத்தையுந்தான் கேட்பாங்களே..
பல்லு டாக்டர் பலருமிருக்க
பில்லுப் போட்டு கொல்லாமல்
சள்ளு புள்ளுனு விழாமலொரு
சொல்லில் அன்பும் காட்டுமிவர்

பாரில் அரிய டாக்டரிவர்..எங்க
பல்லு டாக்டர் இவர்தானே


ஆனை முகத்தோன் பேரோடு
ஆரவார மில்லா டாக்டரிவர்
அனைவரும் விரும்பும் மனிதரிவர்
அமைதி அறிவின் இருப்பிடமிவர்

மாநகரச் சந்தடி நடுவினிலே
மாபெரும் மருத்துவமனை இல்லையிது
மோதும் கூட்டம் இங்கில்லை
போதும்டா சாமினு புலம்பலில்லை

ஃபினாயில் வாசம் இல்லாது
பீத்தோவன் இசை மணக்குமிங்கே..


மருத்துவம் மனிதம் ஆன்மீகமென
மண்டிக் கிடக்கும் புத்தகங்கள்
 மனதுக்குத் தருமே புத்துணர்ச்சி..

பல்லும் வரிசை ஆகியதால்
 புன்னகை யரசிகள் உருவாக்கல்
நிரப்பப் படுமே இடைவெளிகள் செய்யப்படுமே ..
வேருக்கும் மருத்துவம்..
குழந்தை ,குமரி ,கிழவர் வரை
கூடும் உந்தன் நட்பு வட்டத்திலே

வசை பாட பலரிருக்க
வாழ்த்தொன்று சொல்ல
விழைந்தது என்மனம்
வளமாகட்டும் உன் வாழ்வு
(கை) வரிசை காட்டி நீயும்
கை ராசி டாக்டரென
கிட்டிய நற் பெயரையுமே
கட்டிக் காக்க வாழ்த்துக்கள்

கண்ணா..

பஞ்சு மெத்தை யுந்தான்..
கொஞ்சும் உன்கழல் பாதமன்றோ
காது கொடுத்துக் கேட்பேனே..
காதல்  அதுவும் சொல்வதாலே
பாதம் உனது  பற்றியிங்கே
பாவி நானுன் அடிமையானேன்
பார்க்கா நாளிலும் பரவசமே..உனை
பற்றிய கையின் வாசமுமே
போகாதேடி என்னைவிட்டு
பித்தனாகிப் போவேனே நானுந்தான்

கணவன் அமைவதெல்லாம்

நிச்சயமாகும் திருமணங்கள்
நடக்கும் எல்லாம் சுபமேயாம்.

நல்ல இடமாய் அமைஞ்சதில் தொடங்கி..
ஆசைப்போல அமைஞ்சார் மாப்பிள்ளை..
அன்பாய் இருக்க அமைஞ்ச குடும்பம்
அரவணைத்து  வழிகாட்ட அமைஞ்ச மாமியார்
நானிருக்கேன் அக்காவென அமைஞ்ச நாத்தனார்
விரதம் முதல் மறுவீடு வரை அமைஞ்சது  அம்சமாய் எல்லாமே.
புது ஊரு புதுசாய்க் குடித்தனம்
பழக நல்ல மனிதர்களோடு
பாங்காய் அமைஞ்சது எல்லாமே.

போட்டதை சாப்பிடும் கணவர் ஒருநாள்..
போட்டாரே ஒரு போடுந்தான்..
'அமைஞ்சிடுத்து இன்னிக்கு என்னமோ..எல்லாமே..
அகத்துக்காரி உன் சமையலில் தான்'
அய்யோ பாவம் அப்பாவி மனுஷா
அப்பவே நீரும் சொல்லப் படாதோ
ஆக்கி வைத்ததில் குறைஞ்சது என்னனு...
அழுத்தக் கார சாமினு நினச்சேனே
அமைதிச் சாமியா இருந்தீரோ..

அன்று புரிந்தது உண்மையொன்று..
அமைஞ்சது என்ற பெரிய பட்டியலில்
ஆளுமை இல்லா இவரும் அமைஞ்சது
அமைஞ்சதில் எல்லாம் ஒருபடி
மேலோ..

காத்திருத்திருப்பு

காத்திருத்திருப்பு
உருவான கரு உலகுகாண இன்பக் காத்திருப்பு
உள்ளங்கையில் ஏந்தி ஊர்வலம் வர காத்திருப்ப்பு
உதைக்கும்  பிஞ்சுக் காலை
பிடித்துக் கொஞ்சக் காத்திரிப்பு
ஊட்டி விடுகையிலே ஊர்க்கதை பல  சொல்லக் காத்திரிப்பு
கொஞ்சும் மழலையில் கூப்பிட்டக் குரலுக்கு ஓடிவரக் காத்திருப்பு
 கைப் பிடித்து நீ நடக்கையிலே காலடியில் பூமி நழுவக் காத்திருப்பு
பள்ளியின் முதல் நாள் பாதியிலே
முடியாதா என பரிதவிப்பு காத்திரிப்பு

விடுதியில் விட்டதும் வெறிச்சோடிய வீடு ..வெளிச்சத்துக்கு காத்திருப்பு
படிப்பு பாரத்தின் இடையிலே
பேசவும்  வாராயோனு  காத்திருப்பு
பேசும் குரலில் துன்பமில்லாத் துள்ளல் இருக்கக் காத்திருப்பு.
பணி பளுவிலும் பண்றே என்னனு
பூங்கொத்து செய்திக்கு காத்திருப்பு

களைப்புத் தராக் காத்திருப்பு
கண்மணி அவளுக்கான காத்திருப்பு

ஊர் சொல்லும் உலகமெல்லாம்
உன்னை விடப் பெரிதா ..இல்லை..
உலகம் நீ சுற்றினாலும்..என்
உலகம்  என்றும் நீதானே..

பயணங்கள் ..
புதுப் பாடங்கள்..
பதியணும் மனதில்.
புகைப்படமாய் என்றும்..

புடவைகள் பலவிதம்..

புடவைகள் பலவிதம்..

கடைக்காரர் குவித்தார்
மலைபோல் துணியை..

கட்டம் போட்ட புடவை
படுக்கை விரிப்பாட்டம் என்றாய்.
பூப் போட்ட புடவை..
பூந்தோட்டம் புடவையிலா என்றாய்
கோபுர பார்டர் புடவை
கோவில் வேண்டுதலையா என்றாய்
பட்டை சரிகை புடவை
பட்டுனு வேண்டாம் என்றாய்
காஞ்சிக் காட்டன் புடவை
கஞ்சி மொடமொடப் பென்றாய்
நல்ல நைலான்  புடவை
நழுவுமே வேணுமா என்றாய்
 கல்மணி பதித்த புடவை
குத்திப் பிடுங்குமே என்றாய்
கோரா வகைப் புடவை
கோரமா இருக்கு என்றாய்
மைசூர் பட்டுப் புடவை
மலைப்பா இருக்கே விலை யென்றாய்
சுங்கடிப் புடவை ..
சுருங்கிக் கசங்க காசா என்றாய்
கலர்கலர் கலம்காரிப் புடவை
கண்ணைப் பறிக்குதே என்றாய்
பொட்டலமாய் பாந்தினி புடவை ..
பாந்தமே இல்லை என்றாய்
பத்திக் ப்ரிண்ட் புடவை
பத்திண்டு வரது என்றாய்
இன்றைய இக்கத் புடவை
இருட்டிலும் தெரியுமே என்றாய்.

அளைந்து அலைந்து முடித்தும்
அமையல புடவை ஒண்ணு..ஆனா
அறிவில் எட்டியது ஒண்ணு..

ஆத்துக்காரரையே அழைச்சு வந்திருக்கலாம்..
அமைதியா தலை ஆட்டியபடி
அரைடஜன்  புடவை அடுக்கியிருக்கலாம்..

அருமைப் பெண்ணை நம்பி வந்து
பொறுமை மட்டும் போனது இங்கே
புடவை ஒண்ணும் அமையலையே
புலம்பல் மட்டும் முடியலையே

Saturday, February 11, 2017

எச

budget ..budget..budget..
படுத்துது இன்னிக்கு முழுக்க..
இதுதான் 'உனக்கு எனக்கு 'வரிசையில் என் கடைசி பதிவு

பட்ஜெட் நானுனக்கு
deficit  நீ எனக்கு

சம்பளக் கவர் நானுனக்கு
பிக்பாக்கெட் நீ யெனக்கு

லைசென்ஸ் நானுனக்கு
life tax நீயெனக்கு

 விதிவிலக்கு(exemption) நானுனக்கு
வரி ஏய்ப்பு (evasion )நீயெனக்கு


பொருளா..தாரம்..?என்பவனில்லை நீ
பொருளாதாரம் உயர்த்துபவன் நீ

ஆதாயம் தேடாத பந்தம்
ஆதாரம் வேண்டுமோ என்றும்?
(last line senti)

Thursday, February 9, 2017

காலம் ..

வேலைக்குப் போன அம்மாக்கள்
விவரம் தெரியாத பிள்ளைகள்
விளையாடிக் கழிக்குமே அடுத்தவீட்டில்
வினையேதும் ஆனதில்லை அப்போது..
தலைகீழ் எல்லாமாச்சு இப்போது
முகமூடித் திருடர் போல்
மூடர்கள் வெறிக்கு பயந்து
முகத்தை துணியால் மறைத்தும்
மறைத்தே வீசும் அமிலத்தால்
மங்கிய வாழ்விங்கு ஏராளம்.
ஊருக்கு கிளம்புகிறாள் பெண்ணென்றால்
உள்ளூர பயமும் தொற்றிடுதே
உதறல் எடுத்தே உயிர் போய் வருதே
பேருந்து பயணம் இரவிலென்றால்
அருந்துவதில்லையே தண்ணீரும் இங்கே
அரை வயிற்று உண்வோடு
அடக்கியே செல்லணுமே வீடுவரையில்

ஊருக்குள் இருக்கையிலே
காருக்குள் போகையிலே
பேசத் துவங்கிடுவாள் அம்மா
பிடுங்கிப் பேசிடுவார் அப்பா
வழித்துணையாய் உரையாடல்
வீடு வந்து இறங்கி்யதும்
விடுவாரே நிம்மதிப் பெருமூச்சு
வயிற்றில் ஓர் நெருப்பு
வயதுப் பெண்...
்வீட்டிலிருந்தால்.
வெளியே சென்றால்..

வருமா ஒரு காலம்..
வெறிச்சென்ற தெருவிலும்
வெளிச்ச மில்லா வீதியிலும்
அச்சமின்றி இவள் நடக்க..

யாதுமாகி

யாதுமாகி..

அரைப்பான் ..அவிப்பான்.
துடைப்பான் ..துவைப்பான்..
 வறுப்பான்.. தேய்ப்பான்
சுடுவான் ..குளிர்ப்பான்..
எந்திரம் இவையெல்லாம்
என் திறன் முன் எம்மாத்திரம்
அடக்கினாய் உன்னுள்ளே..அது
அந்தக் காலம்..

அடுக்கினாய் வகைக்கொன்றாய்
அடுக்களையில் அட்டத்தில்..
அடக்கினாய் ஒரு தட்டலால்
அது இந்தக் காலம்.

அப்போதோ..இப்போதோ..
அவளன்றி அசையாது..
அணு கூட எப்போதும்.
இயங்கினாள்..இயக்கினாள்..
இயந்திரங்களையும் மந்திரத்தால்..
இல்லாள்..இவளிலையே..
இயங்காது ஏதுமிங்கே.

Wednesday, February 1, 2017

பிரியாவிடை

பசுமை நிறைந்த பள்ளி வாழ்வு
பிரியா விடையுடன் ..
பாடித் திரிந்த பறவைகள்..அவரவர்
பாட்டைப் பார்க்க பறக்கும் நேரம்..

ஆசையாய் வளர்த்த கிளிகள்
அடுத்த நாள் முதல்
அங்கு வராது போகுமேனு
அள்ளித் தந்த அன்புடனும்
ஆசி வழங்கிய ஆசிரியரும்..
வாட்சப் வழியே..என்
வணக்கமும் உண்டு..
வினாத்தாளும்் உண்டு..
விளக்கமும் உண்டு..
வெற்றி பெற உதவுவேன்
வாஞ்சையுடன் வழியனுப்பல்

அருமைத் தோழமை..
அழுகையும் தேற்றலும்
அங்கே காணலையே..
கண்ணில் ஒளியோடு
கையில் சுடரோடு
கம்பீர் வலம் வந்த
கண்மணிகள்் கண்டேனே..
பள்ளிச் சினேகிதம்..
கொள்ளை இன்பமே.

ஊடகம் இருக்கு..
உனக்கென எப்போதும்..
நானிருக்கேன் என..
நண்பர்கள் நல்மனம்..
சிரிப்பும் கேலியுடன்..
செல்ஃபி செல்லங்கள்..

மணி அடிக்கும் முன்னே
மண மணக்கும்..
மஞ்சூரியனும்..
மசாலா தோசையும்..
மாய்ந்து பாய்ந்து
மடக் மடக்கென..
முடித்த காலமது
மறுபடி எப்போ..
கடைசி பெஞ்சில்
கலாட்டாக் கதைகள்
கண்ணு சொக்கிப்போய்
கையும் களவுமாய்
கிளாஸை விட்டு வெளியேறி..
காண்டீனில் காத்திருந்த
காலம் வருமா..
சோக கீதம்  ..
சொல்ப நேரம்
சிட்டாய்ப் பறந்தனர்..
சிரித்து மகிழ்ந்தனர்..
வரப்போகும் நாளுக்கு
வரவேற்பு ..
வருங்காலம் வளமாய்..
வாழ்த்து மழையுமங்கே..
ஆடுங்கள்..
பாடுங்களென..
அரங்கம் அங்கே..
அவர்களுக்காக..
பிரியத்துடன்..ஒரு
பிரியா விடை..

குருவே

அனுஷத்தில் அவதரித்த
அமைதியின் உருவே..
அன்பருளம் அதையறிந்து
அருள் பொழிந்த கடலே..
ஆசி தரும் அற்புதமே
ஆசை துறந்த மாமணியே
காஞ்சி மகானிவரின்
கண்கள் சுடரொளியே
கண்டு வணங்குவோரின்
கவலைகள் யாவையுமே
கரைந்ததே கற்பூரமாய்..
கண்டதில்லை உம்மை..
களித்தோம் தெய்வத்தின் குரலை..
கரம் குவித்து வணங்கிடுவேன்..
காமகோடி குரு உனையே..

நம்பிக்கை

புதரின் நடுவில் நான்..
பிழைக்கத் தெரியும் எனக்கு..
பிடிவாதத் தேடலில் அன்று
பிடிபட்டது ..பிடிமானம் ஒன்று..
சாளர வழியுடன் கூட
சூரிய ஒளியும் சேர்த்து.

துவண்ட நிலையோ
தோல்விக்கு வித்து
துவளல் தூரந்தள்ளி
துணிந்தெழு நீயும்
தோன்றுமே புதுவழி
துடிப்புடன் கடன்செய்
தேடிவரும் வெற்றியுமேந

எண்ணங்கள்

சைக்கிளில் போற மாதிரி
slow motion எண்ணங்க்ள்
ஸ்கூட்டியில் போற மாதிரி
பிரேக் போடும் எண்ணங்கள்
காரில் போற மாதிரி
கியர்போடும் எண்ணங்கள்
ர்யிலில் போற மாதிரி
தடக் தடக் எண்ணங்கள்
பஸ்ஸில் போற மாதிரி
விசிலக்கும் எண்ணங்கள்
விண்ணில் பறக்கிற மாதிரி
வினோத எண்ணங்கள்..
இந்த போக்குவரத்து நெரிசல்
இருப்பதாலே என்றும்..
இனிக்குதிங்கே வாழ்க்கையே
இனியும் சலிக்காதீர்..
என்னதான் சிந்தனையோ...இந்த
சின்ன மூளைக்கென்று...
முடுக்கி விடாமல் போனால்..
முடங்கிப் போவோமே நாமும்.

கண்ணாடி

புறக் கண்ணாடி முன் நின்ற வேளை
அகக் கண்ணாடி அழைப்பில்லாமல்
அங்கே  ஆஜர் ஆகியது..
புறக்கண்ணாடி: நரையும் வந்ததே.. நன்றாக இல்லையே..?
அகக்கண்ணாடி: மனக் கறைகள் மறைவதை அது எடுத்துச் சொல்லுதே..
புறக் கண்ணாடி: கருவளையம் கண்ணில்..??
அகக்கண்ணாடி: கண்மணி களுக்காக  நீ விழித்த கதை சொல்லுமே
புறக்கண்ணாடி: சுருக்கம் ஏனோ..?
அகக்கண்னாடி: சுருங்கி.. பின் விரிவதே வாழ்க்கை ..சுருக்கங்கள்..சுவடுகள்
புறக்கண்ணாடி: பல்லெல்லாம் போச்சே..
அகக்கண்ணாடி: பேசினால் இனிமே காற்று மட்டும் வரட்டும் . கடுஞ்சொல் வேண்டாமே..!
புறக்கண்ணாடி: பெருத்த தொப்பையும் தொந்தியும் ..இதுக்கென்ன பதில்..
அகக்கண்ணாடி: வறுத்தினாயே..இந்த சின்ன வயிற்றை..அபாயச்சங்கிது..அடங்கலனா..ஊதிடுவேன் உண்மையிலே..
புறமும் அகமும் பட்டிமன்றம் நடத்த..
புரியணும் ஓர் உண்மை.
வயது ஏற..
ஒளி வருமே..
கண்ணில் ..வருமொளி
கருத்தில் தெளிவிருந்தால்
முகத்திலே ..வருமொளி
முதிர்ச்சியின் ரேகைகளால்
செயல் சொல் எண்ணம்
செப்பிடனும் சிறப்பாக..
அக அழகு ஆட்சியிலமர
புற அழகு கூடும் என்றும்.

மரங்கள்

சோலைகளெல்லாம்..நெடுஞ்
சாலையா இப்போ மாறியாச்சு
கொடியும் செடியும் மரமுமிங்கே
கோடாலிக்கு இரையாச்சு
கான்க்ரீட் காலன் வந்ததுமே
காணாமல் போச்சே மரமெல்லாம்
அரச மரத்தடி அமர்ந்தோனே
அடுத்த தலைமுறை மக்களுக்கு
ஏட்டில் மட்டுந்தானா..
நெட்டை குட்டை மரமெல்லாம்..

காலம்

பல்லு வெளுக்க
பல்பொடி கோபாலு
வழவழ முகத்துக்கு
கொழகொழனு கலந்த
கடலை மாவு தயிரு
கண்ணெறியும் சீயக்காய்
கண்டிப்பாக குளியல்
சிட்டாய்ப் பறக்க
சீட்டிப் பாவாடை..
தலைவாரிப் பூச்சூடி
தழையத் தழையப் பின்னல்..
கத்திரி வெண்டையும்..
காலத்தில் கிடைக்கும் பழமும்
வீட்டில் செய்த பணியாரம்..
வஞ்சம் இல்லை வயிற்றுக்கும்..
எளிமை வாழ்க்கைனு
என்கதை சொன்னால்..
என்ன இதெல்லாம்..
எள்ளி நகையாடுதே..
இளைய சமுதாயமும்..
அசைபோடும் உள்ளம்..
அவ்வப்ப்போது துள்ளும்.

Monday, January 23, 2017

தீயினால் சுட்ட புண்...ஆறாது..

தீயினால் சுட்ட புண்...ஆறாது..
ஆறவே ஆறாது..ல

திருவரங்கம்....
திரும்பிப் பார்க்கிறேன் இந்நாளை

தாயார் பேரிலொரு
திருமண மண்டபம்..
வாசலுக்கு பேர்பெற்ற ஊரில்..
வந்தது இந்த மண்டபம்..
சிறிய வாசலும்..
குறுகிய படிக்கட்டும்..
குறையாய்ப் படவில்லை..
குதூகலத்தின் நடுவினிலே..
ஜாம் ஜாமென்று ..
ஜானவாசம் நடப்பு..
ஜொலிக்கும் அலங்காரத்துடன்
ஜனத்திரள் அங்கே..
முகூர்த்த நேரம்..
முண்டியடிக்குமோ கூட்டம்..
முதல் நடவடிக்கை..
மாடியில் பந்தல்..
பளபளக்கும் பேப்பரிலே..
புதுசாய் ஒர் அலங்காரம்
புதுப் பெண்ணும் பிள்ளையும்..
புது வாழ்வு புகும் நேரம்..
மாலை மாற்றியாச்சு..
மணமகள் தயாரங்கே..
தாலி கழுத்தில் ஏற..
புகைப்படங்கள்..
பொங்கும் இன்பத்தை..
படம் பிடிக்க..

வீடியோ பிடிக்க வந்தவனோ..
விதியை மாற்ற வந்தவனோ..
சிறு பொறி வந்ததது..
சீரழிக்க வந்தது..

அலங்கார த் தோரணங்கள்..
அவசரமாய்த் தீப்பிடிக்க..
அரை நொடியில் அங்கே..
அரக்கனாய்த் தீக்கங்குகள்

மங்கள இசைக்குப் பதிலே
மயானக் காட்சி அங்கே..

அங்கும் இங்கும் ஓடினரே..
எங்கோ ஒரு வழியுண்டா என்றே..

குழவிகளும்..குமரிகளும்..
கிழவரும் கிழவியும்..
சிக்கித் தவித்தனரே..
சிறுவழியது நெருக்க..

சிதறிய கனவுகள்..
கதறிய திருவரங்கம்..
அரங்கனும் கேட்டிருப்பான்..
அலறல்கள்..ஓலங்கள்..
.
காத்திருந்தேனா..இதற்குப் போய்
காவிரித்தாயும் ..கலங்கினளே..

ஆண்டு பதினாலு ஆச்சு..
ஆறவில்லை..காயம் இன்னும்.
ஆறுதல்கள்..
ஆற்றவில்லை காயத்தை..
ஆத்மா சாந்தியடைய..
அவனை வேண்டுகிறேன்..
தீயினால் சுட்டப் புண்..
ஆறாது..
ஆறவே ஆறாது..
.

Sunday, January 22, 2017

Happy birthday

15.01.2017
வெளியே போய் சாப்படலாமானு கேட்டேன்..
no no outside food என்றாள்..
புத்தன் ஞானமோ என்று வியந்தேன்..
புதன் கிழமை graduation day...
புசுபுசுனு மூட்டை மாதிரி தெரிவேன் என்றாள்..
சினிமா போலாமா என்றேன்..
syllabus கொட்டிக் கிடக்கு
சினத்தைக் கிளப்பாதே என்றாள்..
selfie queen ஆச்சே..
super mobile வேணுமான்னேன்..
சும்மா கிட..இப்போ வேண்டாம்னாள்
(பெரிய வேட்டுக்கு plan..)
accessories வேணுமா என்றேன்..
antique piece வாங்கிடுவே..
அப்பறம் நான் வாங்குவேன் என்றாள்..
dress என்ன வாங்கட்டும்னேன்..
door delivery myntra தரும் என்றாள்..
என்னதான் வேணும்னேன்..
அம்மா..நீ superஆ பண்ணுவியே..
jeera rice ம், Punjabi choleம்..
அதுதான் வேணுமென்றாள்..
எதைக் கேட்டாலும் வேண்டாம்கிறதேனு..
எள்ளும் கொள்ளுமாய் வெடித்த எனக்கு..
வேணும் உன் சாப்பாடென
வெண்ணையாய் அவள் வார்த்தை..
வேகமாய்ப் பறந்தேன்..
வேக வைக்க கொண்டைக்கடலை..




Saturday, January 14, 2017

நட்பு

நட்பு..
மதுரை மரிக்கொழுந்து வாசமிவள்..
தென்பாண்டித் தமிழ் இவள்..

பாடும் குயிலிவள்..
படபடப்பில்லா பதுமையிவள்

அன்பின் முகவரி இவள்..
ஆசையின் இருப்பிடம் இவள்

சமையல் என்ன இன்னிக்கு
சுவையாய் தொடங்கிய நட்பு.
அங்கே நலமா..
இங்கே நலம்..
அங்கே குளிரா..
இங்கே இப்போ தேவலாம்..
பரீட்சை பைய்யனுக்கு எப்போ..
பரிட்சயம் இப்படி ஆச்சு..
ஆர்க்குட் நட்பு..
அன்பாய் பறிமாறல்கள்

நேரில் கண்டபோது..
தேரில் (காரில்)வந்த
தேவதையாய்
மூச்சு விடாது பேச்சு..
முன்ஜன்ம பந்தமோ இது..


இப்படி ஒரு தோழி..
அடிக்கடி அளவளாவல் இல்லை..
நொடிக்கொரு குறுஞ்செய்தி இல்லை..
அவளறிவாள் என்னை..
என்னை அறிந்தேனே அவளால்..
புதுத் தெம்பு தந்தாள்..
புவனா என் தோழியே..
கவிதை நீ..
புதிதாய் என்ன கவி படைப்பேன்..
பிறந்த நாள் காணும் உனக்கு..