அப்பாவும் நானும்..

 அப்பாவும் நானும்..

மோட்டார் ரிப்பேரா..

த்ண்ணீர் ஊற்றி அவர் air lock சரிபண்ண..

தண்ணீர் வருதானு மொட்டை மாடியில் நான் பார்ப்பேன்.

TV ல கோடு கோடாய் வரும்..

திருப்பிச் சரி செய்வார் ஆண்ட்டெனாவை..

இன்னும் கொஞ்சம் திருப்பு..தெளிவா இல்லையென்பேன்.

சைக்கிள் துடைத்தால்..

துணியோடும் எண்ணெய்யோடும்

துணையாய் இருப்பேன்..

புதிதாய் செடி வைத்தால்..

அழகாய் அவர் குழி தோண்ட

அதில் உரமும் நான் இடுவேன்.

பரணியில் சாமான் எடுத்தாலோ

படுகெட்டியாய் ஏணியைப் பிடித்திடுவேன்.

ட்யூப் லைட் மாற்றயிலே

டார்ச்சாய் நான் இருப்பேன்

இரண்டு சக்கர வாகனத்தில்

இருவரும் வலம் வந்தோம்..

அன்று கற்றது

இன்றும் கைக்கொடுக்குது.

பழுதென்றவுடன் பதறாமல்

பார்ப்போம் ஒருகையென்று

மராமத்து வேலையெல்லாம்

மகிழ்ச்சியாய் செய்வேனிங்கே

மழையும் ரசித்தோம்..

மாட்சும் ரசித்தோம்.

எதிரணி அடித்தாலோ

எகிறிடும் இவர் ரத்த அழுத்தம்

இந்தியா விளையாடையிலே

இருப்புக் கொள்ளாமல் தவிப்பு.

இன்றும் அப்படியே

மழையும் இங்கே..

மாட்ச்சும் அங்கே.

எண்பதை தாண்டினாலும்

இளமை திரும்பும் இவருக்கு

இந்தியா- பாக் மாட்ச் என்றாலே..