Madhyamar-பாரம்பரிய உணவு

 #பாரம்பரியஉணவு

"இட்லிக்கும் சட்னிக்கும் சண்டை வந்ததாம்..

ஈரோட்டு மாமனுக்கு தொந்தி வந்ததாம்.."

இதுதான் குடும்ப பாட்டு இட்லிக்கு எங்க வீட்ல..

இட்லி தோசையில்லா வாழ்வு என்னது?

சட்னி சாம்பாரில்லா வாழ்வு என்னது?

இதுதான் பாரம்பரிய உணவா?

இதயம் சொல்லி விட்டதா?

சொல் மனமே.....

இட்லி மாவில்லாவிட்டால் ஏதோ கை ஒடிஞ்ச மாதிரி ஒரு உணர்வு..

ஃப்ரிட்ஜில் இவர் இல்லாட்டா..வீட்டில் கலாட்டா தான்.

நடுவில் கொஞ்சம் ரூட்டை மாத்தி எல்லாரும் உஜாலாவுக்கு போய்..விவேக் சொல்ற மாதிரி ஜல்லி மாதிரி ஒரு kellogs..அதை பாலில் ஊற வைச்சு தின்னோம்.

எங்க பாட்டி சொன்னா..எங்கம்மா சொன்னா..இப்போ டாக்டரும் அதே தான் சொல்றாங்க..ஒழுங்கா பழையபடி இட்லி தோசைக்கு வாங்க என்று.

இட்லியின்றி இன்பம் ஏது

தோசை இன்றி துள்ளல் ஏது

ஊத்தப்பம் தருமே உற்சாகம்..

மசாலா தோசை மயக்குமே எல்லாரையும்

குழி அப்பம் ..இதுக்கு கூட்டம் ஏராளம்.

சட்னியும் சாம்பாரும்..

சக தோழமைகள்..ஆனால்..

மிளகாய்ப் பொடி இட்லிக்கு

மவுசுதான் என்றுமே..

சத்தெல்லாம் மொத்தமாய் இதிலிருக்க

சொத்தை அழிக்கும்..

வெளி நாட்டு உணவு நமக்கு எதுக்கு?

இன்பம் இன்பம் இட்லி தோசை இன்பம்

படையே வந்தாலும் படைக்க..

சம்படம் மாவிருந்தால் போதும்.

இதுக்கு நான் என்ன ரெசிபி போடறது?

நீங்க எல்லாருமெர் இதில் experts.

புதியன புகட்டும்..

பழமை..என்றும் இனிமை..

வேறென்ன..வேறென்ன வேண்டும்?

வெந்த இட்லியும் சட்னியும் வேண்டும்

மொறு மொறு தோசை வேண்டும்னு..

பாட்டை மாத்துவோம்..

ரூட்டையும் மாத்துவோம்

அளவாய் சாப்பிட்டு ஆரோக்கியமாய் இருப்போம்.